Hilassi Ergaano 26:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

Hilassi Ergaano 26:18 Referans Kwoze

1 Beetero 2:9

Iꞌdaasenyi atin a ꞌdooꞌdi Waakh soobahsate, a kuhaaniyyohi karnat, a yaafti munyee, a ꞌdooꞌdi Waakhe Waakkhi mugꞌdi goya kasoobahche banayhiiski haaggan goya soogesse wihi weyti haaggane us yeele cheeko.

Efeesso 1:18

Wihi addane an Waakh daaho, a malassiinki lafuro ꞌdee walah seyyah abattaan. Khajjeeli us atin iwahe abattaane, buurti kamurroonka noole atinhi ꞌdooꞌdi Waakhe atin muꞌdan abattaane,

Efeesso 5:8

A mehe atin rubeytiin goorat ꞌhor mugꞌdi eheete, iꞌdaasenyi atin ichoow Kamur wohoo kalday a tahiin gone, banaye titaaheen. Maantaka fatali ꞌdooꞌdi banaye jira giꞌde.

Hilassi Ergaano 20:32

“Toollaka dahanti Waakh ichoow wori haaggiiski buure miinsane atin gessa. Waakh wora ka atin miigoon a yabuuꞌde, toro la wihi atin muꞌdan ꞌdooꞌdi Waakh munyaache tuumman a leeꞌhessaan.

2 Koriinto 4:6

Iꞌdi tahe Waakkhi, “Mugꞌdi goyaka banay a soobaheen,” yidah rubeytiissa banayhiis uurasseen goya kiifche, ꞌdee garanti inno ababnaanki Waakh garanni inno siicha. Ababnaankaas fool Kiriisto kasooababa.

Yoohana 8:12

Yeesso toro ꞌdooꞌd leeyyeede wihi us iyidah, “An a banayhi harra. Eti tuummane isooraaho, jirtuu mugꞌdi goya ma kaassohti, iꞌdaasenyi banayhi jiro lakeelo siicha.”

Luuka 1:79

ꞌdee ꞌdooꞌdi mugꞌdihi omooteet goya kajiro serey ka banay sootusa, inno yaakhicha, jiti nebeyeet inno gata.”

Efeesso 4:18

Malassicho mugꞌdi buuha, jiroti Waakh lakaꞌhelo a lakagooche. Jeenteti matahenyeticho miig itahuu, wahanyeyyohi Waakh ma gartaan.

2 Koriinto 6:14

Taba atin ichoow ꞌdooꞌdi Kiriisto irummeysan dahoo kalday akararanna. Iꞌdi tahe ꞌdooꞌdi fiffissan ichoow ki hugunꞌdarri kaassohti saggoh isiwalhichaan? Toro la ꞌdooꞌdi banay kijiro ichoow ki mugꞌdi kijiro ba kulankoo kalday a isleekhabaan?

2 Koriinto 4:4

Seytaanki waakkhi harratee malassi ꞌdooꞌdi Kiriisto irummeysan a hide, ꞌdee banayhi Wori Haaggan ma argaan. Banayha la a Wori Haaggane Kiriistohi weynaan leh.

1 Yoohana 3:8

Eti tuummane uskeel yeelo a ki Seytaan, a mehe Seytaan uus uumaccho ka us uskeel on yeela. Weeli Waakh a yimiyye ꞌdee hili Seytaan baabiicha.

Hilassi Ergaano 2:38

Beetero la wihi us ilaabe, “Etiimba uskeeliis a kasoonokhti, antohi magah Yeesso Kiriisto ka a atin labaattissiyo, ꞌdee Waakh uskeeliin a atin ikakuto. Waakh la ꞌdee siinti Rubeyti Munyee a atin siicho.

1 Yoohana 5:19

Saggi inno nyaakhuti Waakh inahe a garanna. Toro la saggi Seytaanki uskeel leh wihi tuummane Waákh tirrimo idakhti a garanna.

1 Yoohana 1:9

Chirri inno uskeeleen Waakh icheekanne, usu a lakakhuufa toro wihi rummaat on yeela, uskeeleen a inno ikakuta toro la khollookh tuumman inno kadikha.

Hilassi Ergaano 20:21

Wihi an ꞌdooꞌdi Yaꞌhuud ichoow ki Yaꞌhuud ieheynan icheeke a ichohi uskeel kasoonokhti ꞌdee Waakh urgiyicho toro Yeessohi Kamureene kakhuufo.

Luuka 24:47

Ilkerengeetti weene Yeerusaleeme lakasookhabta, antohiis ka wori uskeeli lakasoonokhti ichoow uskeeli Waakh enenyet ikakuto miinsan ꞌdooꞌdi harra tuumman liicheeka.

Bakkaahit 21:27

Walah biꞌdirenye jirtuu ilkerengeet goya gelo mele. Toro la eti wihi lakhaanyee yeelo ommos eti been goocho goya ma gelo. ꞌDooꞌdi gelo, a ki magahenyeticho buuggi Heleeme ꞌdooꞌdi jiroti jirtuu imassan khabo lakachiire kaldach on.

1 Beetero 2:25

Iꞌdi tahe atin iꞌdi iiyti baabaa kijirto eheet. Iꞌdaasenyi toolla Ersinki rubeyohiin yaakhicho a isoonokhatteen.

Ibiraaniya 11:6

Et Waakh ikakhuufine Waakh kahamaadicho mele. Iꞌdi tahe eti Waakh wahan ꞌdoono tuumman, wihi lakaꞌdoono a usuhi saggi Waakh rumanka ijiro, toro us ꞌdooꞌdi usu yowti kalaꞌd iguto, rummeesti.

Hilassi Ergaano 13:47

A mehe amuri Kamur nah siiche a kan, “ ‘A kisoobahsade, banayhi yaafohi Waakh igaran kaayeele, ꞌdee Wori Haaggane ribnaan keeno harra tuumman eleelissa.’ ”

Hilassi Ergaano 15:9

Inno ichoow icho la walah inno yeerarroocho mele, wihi tahe kakhuufnaanki icho Waakh kakhuufeen ka, Waakh uurassicho a dikhe.

Hilassi Ergaano 5:31

Waakh anki dahantiisti miigeet ka weynaache, Karnat ichoow ꞌDoorribe kayeele, ꞌdee yaafohi Yaꞌhuud uskeelicho kasoonokhtaane, Waakh la uskeelicho ikakuta.

Yoohana 9:5

Geeddi an harrata on kajiro, an a eti ꞌdooꞌdi harra banay siicho.”

Yoohana 3:19

“Wihi Waakh gooche kallaayo. Runti Waakhe iꞌdi banayeete harra a soogesse, iꞌdaasenyi enenyet banayhi Waakh menye, mugꞌdi on ꞌdoona. A mehe wihi icho yeelaan a wihi uskeel kaldach on.

1 Yoohana 2:12

Nyaakhuteeyki an weyti ꞌdoono, waansihane atin isoochiira, a mehe jeenteti magah Yeessuu, Waakh uskeeliin a atin ikakute.

1 Beetero 1:4

Toro la jirota husub ka Waakh wihi inno muꞌdane jirtuu ituumine, eloo rucchul laka ikhabine, iraagin goobi Waakh ka meel a inno igessa.

Yoohana 17:17

“Runtaah ka icho munya kayeel. Yeedaah a ki rummaat.

Luuka 1:77

uskeelichoki liikakuto ka, ꞌdooꞌdiis saggi Waakh iribo abissa.

Yuuda 1:1

Eti khadaaba soochiiro a ani, Yuudahi bowꞌda Yeesso Kiriisteenye, walaal Yaakoobee. ꞌDooꞌdi an ichiiro la a ꞌdooꞌdi Waakkhi Aabbaheene wahe toro la ꞌdoono, Yeesso Kiriisto la toorribo.

Yaakoobo 2:5

ꞌDooꞌd Kiriistokaaw, waha daaga bal, Waakh ꞌdooꞌdi harrata ka miskiin liiekkaacho ma soobahsanne, ꞌdee kakhuufnaanki icho Yeesso kakhuufaan ka Waakh icho kamurre ma iekkaanna? Toro la Waakh ꞌdooꞌda ma soobahsanne ꞌdee dakhi Waakhe Waakh ꞌdooꞌdi usu ꞌdoono iayyiche ma muꞌdan a?

Ibiraaniya 10:14

A mehe soorriyotaas kaldaye us issoobahche on ka, ꞌdooꞌdi lamunyaacho ꞌdooꞌdi jirtuu eloo rucchul laka ikhabine kayeele.

Galaatiya 3:14

Us a inno gatte ꞌdee imaalnaanki goorat Waakh Aburaaham imaale, yaafohi Yaꞌhuud ieheynan laka Yeesso Kiriisto ka imaala, ꞌdee kakhuufnaanki inno Kiriisto kakhuufno ka, ayyinti Rubeyti Munyeenye goorat Waakh gooche ꞌhella.

Luuka 24:45

Ulla ꞌdeerka malicho fure ꞌdee wihi Chiirnaanneti Waakh goya kachiiran a abteen.

2 Timooti 2:26

Toro la matah bakkaaha, angeyi Seytaanki icho hide wihi us ꞌdoono yeelaan kasoobahaan.

Efeesso 2:8

A mehe Waakh haaggiiski buurenye atin ikamalin ka a atin ribe. Ribnaanka la kakhuufnaanki atin usu kakhuuftaane kayamiit. Waha la wihi atin kayimiy menye, a siinti Waakh one,

Efeesso 1:11

Waakh Kiriisto ka a inno soobahsate. Waha la a wihi us maliis ka goorat gooste on. Toro la walah tuumman saggi icho isooyateehiine igoocha,

1 Koriinto 1:30

Iꞌdaasenyi jeenteti wihi Waakh yeeluu, atin ichoow Yeesso Kiriisto ba a wohoo kalday. Kiriisto la kharati Waakh katimiyye inno liikayeele. Kharataas ka la Kiriisto ꞌdooꞌdi fiffissane inno kayeele toro la inno munyaache toro la inno gatte, uskeel inno kasoofure.

Luuka 4:18

“Rubeyti Kamur a ileejirta, iꞌdi tahe usu a isubhe ꞌdee Wori Haaggan miskiino icheeka. Kamur a isooergate, ꞌdee ꞌdooꞌdi uskeel hide saggi Kamur isoofuro icheeka, ꞌdooꞌdi indo laa la Kamur indo a fura, ꞌdooꞌdi sina lakawaaricho la Kamur sina a kabahcha.

Luuka 2:32

Usu yaafohi Yaꞌhuud ieheynane banay ibabbakkaahicha, ꞌdooꞌdaahki Issiraayel la inkaanyit ikeena.”

Mattaayo 4:16

Atinhi mugꞌdihi uskeel goya fiddiiteen, banayhi Waakhe buure a agarteen. ꞌDooꞌdi ili oosinti omooteet fiddiye, banay a isookoreen.

Ibiraaniya 10:10

Waakh iꞌdaas a yeele gone, sar Yeesso Kiriistoti lasoorriyooche ka a inno munyaache. Kiriisto la koloo kalday on jirtuu tuumman issoorriyooche.

Ibiraaniya 9:15

Jeentetuu Kiriisto ayyinti husube Waakh gooche ka dahgele yitah. Omoottiis ka enenyet uskeeli maanti us ayyinti oraat raahe gele a kasoogate kasoofure. Eti tuummane Waakh wahe, ayyinti armaanjireene usu muꞌdane Waakh igooche ꞌhela.

Efeesso 5:14

Iꞌdi tahe banay walah tuumman wihi icho yahiin a tusaan. Jeentetaase mehe liiessa ya, “Atiha uꞌdurto, sookahe, omoot kasookahe, Kiriisto la banayhiis a atin kiifchaa.”

Efeesso 1:14

Rubeyta Munyee la a ayyinti Waakhe wihi inno muꞌdannahe tusso. Waha la a maanti Waakh innohi ꞌdooꞌdiisenye toro hoolahiise ribnaanki ꞌdaꞌddaboot inno ribo. Waakh koolinno jeenteti weynaantiis u.

Efeesso 1:7

Inno ichoow Kiriisto a wohoo kaldaye, diiggiis ka a inno gatte inno soofure, toro la Waakh uskeeleen a inno ikakute. Wahaas ichoow haaggaas Waakhe buurenye inno imunneynane us inno tuste a israahaan.

Galaatiya 3:2

Wohoo kaldaye atin kaaban ꞌdoona. Rubeyti Munyee jeenteti atin amurre Muusa ikhucchisseene iꞌhesseen, bal jeenteti atin Wori Haaggan idaagteene, irummeysatteen?

Galaatiya 2:20

Saggi Kiriisto iyumuy u, a iꞌdoo ani laka umuyye, kola jiroti an jiro teey menye, iꞌdaasenyi Kiriisto jiroteey dakhta. Kola sarteey ka jiroti an jiro, kakhuufnaanki an Weeli Waakh kakhuufo iche kajira. Ulla a iꞌdoona, toro la ani a iyumuy.

1 Koriinto 1:2

ꞌDooꞌdi nah khadaaba isoochiirro la, a ururi Waakhe ilkerengeetti weene Koriinto kijiro. Atin a ꞌdooꞌdi Waakh rubeytiis wahe munyaache, atin ichoow Yeesso Kiriisto ba wohoo kalday atin kayeele. Toro la eti tuummane harrata ka Yeesso Kiriistohi Kamureenenye toro la icho laka Kamurichee wahti iche ichiirra.

Rooma 8:17

Inno a nyaakhutiissa gone, wihi Waakh nyaakhutiis siicho a muꞌdannahe. Toro wihi Waakh Kiriisto siicho laka a leeꞌhella. A mehe chirri rumanka inno sinati usu lakawaariche leegisanno, weynaanti usu laweynaacho laka a leegisanna gon.

Hilassi Ergaano 26:23

Wihi icho cheekeen, Ki Lasubhe sina lakawaaricha, toro eti oraate omoot kasookaho yateehe, ꞌdee ꞌdooꞌdiis ichoow yaafohi Yaꞌhuud ieheynan banayhi saggi Waakh icho iribo tusa.”

Hilassi Ergaano 10:43

ꞌDooꞌdi Waákh íyeyyeedo tuumman wihi usu miinsane icho cheekeen, eti Kiriisto rummeeste tuumman, usu ka uskeel a liikakuta.”

Hilassi Ergaano 3:19

Uskeeliin kasoonokhda, Waakh iurgiya, ꞌdee uskeeliin a lahiyyaayo, ꞌdee Kamur a atin imaalo,

Yoohana 9:39

Yeesso la wihi us iyidah, “An harrata a imiyye enenyet hukkuma, ꞌdee ꞌdooꞌdi indo laa il arga, ki kol us il argo iskoog la indo waaya.”

Yoohana 4:14

Iꞌdaasenyi eti tuummane bicchehi an siicho yabhuub, jirtuu tuumman ma subgaati. Bicchehi an siicho la, goytiis ka iꞌdi issi bicchehi jiro lakeelo yateehiine, jiroti rummaate jirtuu imassanne ꞌhela.”

Yoohana 4:10

Yeesso wihi us iche ilaabe, “Wihi Waakh enenyet siin ꞌdoono garatte ka, ommos anihi bicche kidaaho eti an ahe garatte ka, kootte ati ani bicche idaahta, ani la bicchehi enenyet jiro keelo kisiicha.”

Mattaayo 4:10

Yeesso wihi us iyidah, “Seytaan, nyaam ikatab! A mehe wihi chiiran, ‘Kamuri Waakkhaahe waho toro la usu kalday on ihil.’  ”

Hilassi Ergaano 26:19

“ꞌDeerka Agiribbahi karnate, an fooltabchoti an serey ka arge, ma raahiwwaayin.

Efeesso 5:11

Taba wahanyeyyohi ꞌdooꞌdi mugꞌdi goya kijiro gurnaan idelin iꞌdaaru laka araahina, wihi icho yeelaan ꞌdow isoobahcha.

Efeesso 6:12

Iꞌdi tahe dihoti inno kajirro, ti weeli enenyet isladiho mee. Inno karnatohi ginnayyohi anto leh ichoow wahanyeyyohi harratane sussuuje iche isdihna, toro la ginnayyohi meessi saraat dakhti iche isdihna.