Hilassi Ergaano 25:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Weyti Feestas hawwaasteene siintoo daaheene, ꞌdee Baawulo ilkerengeetti weene Yeerusaleem a isooergo. Iꞌdi tahe icho saggi icho jit ka isugaane iyagiisiin, iche goocheen.

Hilassi Ergaano 25:3 Referans Kwoze

Hilassi Ergaano 9:24

Iꞌdaasenyi Saawulo malicho abte. Ibeen ichoow maalim ba artohi ilkerengeeteete toorribaane ꞌdee usu yagiisiin.

Rooma 3:8

Chirri atin mali iꞌdaase raahtaan, a geeddi atin iꞌdi ꞌdooꞌdoo iabaaruu iꞌda tadeehiin on, “Alleya suujoon a yeello ꞌdee haag a yimaate!” ꞌDooꞌdi wihi iꞌdee essi, wihi imale a hukkunki lahukkumo, sina liigoocho.

Hilassi Ergaano 9:2

ulla khaadaabbeti us ꞌdooꞌdi minassi weysiite ilkerengeetti Damaasko iwewween ileeirti ꞌdee eti us yahe cheekto daahe. ꞌDeerka chirri us ꞌdooꞌdi jit Yeesso raaho ꞌhele, mejel ommos deyyeho eheetteey ka ba, a sookhabta ilkerengeetti weene Yeerusaleem keena.

Yoohana 16:3

ꞌDooꞌd la waha tuumman a atin yeela, iꞌdi tahe icho Aabbaheey ma gartaane, ani laka ma igartaan.

2 Koriinto 11:26

Kolassi ittaawenye sohoti deer kijire, hawohi ꞌdulo ikhaatin leheete, chifta iigaasan leheete ꞌdooꞌdi Yaꞌhuud ichoow ki yaafohi Yaꞌhuud ieheynan ba iigaasan leheet. Ilkerengeetti ween ichoow hidaad ka ichoow beyohi burbuure ka liigaasan leheet. ꞌDooꞌd Kiriistoki beenaat laka iigaasan leheet.