Hilassi Ergaano 24:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Inkoo Baawulo lakhabte ibeen chane kutte ka, kuhaanihi weyti weene Anaaniya layadeeh, ewweenkoo Yaꞌhuud ichoow etoo af kaatahe Tertullo layadeeh khabaayi ilkerengeetti Kaaysareya yimiy. Gaafana ortiis yimaateene, Baawulo cheekteen.

Hilassi Ergaano 24:1 Referans Kwoze

Hilassi Ergaano 24:11

An ibeen tomon ichoow lamma kutte on ilkerengeetti weene Yeerusaleem irde Waakhe wahdaa. Chirri at goya yeyte, dowwa on runtiis abatta.

Hilassi Ergaano 23:2

Kuhaanihi weyti weene Anaaniya layadeeh la ꞌdooꞌdi Baawulo garabiis toollo, amur ibahche af a laguꞌddo.

Hilassi Ergaano 25:2

Intaas ka kuhaaniyyohi wewween ichoow weynaanti Yaꞌhuud Baawulo cheekatte.

Hilassi Ergaano 23:35

wihi us yidah, “Chirri ꞌdooꞌdi walah kaacheekti yimiy iche woraah daaga.” ꞌDeerka amuri Baawulo minki buurenye gaafana goorat ꞌHerood dise ka latoorribo bahche.

Hilassi Ergaano 23:30

Chirri saggi ꞌdooꞌdoo ogoos iyowti liisoocheeke ka, an chirraas on a kisooerga idah. Anna toro ꞌdooꞌdi usu wohoo kakhabo amur ibahche, wihi icho usu kacheektaan ati a kikeeneen.

Hilassi Ergaano 23:24

Baawulo laka faraꞌdoo us koro siicha, Gaafanahi Feelig layadeeh la nebey igeecha,” iyidah.

Hilassi Ergaano 21:27

Geeddi ibeen teeba kasoomassatti ka, ꞌdooꞌdoo Yaꞌhuude boroofenhi Aassiya kayimiy Baawulo minki Waakhe buure goyaka arge. Urur tuumman sootukkicheene Baawulo khabteene,

1 Koriinto 2:4

Farniinkeeyki Kiriisto miinsan ichoow Yeedi Waakhe an atin icheeke ka, an mali khara mee atin ikacheeke. Iꞌdaasenyi miigti Rubeyti Munyee ka, wihi an eldi saggi icho rum iyahiin a atin latuse,

1 Koriinto 2:1

ꞌDooꞌd Kiriistokaaw, maanti an atin iimiyye an runti dagsane Waakh miinsan atin icheeke, an yeedassi burbuure ommos jiti khara ka ma atin leeyyeedin.

Hilassi Ergaano 25:15

Maanti an ilkerengeetti weene Yeerusaleem irde ka kuhaaniyyohi wewween ichoow ewweenki Yaꞌhuud ba wohoo kacheekteene, usuhi sina liigoocho daaheen.

Hilassi Ergaano 12:21

Ibeenkoo isliigooche ka ꞌHerood darfohiiski karnannoon gessate komborti antoot koorronte, ꞌdooꞌd itolche.

Hilassi Ergaano 23:33

Chirri iskarti faraꞌd fuusso ilkerengeetti Kaaysareya sooeleesse ka, gaafanahi Feelig layadeeh khadaab idiibte, Baawulo laka dahanohiis gelisse.

Hilassi Ergaano 24:2

Chirri Baawulo lawahe ka, Tertullo wihi Baawulo lakacheekti iꞌduu Feelig ortiis ka cheeke, “Eti weenoow, weynaantaah ka, geeddi deere nebey khabne, wihi tuummane yaafteen deef ikeeno la a layeele.