Hilassi Ergaano 24:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² ꞌDooꞌdi Yaꞌhuude ani icheekti, anihi minki Waakhe buure goyaka etoo leeiriiro ma iargine, ommos anihi minassi weysiite Yaꞌhuud goyaka ommos ilkerengeet goyaka urur sootukkicho ma iꞌhelin.

Hilassi Ergaano 24:12 Referans Kwoze

Hilassi Ergaano 25:8

Baawulo la isiyeyyeede, “An uskeel amurreti Yaꞌhuud ommos minki Waakhe buure ommos Kaaysarhi Rooma iween miinsane an yeele mele,” yidah.

Hilassi Ergaano 28:17

Inkoo orrah seyyahe kutte ka, Baawulo weynaanti Yaꞌhuud tol iwahe. Chirri icho soourureen ka wihi us iyidah, “Yaaftaay, walah an ꞌdooꞌdeen ichoow hugumme aacchinyeteen miinsane an tirrime mele, eheetteey laka a liikhabte, ilkerengeetti weene Yeerusaleem ka liihide, toro liisookhaate dahanohi sirgaali Rooma ilaas kajiro liigesse.

Hilassi Ergaano 24:18

Chirra icho anihi wahaas yeelo uranti minki Waakhe buure ka iꞌheleen, an Daawti Dikhaaleet a massiche. Urur ileejire mele, walah uskulaate la mele.

Hilassi Ergaano 24:5

“Eta wihi nah kaagarre, a etoo weyti sina keeno. Harra tuumman ka etane ꞌdooꞌdi Yaꞌhuud goyaka ururi il baabulo sootukkicha. Rabitti suujenye eti Naasaret raahto laka usu matakkichee.

Marko 9:14

Chiꞌiche abattiti addan itamiit, ururi buurenye icho khaariche argeen. Tagaammeti amurre ichehi abatti leeiriirto ꞌheleen.

Yoohana 18:21

Toollaka, a iꞌdohe iwowworsatta? ꞌDooꞌdi idaage ma worsatti? Icho la rumanka wihi an idah a gartaanee.”