Hilassi Ergaano 23:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Saahka ibeen Kamur Baawulo hagga tolossate wihi us yidah, “Wohoo rucchul laka akaroorin! Saggi at ilkerengeetti weene Yeerusaleem ka garteey iyeedde saggaas on ilkerengeetti Rooma ka laka garteey iyeedda.”

Hilassi Ergaano 23:11 Referans Kwoze

Hilassi Ergaano 19:21

Inkoo waha tuumman yitaaheen, Baawulo Rubeyti Munyee woytaayi wihi us gooche, chirri us ilkerengeetti weene Yeerusaleem irti, ili Makedooniya ichoow ki Akhaaya dah kagoocha. Wihi us yidah, “Inkoo an intaas irde, ilkerengeetti weene Rooma laka a sooarga.”

Hilassi Ergaano 18:9

Ibeenkooka Kamur Baawulo fooltabcho ka leeyyeede wihi us iyidah, “ꞌDooꞌda akaroorin, leeyeyyeede, waha at haaggisso la aꞌdiin.

2 Timooti 4:17

Iꞌdaasenyi Kamur a ileejire, miig isiiche, ꞌdee anna farniin tuum cheeka, ꞌdee yaafohi Waakh igaran tuumman daagaan. Ulla kootiinki Rooma ka omoot a ikaribe.

Mattaayo 14:27

Iꞌdaasenyi Yeesso chirraas on, “Anahina, a ani roorro akhabina!” iyidah.

Fiiliffi 1:13

Jeentetuu iskarti minki buurenye karnat toorribto tuumman ichoow ꞌdooꞌdi addan saggi an jeenteti an Kiriisto iraaho on u liihide, a garta.

Mattaayo 9:2

ꞌDooꞌdoo etoo khannane sar tuumman hanjaawte ilaal kasoosiꞌde, ikeene. Chirri Yeesso saggi ꞌdooꞌdaas usu ikakhuufo arge ka, wihi us etaas sare hanjaawte iyidah, “Inankaaw, aburꞌdowin! Uskeelaah a liikaakutee!”

Hilassi Ergaano 22:18

Fooltabcho ka Kamur arge, ulla iiyeyye, ‘Arari! Dowwa ilkerengeetti weene Yeerusaleem katab, iꞌdi tahe ꞌdooꞌd inta ka weheeyki at icheekto ma dagansati.’

Hilassi Ergaano 20:22

“Toolla la Rubeyti Munyee iche ilkerengeetti weene Yeerusaleem iwoyta, wihi intaas ka iyateeh la ma gardi.

Hilassi Ergaano 2:25

Wihi usu miinsane karnati Dawuud layadeeh yidah, “ ‘An kol dakkhan Kamur ortaaya kaarga. Jeenteti us garabeey itoolluu, walah isesseehicho mele.

Yoohana 16:33

Waha la a atin icheeke, ꞌdee ani ka nebey ꞌhessaan. ꞌDooꞌdi harrata goyaka sina a atin taham. Iꞌdaasenyi roorro akhabina, an harrata a soorichee.”

Yoohana 14:18

Saggi nyaakhuti ꞌdooꞌdi dele katuume ma atin ikatabo, a atin isoonokhda.

Mattaayo 28:20

Toro la amuri tuummane an atin ibahche abcha a raaheen. Rumanka la an a atin leejira ichoowka ibeenki ꞌdaꞌddaboot yateeh.”

Luuka 16:28

A mehe an walaal chane khaba. Icho a tootoocho uus ꞌdee icho laka maanti icho tuumeen inta bolokkhi uskul ꞌdooꞌd kayaham imaatane.’

Hilassi Ergaano 22:15

At gartiis a laabta toro wihi tuummane at agarte toro daagte yaafo tuumman icheekta.

1 Koriinto 9:1

An ergaano menya? An wihi an ꞌdoono ꞌdooꞌd Kiriisto yeelo ma yeelo? An Yeessohi Kamureene ma argin a? Jeenteti holi an dowe menya atin ichoow Kamur koo kalday ititaaheen?