Hilassi Ergaano 24:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Chirri gaafana dahan ka Baawulo yeyyeed iyidah ka, Baawulo wihi us ilaabe, “Saggi at guꞌhassi ittaawe eti yaafta hukkumo ieheet a garda, ꞌdeerka an weyti hamaada chirri an ortaah ka isiyeyyeedo.

Hilassi Ergaano 24:10 Referans Kwoze

1 Beetero 3:15

Iꞌdaasenyi uurassiin ka, Kiriisto tuum isisoobahcha iꞌdi Kamur u. Chirri khajjeeli atin Kiriisto kakhabtaan atin laworsate la, tannabda kol dakkhan ayti atin laabtaan khaba. Iꞌdaasenyi waha samacchaar ka ichoow inkaanyit ka yeela.

Hilassi Ergaano 26:1

Agiribba ꞌdeerka wihi us Baawulo iyidah, “Antohi at awtaah u isikaayyeeddo a khabta.” Baawulo la dahan ficche iꞌduu isiyeyyeede.

Hilassi Ergaano 23:24

Baawulo laka faraꞌdoo us koro siicha, Gaafanahi Feelig layadeeh la nebey igeecha,” iyidah.

Hilassi Ergaano 21:40

Chirri us amuri eti iskar tuumman itoollo ꞌhele ka, Baawulo faaneyyo katolossate dahan ka urur leeyeede. Chirri icho tuumman gammadicheen ka Baawulo afichoki Ibiraaniya ka ꞌdooꞌd leeyeede.

Hilassi Ergaano 19:33

ꞌDooꞌdi Yaꞌhuud la etoo Alekisaanda layadeeh urur isootakhe, wihi us yayyadeeh la icheeke. Ulla dahan ka ꞌdooꞌd leeyeede, wihi jiro icheekin ꞌdoonáa.

Hilassi Ergaano 18:15

Iꞌdaasenyi waha a iriir ichoow magahenye ichoow yeedassi amurretiinna one, atin on haaggicha. An wahanyeyyohi iꞌdaase ka enenyet hukkumin ma ꞌdoono.”

Hilassi Ergaano 13:16

Baawulo tolossate dahanti miigeet okkhiche leeyeede wihi us yidah, “ꞌDooꞌdi Issiraayeloow ichoow atinhi yaafti Issiraayel ieheynane Waakh karoortaane inta kajirtaan, idagansada.

Hilassi Ergaano 12:17

Ulla dahan ka gammadicha iyidahye, saggi Kamur jeela ikasoobahche icheeke. “Waha Yaakoobo ichoow ꞌdooꞌdi Kiriisto rummeeste icheeka,” iyidahye, bahe intoo addan irte.

Luuka 18:2

wihi us iyidah, “Goorat ilkerengeettoo ka, etoo ꞌdooꞌd hukkumo Waakh ikaroorine toro etoo kalday laka ikabaalin a jire.

Luuka 12:14

Yeesso wihi us ilaabe, “Eta, ayyo ani eti ꞌdooꞌd hukkumo ommos hili dahal atin lagiso isiiche?”

Luuka 12:11

“Chirri minassi weysiite Yaꞌhuud ommos weynaan ichoow ꞌdooꞌdi anto leh ortiis atin lakeeno ꞌdee atin lahukkumo, saggi atin isikaayyeeddaan ommos wihi atin sootadeehiin akawaꞌdwaaꞌdina.