Hilassi Ergaano 23:35 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁵ wihi us yidah, “Chirri ꞌdooꞌdi walah kaacheekti yimiy iche woraah daaga.” ꞌDeerka amuri Baawulo minki buurenye gaafana goorat ꞌHerood dise ka latoorribo bahche.

Hilassi Ergaano 23:35 Referans Kwoze

Hilassi Ergaano 23:30

Chirri saggi ꞌdooꞌdoo ogoos iyowti liisoocheeke ka, an chirraas on a kisooerga idah. Anna toro ꞌdooꞌdi usu wohoo kakhabo amur ibahche, wihi icho usu kacheektaan ati a kikeeneen.

Hilassi Ergaano 25:16

“Anna wihi an ilaabe, amurreti Rooma ka, eti wohoo lakacheekti tuumman sammata usu ichoow ꞌdooꞌdi walah kacheekti isiꞌheline us isikayeyyeedin, walah layeelo mele.

Mattaayo 27:27

ꞌDeerka iskar gaafana Yeesso khaatte, minki buurenye gaafana igelo geesse, rabittoo iskareet tuumman la Yeesso khaarisse.

Hilassi Ergaano 24:22

Feelig wihi ꞌdooꞌdi Jiti Kamur raaho rummeesti a garta, tol hide. Wihi us yidah, “Maanti eti iskar tuumman itoollo Luusiyas layadeeh inta yimiy, iche yeediin goocha.”

Hilassi Ergaano 24:19

Iꞌdaasenyi ꞌdooꞌdoo Yaꞌhuude boroofenhi Aassiya kayimiy intaas a kajire. Ani ka, icho laka kootte intane kijiraane awtichuu chirri icho wohoo ikakhabaan kisoocheektaan.

Hilassi Ergaano 24:10

Chirri gaafana dahan ka Baawulo yeyyeed iyidah ka, Baawulo wihi us ilaabe, “Saggi at guꞌhassi ittaawe eti yaafta hukkumo ieheet a garda, ꞌdeerka an weyti hamaada chirri an ortaah ka isiyeyyeedo.

Hilassi Ergaano 24:1

Inkoo Baawulo lakhabte ibeen chane kutte ka, kuhaanihi weyti weene Anaaniya layadeeh, ewweenkoo Yaꞌhuud ichoow etoo af kaatahe Tertullo layadeeh khabaayi ilkerengeetti Kaaysareya yimiy. Gaafana ortiis yimaateene, Baawulo cheekteen.

Yoohana 18:28

Baryo ka ewweenki Yaꞌhuud Yeesso min Kayaafa kakhaate, minki buurenye gaafanahi Roomee geeche. Ewweenki Yaꞌhuud la minki etaas goya ma gelin, iꞌdi tahe ichohi geeddi icho gololi daawti Baasakka iumhan isbiꞌdirroocho ma ꞌdoonaan.

Mattaayo 2:16

Inkoo ꞌHerood saggi makhaaballeti bakkaalle yeyto iekkeysatte kase ka, weyti hollowe. Amur bahche nyaakhuti lallabe guꞌh lamma khabo ichoow ki guꞌh lamma ieleelinne, ilkerengeetti Beꞌdeleheem ichoow ilkerengeetohi isoodow kajiro tuumman a labakkicho yidah. Guꞌhassa lammee ichoow maanti makhaaballeti bakkaalle yeyto karnat icheekte a israahaan.

Mattaayo 2:3

Karnati ꞌHerood layadeeh uus yeedaas daage, weyti mal gele, ꞌdooꞌdi ilkerengeetti weene Yeerusaleem kijiro tuumman laka mal gele.

Mattaayo 2:1

Yeesso ilkerengeetti Beꞌdeleheeme boroofenhi Yaꞌhuudiya kijirto iche lakadele. Maantaas la, ꞌHeroode karnati ilaase. Inkoo Yeesso desse, makhaaballetoo bakkaalle walah kaabatti iloo beri katimiyye, ilkerengeetti weene Yeerusaleem timiy.

Hilassi Ergaano 24:23

Feelig eti koobbintoo iskareet itoollo amur ibahche, ꞌdee Baawulo latoorriba, iꞌdaasenyi ma lahido toro aalassiiski wohoo iyeelin ꞌdoono ma lajeycho.