Hilassi Ergaano 24:27 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁷ Inkoo guꞌh lamma kutte ka, eti Boorkiyo Feestas layadeeh meel Feelig gele. Iꞌdaasenyi Feelig usuhi ꞌdooꞌdi Yaꞌhuud jilhaati ꞌdoona, Baawuló jeela goya katabe.

Hilassi Ergaano 24:27 Referans Kwoze

Hilassi Ergaano 25:9

Feestas laka usuhi ꞌdooꞌdi Yaꞌhuud wohoo siicho ꞌdoona, wihi us Baawulo iyidah, “A geeddi at ilkerengeetti weene Yeerusaleem iratti intaas ka orteey ka lakihukkumo?”

Hilassi Ergaano 25:14

Inkoo icho ibeennetoo tuumman baryeen ka, Feestas wihi Baawulo lakacheekti karnat kaleehawwooche, wihi us yidah, “Etoo goorat Feelig hidanyahaayi katabe a jira.

Hilassi Ergaano 12:3

ꞌHerood la chirri us saggi ꞌdooꞌdi Yaꞌhuud waha ikahamaado arge ka, Beetero laka sookhabte jeela gesse. Wahaas la maanti Daawti Makaateti Liikhasin iche yitaaheen.

Hilassi Ergaano 25:1

Inkoo Feestas boroofen yimiyye maan seyyahe kutte ka, Feestas ilkerengeetti weene Kaaysareya kakahe ilkerengeetti weene Yeerusaleem irte.

Marko 15:15

Jeenteti us icho ihamaadin ꞌdoonuu, Bilaato Barraba icho isoofure, amuri Yeesso lakadoocho toro massalaaba lakakaaho bahche.

Galaatiya 1:10

An weeli enenyete kahamaadin ꞌdoona? Mele! An Waakhe kahamaadin ꞌdoona. Chaꞌan uliba enenyet kahamaadin ꞌdoono, an toolla bowꞌda Kiriisto mee.

Hilassi Ergaano 26:32

Agiribba la wihi us Feestas iyidah, “Eta kootte Kaaysar ikooyin ka, a geeddi lafuro.”

Hilassi Ergaano 28:30

Baawulo la guꞌh lamma tuumman minkoo us kireeste fiddiye. Ulla intaas ka ꞌdooꞌdi argin yimiy tuumman soodowweeste.

Hilassi Ergaano 25:4

Feestas wihi us ilaabe, “Baawulo ilkerengeetti Kaaysareya kahidanyahe, anna dowwanoha on intaas inokhda.

Hilassi Ergaano 23:35

wihi us yidah, “Chirri ꞌdooꞌdi walah kaacheekti yimiy iche woraah daaga.” ꞌDeerka amuri Baawulo minki buurenye gaafana goorat ꞌHerood dise ka latoorribo bahche.