Hilassi Ergaano 25:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Chirri kootiinhi ili Rooma saggi an wohoo liikayagiis yeele gooche la, omoot ma ꞌdiiꞌdo. Iꞌdaasenyi chirri wihi ꞌdooꞌda Yaꞌhuud ikacheekti rume ikajirin, et antohi us dahanohicho ikagesso khabo mele. An Kaaysare iooya,” yidah.

Hilassi Ergaano 25:11 Referans Kwoze

Hilassi Ergaano 28:19

Iꞌdaasenyi chirri ewweenki Yaꞌhuud iꞌdaas ꞌdiiꞌdo ka iholisse, ani Kaaysar iooye. Iꞌdaasenyi walah an yaafteey kacheekdi mele.

Hilassi Ergaano 26:32

Agiribba la wihi us Feestas iyidah, “Eta kootte Kaaysar ikooyin ka, a geeddi lafuro.”

Hilassi Ergaano 25:25

An walah omoot liikagoocho an kaarge mele. Iꞌdaasenyi jeenteti us Kaaysar ikooye u, anihi Rooma isooergo gooche.

Hilassi Ergaano 25:21

Chirri Baawulo usuhi lakhuccho ichoowka Kaaysar aytiis goocho iooye ka, ani amuri lakakhuccho ichoowka Kaaysar liigeecho bahche.”

1 'Dessaloonika 2:15

ꞌDooꞌdi Yaꞌhuud Yeessohi Kamureene ichoow ꞌdooꞌdi Waákh íyeyyeedo a yigaaseene, nah laka a nah sooriheen. Icho la Waakh ma kahamaadichaane, toro la enenyet tuumman a tirrimeen.

Hilassi Ergaano 25:10

Baawulo wihi us ilaabe, “An toolla kootiin Kaaysarhi Rooma goya toolla, inti imasse liikahukkumo a tan. Iꞌdi at mujjum igarattuu, an walah suujenye an ꞌdooꞌdi Yaꞌhuud iyeele mele.

Hilassi Ergaano 22:25

Chirri icho hidhideene, icho laajja ka doon leheet ka, Baawulo wihi us eti koobbintoo iskareet itoollo intaas toollo iyidah, “Eti ili Rooma liiekkaacho geeddi kootiin ka usu uskeel yeele liikagoon laajja ka ladoocho ichoow amurre a israahaan?”

Hilassi Ergaano 18:14

Chirri Baawulo yeedin leheet ka, Gaalliyo ꞌdooꞌdi Yaꞌhuud leeyeede, wihi us iyidah, “Chirri atinhi Yaꞌhuude kootte waha uskeeloo layeele tahe ommos wohoo suuje tahe, a geeddi an nabah atin isudo.

Hilassi Ergaano 16:37

Iꞌdaasenyi Baawulo wihi us iskar iyidah, “Chirri ꞌdooꞌdi Rooma nah liiekkaacho laka, icho ꞌdow on ka nah jaheene, toro jeela nah geecheen. Toollaka toro dagsi nah kabahchaan? Mele! Icho rubeycho a yimaateene, a nah bahcheen.”

Hilassi Ergaano 25:12

Inkoo Feestas ꞌdooꞌdi usú waanicho leehawwooche ka wihi us iyidah, “At Kaaysare iooyte gone, Kaaysare iiratta!”