Hilassi Ergaano 25:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Baawulo wihi us ilaabe, “An toolla kootiin Kaaysarhi Rooma goya toolla, inti imasse liikahukkumo a tan. Iꞌdi at mujjum igarattuu, an walah suujenye an ꞌdooꞌdi Yaꞌhuud iyeele mele.

Hilassi Ergaano 25:10 Referans Kwoze

2 Koriinto 4:2

Wihi dagsane lakhaanyo keeno a ꞌdiiꞌdne. Nah la enenyet ma ekkeysanni, Yeedi Waakh ma baabullo. Nah runti Yeedi Waakh on babbakkaahinna. Waakh ortiis ka, eti tuummane rubeytiis haag ichoow suujoon seley saahto, haaggi fiddiheenyo a tusna.

Hilassi Ergaano 28:18

Icho a ihukkumeene ifurin ꞌdooneen. A mehe walah omoot liikagoocho icho ikaargaan mele.

Hilassi Ergaano 26:31

Min kabaheene, geedda icho isleeyyeedaan wihi icho yidaaheen, “Eta walah us yeelo omoot ommos hiinaan muꞌdan mele.”

Hilassi Ergaano 25:25

An walah omoot liikagoocho an kaarge mele. Iꞌdaasenyi jeenteti us Kaaysar ikooye u, anihi Rooma isooergo gooche.

Mattaayo 27:18

A mehe Bilaato saggi icho jeenteeti kalꞌdarri on u Yeesso dahanohiis igesseen a garta.

Hilassi Ergaano 25:17

Maanti icho inta ileeyimaateen ka, ma malmaline, iꞌdaasenyi ibeenki kaas sookhuccho minki ꞌdooꞌd lakahukkumo koorronde, amur bahche usu a lasookhaato.

Hilassi Ergaano 25:6

Inkoo Feestas geeddi ibeen siyyeettoo ommos ibeen tomontoo icho leejire ka, ilkerengeetti Kaaysareya ikhubte. Saahka inti ꞌdooꞌd lakahukkumo koorronte, amur bahche Baawulo a liikeeno.

Hilassi Ergaano 23:29

An mehe kase ya, wihi icho usu kacheektaan a wahanyeyyohi amurreti Yaꞌhuud miinsan, iꞌdaasenyi wahanyeyyohaas goya walah omoot liikagoocho ommos lakahido goya kijiro mele.

Mattaayo 27:19

Bilaato komborti enenyet lakahukkumo kafiddiyaayi, makhaabassiis farniin isooeregte, “Etaas uskeeloo iyeelin wohoo rucchul laka ayeeline, diiggiis agelin. Iꞌdi tahe ibeenkate issilloteey ka jeentetiis u weyti sina a ikawaartee,” itidah.