Hilassi Ergaano 23:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Baawulo ꞌdeerka saggi gaasichekoo Farissaayo itahe, gaasichekoo la Sadukaayo itahe garte Jaldaabti Weene Yaꞌhuud goyaka riire, “Yaaftaay an a Farissaayo, a weeli Farissaayo. Wihi inta ka liikahukkumo a jeenteti an ꞌdooꞌdi tuume berri sookaho ikhajjeelo,” yidah.

Hilassi Ergaano 23:6 Referans Kwoze

Hilassi Ergaano 24:21

Kolossoo a waha kaldache an goycho ka tolossade an riire an idah, ‘Wihi kaldache maalinka liikahukkumo, a jeenteti ani saggi ꞌdooꞌdi tuume toro isookaho irummeesdi.’ ”

Hilassi Ergaano 24:15

Khajjeeli icho awtichuu Waakh kakhabaan, annaka a khaba. Khajjeelaas la a ki ꞌdooꞌd tuumman omoot ka lasookahcho, ki fiffissan eheetteey ommos ki sussuuje eheetteey ka ba.

Fiiliffi 3:5

Inkoo an delde, an ibeen siyyeet barye, iche liikhandiye. ꞌDooꞌdi idele a Issiraayele, yaaf Beenjameene kayimiy. Hiiyyeey tuumman la Ibiraaniya kasoouummame. An rabitti Farissaayo weyti amurreti Yaꞌhuud raahto kijire.

Hilassi Ergaano 28:20

Wihi an atin iwahe a wahaas. Innohi isabanni toro isleehawwoonno ꞌdoona. An toolla biingoyyoha ikahidan a jeenteti khajjeeli innohi ꞌdooꞌdi Issiraayele tuumman khajjeello.”

Mattaayo 22:23

Maalinkaas goya ꞌdooꞌdoo Sadukaayo ꞌdooꞌdi tuume berri ma sookaho essi Yeesso iyimiy.

Hilassi Ergaano 22:5

Kuhaanihi weyti ween ichoow Jaldaab tuumman saggi wihi an eldi rum iyahiin a cheekaan. An icho khadaabi icho ꞌdooꞌdichoki Yaꞌhuude ilkerengeetti Damaasko kajiro ichiireene kakhaadde, intaas irde ꞌdee ꞌdooꞌdaas sookhabda, ilkerengeetti weene Yeerusaleem keena, sina loomhicha.

Mattaayo 10:16

“An iꞌdi iiyti yaay goya liifahe iche atin ierga. Maantaka iꞌdi toof u yuubsada, toro la iꞌdi kutukuurrug u iꞌdi ꞌdooꞌdi eloo rucchul laka ikhabin ateeha.

Mattaayo 3:7

Iꞌdaasenyi Yoohana maanti us rabitti Farissaayo ichoow ti Sadukaayo ittaawenye iche laka baattissiyo timiy arge ka, wihi us iyidah, “Dessi toof! Ayyo atin tootooche ꞌdee holi Waakh dowwanoha ka keeno kafiriddaan?

Hilassi Ergaano 22:3

“An a Yaꞌhuude, ilkerengeetti Taarso ili Kiliikiya kijirto liikadele, iꞌdaasenyi ilkerengeetti weene Yeerusaleeme kaweynaade. Ani amurre aacchinyeteen weyti liiabche, eti iabche la a Gamaliyeel. An laka iꞌda maanta atinhuu, Waakkheen a isibahche.

Hilassi Ergaano 22:30

Eti iskar tuumman itoollo wihi rumanka ꞌdooꞌdi Yaꞌhuud Baawulo kacheekti iche aban ꞌdoona, ibeenki kaas sooraaho ka Baawulo fure, amur bahche kuhaaniyyohi wewween ichoow Jaldaabti Weene Yaꞌhuud tuumman ba tol iwahe. ꞌDeerka Baawulo sookhaate, orcho toolliche.

Hilassi Ergaano 23:1

Baawulo la Jaldaabti Weene Yaꞌhuud indo katoolliche, yeye, “Yaaftaay, an ichoowka maalinka rubeyteeyti suujoon ikacheekan ka, hileey a buuhiche Waakh ortiis ka,” iyidah.

Hilassi Ergaano 23:7

Uus iꞌdaas yidah ka, ꞌdooꞌdi Farissaayo ichoow ki Sadukaayo isleeiriire, ꞌdeerka seley lagowe.

Hilassi Ergaano 23:15

“Toollaka atin ichoow Jaldaabti Weene Yaꞌhuud ba eti iskar tuumman itoollo farniin iꞌdiicha, Baawulo a sookhaato. Iꞌdi ꞌdooꞌdoo runti wohoo kaabti iskayeela. Nah la a tannabanne usu nagiis geeddi us inta isooeleelin.”

Hilassi Ergaano 23:20

Ulla wihi us yidah, “ꞌDooꞌdi Yaꞌhuud mehe iskadaage ya, atihi saahta Baawulo Jaldaabti Weene Yaꞌhuud orche keento. Iche la iꞌdi ꞌdooꞌdoo runtoo usu kayowti, iche iskayeessa.

Kolossaay 1:5

Wihi atin iꞌda kayeesseen la, a jeenteti atin saggi Waakh goobiis ka haaggi nool atin iabbire, atin ikhajjeessaan. Haagga Waakh la orey on daagteen, maanti atin Wori Haaggane rummaat daagteen.

Ibiraaniya 6:19

Waha inno khajjeello la, jiroteen ka fiddihi roorro laan lafiddiyo khuuf inno siichaan. Eti inno khajjeel kakhabno a Yeessohi dafarti yobbeenye meel seley goosso tabe, dafartaas ꞌdirihiche ka meessi goyaat ikute.