Hilassi Ergaano 24:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ “Eta wihi nah kaagarre, a etoo weyti sina keeno. Harra tuumman ka etane ꞌdooꞌdi Yaꞌhuud goyaka ururi il baabulo sootukkicha. Rabitti suujenye eti Naasaret raahto laka usu matakkichee.

Hilassi Ergaano 24:5 Referans Kwoze

Hilassi Ergaano 28:22

Iꞌdaasenyi nah ati malaah daagin ꞌdoonna, iꞌdi tahe saggi meel tuumman ka rabitta at kajirto woricho baabul liikaayyeedo a garanna.”

Hilassi Ergaano 24:14

Wahane kisoocheeka, Jita toolla icho a ki rabitti suuje kidowaan, iche an Waakh aacchinyeteenyo kawahda. Iꞌdaasenyi wihi tuummane Chiirnaanneti Amurre ichoow ti ꞌdooꞌdi Waákh íyeyyeedo kachiiran a israahaane a rummeesda.

Hilassi Ergaano 26:5

Icho geeddi deer a igarteen. Chirri icho ꞌdoonaan, saggi an Farissaayo ieheet a cheekaan. Farissaayo la, a rabittoo Yaꞌhuude rabitohi addane Yaꞌhuud ꞌdirihiis wihi Waakh ꞌdoono mujjum raahto.

Hilassi Ergaano 15:5

ꞌDeerka ꞌdooꞌdoo Kiriisto rummeeste orey rabitti Farissaayo eheet la tolossate wihi us yidah, “Wihi massan, yaafohi Yaꞌhuud ieheynan a lakhandiya toro wihi lakaꞌdoono a ichohi amurre Muusa raaho.”

1 Koriinto 4:13

Chirri etoo nah hanti laka nah afi haaggan on ikalaabna. Ichoowka uliba laka, ꞌdooꞌdi harrata duksahe nah iekkaacha, nah atte ka a uꞌdu on.

Hilassi Ergaano 21:28

riireene, “Mejeli Issiraayeloow, nah gargaara! Eta a ki enenyet tuumman harra tuumman ka wihi suujenye us abcho ka ꞌdooꞌdeenki Issiraayel ichoow amurreteen ichoow minka Waakh miinsan kayeyyeedo. Waha kalday on menye, ꞌdooꞌdi Yaꞌhuud ieheynan iche minki Waakhe buure soogesse, meessa lagan biꞌdirrooche,” yidaaheen.

Hilassi Ergaano 5:17

Kuhaanihi weyti ween ichoow ꞌdooꞌdiiski usú raaho rabitti Sadukaayo kijiro ba jeenteti ergaanuu inaaf gele.

Luuka 23:2

Chirraas on usu cheekteene wihi icho yidaaheen, “Eta usuhi yaafteen baabiicho khabanne. Karnati ili Rooma kooddihi liiguto ꞌdiiꞌda, Ki Lasubhe karnatenye iskawaha.”

1 Beetero 2:19

A mehe Waakh a kaahamaada chaꞌat bolokkhi ikaamaline lakituse ka garrahsatte jeenteti at wihi Waakh ꞌdoono igarattuu.

1 Koriinto 11:19

A mehe koobbinohaas goytiinna kijiraane, ꞌdee goytiin ka ꞌdooꞌdi rumanka koo Kiriistee laarga.

Hilassi Ergaano 22:22

ꞌDooꞌd Baawulo dagansate ichoowka yeedaas yaafohi Yaꞌhuud ieheynan miinsan yidah. ꞌDeerka enenyet weyti riire, “Eta harrata kabahcha! Agiisa, jiro ma iroone!” yidaaheen.

Hilassi Ergaano 6:13

ꞌDooꞌdoo garti beenaat cheeko la soobahcheen. Icho la wihi icho cheekeen, “Eta kol dakkhan meessa lagan ichoow amurre Muusa igafa.

Luuka 23:25

Eti icho daahenee goorat sirgaal ꞌdiiꞌdo toro la enenyet yigisye jeela kijire soofure. Yeesso la dahanticho gesse ꞌdee wihi icho ꞌdoonaan a yeeleen.

Luuka 23:19

Barraba la goorat wihi jeela lakagesse, ilkerengeetti weene Yeerusaleem ka, ꞌdooꞌdoo sirgaal ꞌdiiꞌdo goya kijire, toro la enenyet laka yigis.

Luuka 23:5

Iꞌdaasenyi weyti tirriinsateene wihi icho yidaaheen, “Ili Yaꞌhuudiya tuumman ka ꞌdooꞌde walah abcha, ichoowka enenyet seley fida. Wihi us ꞌdooꞌd abcho la boroofenhi Gaalilaaya kasookhabte ichoowka toolla inta yimiy.”

Mattaayo 10:25

Abatti etiiski walah abcho ibaha, ilbooy la kamuriissa ibaha. Chirri ooyohi min leh ba, Beelsebuul lakawaho, ꞌdooꞌdi minkiis la geeddoo meheenye magahenyeti ꞌdaꞌddaran kawahaan?

Mattaayo 2:23

ilkerengeettoo Naasaret layadeeh furte. Iꞌdaas ka wihi goorat ꞌdooꞌdi Waákh íyeyyeedo ka lacheeke labuuhiche, “Usu berri eti Naasarete layadeeh.”

Marko 1:24

“Wooy! Yeessohi Naasaret, ati mehe nah kaꞌdoonta?” yidah. “Nahe nah massin timiy? Ani alah eti at tahe a garda, at a Ki Munyeenye Waakh kayimiy!”

Hilassi Ergaano 24:4

Iꞌdaasenyi anihi kiꞌharcho ma ꞌdoono, a kidaahe gaabi ka wihi nah kisoocheekanni uuri ꞌdabakhe ka daganso.

Hilassi Ergaano 25:7

Chirri Baawulo yimiy ka, ꞌdooꞌdi Yaꞌhuude ilkerengeetti weene Yeerusaleem kayimiy usu kakhaarte, wihi ittaawenye huleesenye icho runticho tusin iubaaꞌdan kacheekteen.