Hilassi Ergaano 24:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ Khajjeeli icho awtichuu Waakh kakhabaan, annaka a khaba. Khajjeelaas la a ki ꞌdooꞌd tuumman omoot ka lasookahcho, ki fiffissan eheetteey ommos ki sussuuje eheetteey ka ba.

Hilassi Ergaano 24:15 Referans Kwoze

Bakkaahit 20:6

ꞌDooꞌdi Waakh imaalo toro la munyee a ki ꞌdooꞌdi oraate Waakh omoot kasookahcho goya kijiro. Omootti lammaatteet icho anto ma kakhabto, iꞌdaasenyi Waakh ichoow Kiriisto ortiis ka kuhaaniyyohi hili Waakh haaggicho yateehiin. Icho la guꞌh alifoo Kiriisto harra leedakhtaan.

Fiiliffi 3:21

Ulla miigtiisti us walah tuumman isikeeno anan yabuuꞌd ka, sarteenta ꞌdarane tamuut a urgiyicha, iꞌdi sartiisti weyti haaggan kayeela.

Hilassi Ergaano 24:21

Kolossoo a waha kaldache an goycho ka tolossade an riire an idah, ‘Wihi kaldache maalinka liikahukkumo, a jeenteti ani saggi ꞌdooꞌdi tuume toro isookaho irummeesdi.’ ”

Mattaayo 25:46

“ꞌDeerka ꞌdabi armaanjireene goya irtaane, iꞌdaasenyi ki fiffissan jiroti jirtuu imassanne ꞌhela.”

Luuka 14:14

At la ꞌdee Waakh a kimaala. ꞌDooꞌda walah us khabo us kisoolaabo mele. Eheetteey laka maanti ꞌdooꞌdi fiffissan omoot lakasookahcho, Waakh kalaꞌde kisoolaaba wihi at yeesse ka.”

Yoohana 11:24

Maarta wihi iche ilaabte, “Saggi us ibeenki yomboot omoot ikasookaho a garda.”