Hilassi Ergaano 23:24 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁴ Baawulo laka faraꞌdoo us koro siicha, Gaafanahi Feelig layadeeh la nebey igeecha,” iyidah.

Hilassi Ergaano 23:24 Referans Kwoze

Hilassi Ergaano 25:14

Inkoo icho ibeennetoo tuumman baryeen ka, Feestas wihi Baawulo lakacheekti karnat kaleehawwooche, wihi us yidah, “Etoo goorat Feelig hidanyahaayi katabe a jira.

Hilassi Ergaano 24:10

Chirri gaafana dahan ka Baawulo yeyyeed iyidah ka, Baawulo wihi us ilaabe, “Saggi at guꞌhassi ittaawe eti yaafta hukkumo ieheet a garda, ꞌdeerka an weyti hamaada chirri an ortaah ka isiyeyyeedo.

Hilassi Ergaano 23:26

Eti khadaaba soochiiro, a ani Kilaawudiyo Luusiyas. Eti an ichiiro la a atihi weene, gaafaneenye Feelig layadeeh. Nebeytaah ma furatti.

Hilassi Ergaano 23:33

Chirri iskarti faraꞌd fuusso ilkerengeetti Kaaysareya sooeleesse ka, gaafanahi Feelig layadeeh khadaab idiibte, Baawulo laka dahanohiis gelisse.

Luuka 10:34

Et idowwaate, subakki geeyi oolif ichoow farsoti sabiib kadeye, toro jiissiis darfo kayuube, et eheliis korche, looj geeche, intaas ka gargaare.

Luuka 3:1

Waakh saahka ínam Sakkariiyaki Yoohana layadeeh hidaad ka wori us ꞌdooꞌd icheeko siiche. Maantaas la Kaaysarhi Tibeeriyas layadeehe guꞌh tomon ichoow chan karnati ili Rooma tuumman eheet. Boontiyo Bilaato la gaafanahi boroofenhi Yaꞌhuudiya eheete, ꞌHerood Antiiba la boroofenhi Gaalilaaya itoolla, walaaliiski Fiilif layadeeh la boroofenhi Itureeya ichoow Tirakoniiti itoolla, Laysaniyas la usú boroofenhi Abileen itoolla.

Mattaayo 27:2

Hidhideene, khaateene, Bilaatohi gaafanee dahan gesseen.

Hilassi Ergaano 23:25

Eti iskar iween sagguu khadaab ichiire.

Hilassi Ergaano 24:1

Inkoo Baawulo lakhabte ibeen chane kutte ka, kuhaanihi weyti weene Anaaniya layadeeh, ewweenkoo Yaꞌhuud ichoow etoo af kaatahe Tertullo layadeeh khabaayi ilkerengeetti Kaaysareya yimiy. Gaafana ortiis yimaateene, Baawulo cheekteen.

Hilassi Ergaano 24:3

Feelighi weyti weenoow, meel tuumman ka ichoow jitassi ittaawe ka, gargaara ka kalaꞌddi buurenye kisoolaabna.