Hilassi Ergaano 24:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ An ibeen tomon ichoow lamma kutte on ilkerengeetti weene Yeerusaleem irde Waakhe wahdaa. Chirri at goya yeyte, dowwa on runtiis abatta.

Hilassi Ergaano 24:11 Referans Kwoze

Hilassi Ergaano 24:1

Inkoo Baawulo lakhabte ibeen chane kutte ka, kuhaanihi weyti weene Anaaniya layadeeh, ewweenkoo Yaꞌhuud ichoow etoo af kaatahe Tertullo layadeeh khabaayi ilkerengeetti Kaaysareya yimiy. Gaafana ortiis yimaateene, Baawulo cheekteen.

Hilassi Ergaano 21:18

Ibeenki kaas sooraaho ka, Baawulo ichoow nah tuumman iranne, Yaakoobo sooagarre, ewweenki urur Kiriisto woyo tuumman la intaas a kajire.

Hilassi Ergaano 24:17

“Inkoo an guꞌhassoo tuumman khar kijire ka ilkerengeetti weene Yeerusaleem isoonokhde, yaafteeyti Yaꞌhuude miskiine chilimme ikeene, sadakha laka bahche.

Hilassi Ergaano 23:23

Eti iskar iween ꞌdeerka et lamma kooba koobbintoo iskareet itoollo wahe, wihi us iyidah, “Nyaama, iskarti kud lammee ichoow et tomon teeba faraꞌd korto ichoow et kud lamma toorar khabto ilkerengeetti Kaaysareya iratti soobahcha, ꞌdee sahaꞌd seyyahti ibeen ka a kahto.

Hilassi Ergaano 23:11

Saahka ibeen Kamur Baawulo hagga tolossate wihi us yidah, “Wohoo rucchul laka akaroorin! Saggi at ilkerengeetti weene Yeerusaleem ka garteey iyeedde saggaas on ilkerengeetti Rooma ka laka garteey iyeedda.”

Hilassi Ergaano 22:30

Eti iskar tuumman itoollo wihi rumanka ꞌdooꞌdi Yaꞌhuud Baawulo kacheekti iche aban ꞌdoona, ibeenki kaas sooraaho ka Baawulo fure, amur bahche kuhaaniyyohi wewween ichoow Jaldaabti Weene Yaꞌhuud tuumman ba tol iwahe. ꞌDeerka Baawulo sookhaate, orcho toolliche.