Hilassi Ergaano 23:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Et la ínam khaate eti iskar tuumman itoollo igeeche. Etoo koobbintoo iskareet itoollo wihi us yidah, “Eti hidane Baawulo layadeehe eta nugul khaate ati igeey iyidah. A mehe wohoo us kisoocheekti, iche khaba.”

Hilassi Ergaano 23:18 Referans Kwoze

Efeesso 3:1

Jeenteti wahaas tuumman u, ani Baawulo iroonoti atinhi yaafohi Yaꞌhuud ieheynane an Yeesso Kiriisto ikahilo iche jeela ikijira.

Fiilemon 1:9

Iꞌdaasenyi ꞌdoonin Kiriisto ka, samacchaar on kihawwaasda. Ani a Baawulo kola a araarrowe, toro la jeente Yeesso Kiriisto jeela ikajira,

Efeesso 4:1

Ani hili Kamure an haaggicho, iche toolla jeela ikajira. Maantaka a atin hawwaasdee, taba jiroti ꞌdooꞌdi Waakh wahe imasse jira.

Hilassi Ergaano 28:17

Inkoo orrah seyyahe kutte ka, Baawulo weynaanti Yaꞌhuud tol iwahe. Chirri icho soourureen ka wihi us iyidah, “Yaaftaay, walah an ꞌdooꞌdeen ichoow hugumme aacchinyeteen miinsane an tirrime mele, eheetteey laka a liikhabte, ilkerengeetti weene Yeerusaleem ka liihide, toro liisookhaate dahanohi sirgaali Rooma ilaas kajiro liigesse.

Hilassi Ergaano 27:1

Chirri saggi nah ilkerengeetti Rooma ili ꞌDeylaan kajirto kooban ka iiranni lagooche ka, Baawulo ichoow ꞌdooꞌdoo addane hidan ba, Yuuliyashi koobbintoo iskareet itoollo, Koobbin Kaaysar layadeeh iween dahan lagesse.

Hilassi Ergaano 16:25

Geeddi ibeene il ekka seley kagowe ka, Baawulo ichoow Siila Waakh wahteene, geeyohi Waakh laka dowteen. ꞌDooꞌdi addane hidan la a dagansata on.

Luuka 7:40

Yeesso wihi us ilaabe, “Siimon an wohoo an kisoocheeko a khaba.” Ulla wihi us yidah, “Eti ween isoocheek.”

Yoohana 18:12

ꞌDeerka koobbinti iskarti Rooma eti iskartaas itoollo khabtaayi ichoow weynaanti Yaꞌhuud Yeesso khabteen. Hidhideene,

Hilassi Ergaano 23:17

Baawulo la etoo koobbintoo iskareet itoollo wahe, “Eta nugul wohoo us eti iskar tuumman itoollo icheekti khaba, khaate igeey,” iyidah.

Hilassi Ergaano 23:19

Eti iskar tuumman itoollo eti nugul dahan khabte khaate, ꞌdol geeche, “Mehe isoocheekin ꞌdoonta?” worsate.