Hilassi Ergaano 23:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Uus iꞌdaas yidah ka, ꞌdooꞌdi Farissaayo ichoow ki Sadukaayo isleeiriire, ꞌdeerka seley lagowe.

Hilassi Ergaano 23:7 Referans Kwoze

Hilassi Ergaano 14:4

ꞌDooꞌdi ilkerengeeteet la seley gowe, gaasoo ki ꞌdooꞌdaas Yaꞌhuud yitahye, gaasoo la ki ergaano yitah.

Mattaayo 10:34

“Kol an harra imiyye an nebey keene akoogeynana. An nebey ma keenine, iꞌdaasenyi seleyhi an birlab ka atin fido iimiy.

Hilassi Ergaano 23:6

Baawulo ꞌdeerka saggi gaasichekoo Farissaayo itahe, gaasichekoo la Sadukaayo itahe garte Jaldaabti Weene Yaꞌhuud goyaka riire, “Yaaftaay an a Farissaayo, a weeli Farissaayo. Wihi inta ka liikahukkumo a jeenteti an ꞌdooꞌdi tuume berri sookaho ikhajjeelo,” yidah.

Hilassi Ergaano 23:8

Iꞌdi tahe Sadukaayo mehe tadeeh ya, omoot ka ma lasookaho, herti Waakh la ma jirto, wahanyeyyohi Waakhe jiro khabo liiargin laka ma jiraan. Iꞌdaasenyi Farissaayo saggi wahaas tuumman ijiraan a cheekta.