Hilassi Ergaano 26:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Toollaka kahe tolosso. An a kisoobahe ꞌdee iꞌdi falfateey u kisoobahsada, garti wihi ani imiinsane at agarte ichoow wihi an yomboka kisootuso laabta.

Hilassi Ergaano 26:16 Referans Kwoze

1 Timooti 1:12

An Yeesso Kiriistohi Kamureene weyti kalaꞌd ilaaba. Us a imiigooche toro eti lakakhuufo iekkaache, hiliis ikorche.

Galaatiya 1:12

Wora et an kaꞌhele mele, ommos weeli enenyete iabche mele. Yeesso Kiriisto rubeytiissa kaꞌhele, usu isoobabbakkaahiche.

Rooma 15:16

Iꞌdi tahe an a falfa Yeesso Kiriisto, ꞌdooꞌdi yaafohi Yaꞌhuud ieheynane liisooerge. An hili kuhaani haaggicha, Wori Haaggane Waakh iche cheeka, ꞌdee ꞌdooꞌda iꞌdi soorriyoti Waakh kahamaado Rubeyti Munyee munyaasse yateeh.

Kolossaay 1:25

Hili Waakh indigirtiin u dahanteey soogesse ichoow urura an ifalo a israahaan. Hila la a ki an tuum Yeedi Waakh cheeko.

Kolossaay 1:23

Iꞌdaasenyi, taba wori rummaat kakhuufa, iꞌdi wihi isesseehin u jurkhicha. Khajjeeli Wori Waakhe Haaggan akaguurina. Wora atin daagteen a ki ꞌdooꞌdi harra tuumman liicheeke. Anna a Baawulo, a falfati Wora Haaggan cheekto.

Galaatiya 2:2

An jeenteti wihi Waakh isoobabbakkaahiche iirde. Reeri ꞌdooꞌd Kiriisto woyo magah khabo kalday on Wori Haaggane an yaafohi Yaꞌhuud ieheynan icheeko, woriis icheeke. An mehe karoore ya, hili an orey haaggiche ichoow ki toolla an haaggicho, usuhi ki ilmarhaatteet yateeh ma ꞌdoono.

Hilassi Ergaano 23:11

Saahka ibeen Kamur Baawulo hagga tolossate wihi us yidah, “Wohoo rucchul laka akaroorin! Saggi at ilkerengeetti weene Yeerusaleem ka garteey iyeedde saggaas on ilkerengeetti Rooma ka laka garteey iyeedda.”

2 Timooti 4:5

Iꞌdaasenyi at tabe walah tuumman ka isjeyiche, sinabaaw kisoobahte ka la garrahso. Hili eti Wori Haaggan taaꞌhicho haaggiche, hili Waakh kikorche tuumman buuhi.

1 Timooti 4:6

Chirri at ꞌdooꞌdi Kiriisto rummeeste waha kawaanisso, at ilbooy Yeesso Kiriistoki haaggane tateeh. Toro la kol dakkhan wori rummaate Kiriisto miinsan ichoow haaggi lakaasooweynaache at raahto rubeytaah ka miige kisiichaan.

1 'Dessaloonika 3:2

Toro la Timooti atin isooeregne. Us a eteenki koo Kiriisteenye, hili Waakh ka a wahalhaanya, Wori Haaggane Kiriisto miinsane ꞌdooꞌd icheeka. Usu a sooeregne, ꞌdee kakhuufnaanki atin Yeesso Kiriisto kakhuuftaan ka atin miigoocha toro la atin faajjiya.

Kolossaay 1:7

Wora rummaat eti atin abche, a Ebaabarahi nah weyti ꞌdoonno ilbooy ka nah walhicho. Us a eti meesseenyo ka hil Kiriisto ka lakakhuufo.

2 Koriinto 5:18

Waha tuumman la Waakhe yeela. Ulla Kiriisto ka weeli enenyet ankiissa keene, toro la hila Waakhe enenyet anki Waakh lakeeno inno korche.

2 Koriinto 4:1

Maantaka jeenteti Waakh uurnugleeliis on u hila usu liihilo nah ikorchuu, rubeye ma nah jebto.

Rooma 1:5

Kiriisto ka ichoow iroonoti magahiis u, haaggi Waakhe buure ichoow hila khummane ergaano layahe a ꞌhelle. ꞌDee ꞌdooꞌdoo yaafohi Yaꞌhuud ieheynan tuumman kakhuufnaanki icho Waakh kakhuufaane yeediis raahaan iwahna.

Hilassi Ergaano 22:10

“Anna wihi an worsade, ‘Kamur mehe yeelo?’ “Kamur la wihi us iyidah, ‘Kahe, ilkerengeetti Damaasko iro, ꞌdee intaas ka wihi Waakh kiabbire at yeesso a lakisoocheeko.’

Hilassi Ergaano 21:19

Baawulo la icho bariitiche toro wihi tuummane Waakh yaafohi Yaꞌhuud ieheynan hiliis ka iyeele ꞌdooꞌd tuum idowdowe.

Hilassi Ergaano 20:24

Iꞌdaasenyi jiroteey walah iche ileetahe mele. Wihi ileekhumman, a anihi weyti hol dowo, hili Waakhe Yeessohi Kamure dahanoheey soogesse massicho. Hila la a Wori Haaggane an haaggi Waakhe buurenye inno imunneynan enenyet icheeko.

Hilassi Ergaano 6:4

Nah la ꞌdee awteenyuu, weysi ichoow hili Waakhe Yeedi Waakh lacheeko a gello.”

Hilassi Ergaano 1:25

ꞌdee hila Waakhe ergaano gelo nah tus. Waha la a meessi Yuuda kabahe, ulla inti imasse irtee.”

Hilassi Ergaano 1:17

Us a keenyokoowe hila Waakh a nah kaleejire.”

Luuka 1:2

Wihi icho chiireen a wihi ꞌdooꞌdi uuꞌ maanti kolooraate waha yitaaheen arge nah isoocheeke. Icho la hili Waakhe icho haaggicheen, a ki wori Waakh ꞌdooꞌd liicheeko.

Hilassi Ergaano 26:15

“ꞌDeerka wihi an worsade, ‘Kamur at a ayyo?’ “Kamur la wihi us isoolaabe, ‘An a Yeessohi at sina omhisso.

Efeesso 3:3

Wihi Waakh yeele a waha, maliiski dagsaneete us ꞌdooꞌd ikhabe ani isoobabbakkaahiche. Gaabi ka ꞌhor woraas a atin isoochiire.