Hilassi Ergaano 22:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Kuhaanihi weyti ween ichoow Jaldaab tuumman saggi wihi an eldi rum iyahiin a cheekaan. An icho khadaabi icho ꞌdooꞌdichoki Yaꞌhuude ilkerengeetti Damaasko kajiro ichiireene kakhaadde, intaas irde ꞌdee ꞌdooꞌdaas sookhabda, ilkerengeetti weene Yeerusaleem keena, sina loomhicha.

Hilassi Ergaano 22:5 Referans Kwoze

Luuka 22:66

Uun il barye ka, Jaldaabti Weene Yaꞌhuude kuhaaniyyohi wewween ichoow tagaammeti amurre kijiraan ba kulmeene, Yeesso la orcho lakeene.

Hilassi Ergaano 5:21

Ergaano la yeedaas liiyidah raahte, baryo ka, minki Waakhe buure gesse iꞌdi liiyidah u enenyet walah abisse. Kuhaanihi weyti ween ichoow ꞌdooꞌdiis ba Jaldaabti Weene Yaꞌhuud tuummamba tol iwaheen, iskar ergeene ergaano jeela ka a lasookhaato yidaaheen.

1 Timooti 4:14

Siintaahti maanti ewweenki urur Kiriisto woyo dahano kikorche wori Waakhe lakaayyeedo at kaꞌhesse akadabin.

Hilassi Ergaano 28:21

Wihi icho ilaabeen, “Nah khadaab woraah cheeko nah ili Yaꞌhuudiya kaꞌhelle mele. Toro et yaafteenenye ilaas kayimiyye woraah keene ommos uskeelaah keene mele.

Hilassi Ergaano 26:12

“Sulhaassoo iꞌdee ka khadaabi antoote kuhaaniyyohi wewween isiicheen khabaayi anki ilkerengeetti Damaasko miinsade.

Hilassi Ergaano 26:10

An antohi kuhaaniyyohi wewween ka ꞌdooꞌdi Waakhe ittaawe jeela a gesse, maanti layagiis la ani laka a ayyiche.

Hilassi Ergaano 22:1

Baawulo wihi us yidah, “Yaaftaay ichoow ooyenyeey, bal geedda an ortiin ka isiyeyyeedo idagansada.”

Hilassi Ergaano 13:26

“Yaafeey, atinhi hiiy Aburaahame ichoow atinhi yaafohi addanenye Waakh karoortaan inno wori saggi Waakh inno iribo a inno liisooerge.

Hilassi Ergaano 9:14

Ulla antohi kuhaaniyyohi wewween siicheene us ebbaaw ati kiwahti us kakhabti leeyimiy.”

Hilassi Ergaano 4:5

Ibeenki kaas sooraaho ka makhaaballeti Yaꞌhuude wewween ichoow ewweenki Yaꞌhuud ichoow tagaammeti amurre ba ilkerengeetti weene Yeerusaleem ka tossatte.

Hilassi Ergaano 1:15

Inkoo ibeennetoo kutte ka, ꞌdooꞌdi Kiriisto rummeeste soourure. Icho tuumman la a geeddi et kudoo ichoow tomon lamma. Beetero la kahe yeede,

Hilassi Ergaano 2:29

“Yaafeey, wihi aacchiheenki karnatenye Dawuud layadeeh miinsan roorro laane atin abcha. Dawuud a yumuyye, lahawwaale. Kaassintiis la ichoow uliba intane inno kaleejirta.

Hilassi Ergaano 3:17

“Toollaka yaafeey saggi atin ichoow weynaantiin garawwaayyo ka wahaas iyeesseen a garda.

Hilassi Ergaano 23:1

Baawulo la Jaldaabti Weene Yaꞌhuud indo katoolliche, yeye, “Yaaftaay, an ichoowka maalinka rubeyteeyti suujoon ikacheekan ka, hileey a buuhiche Waakh ortiis ka,” iyidah.

Hilassi Ergaano 23:6

Baawulo ꞌdeerka saggi gaasichekoo Farissaayo itahe, gaasichekoo la Sadukaayo itahe garte Jaldaabti Weene Yaꞌhuud goyaka riire, “Yaaftaay an a Farissaayo, a weeli Farissaayo. Wihi inta ka liikahukkumo a jeenteti an ꞌdooꞌdi tuume berri sookaho ikhajjeelo,” yidah.

Hilassi Ergaano 26:11

Geeddi buure an kolba minkoo weysiite Yaꞌhuude kabaha koo gela ꞌdee icho jaha toro Yeessohi icho igafaan iholin leheet. Jeenteti an icho weyti iꞌdiiꞌduu, ilkerengeetohi ili yeelan kijiro laka irde, ꞌdee icho sina omhicha.”

Hilassi Ergaano 28:17

Inkoo orrah seyyahe kutte ka, Baawulo weynaanti Yaꞌhuud tol iwahe. Chirri icho soourureen ka wihi us iyidah, “Yaaftaay, walah an ꞌdooꞌdeen ichoow hugumme aacchinyeteen miinsane an tirrime mele, eheetteey laka a liikhabte, ilkerengeetti weene Yeerusaleem ka liihide, toro liisookhaate dahanohi sirgaali Rooma ilaas kajiro liigesse.

Galaatiya 1:13

Maanti an hugummeti Yaꞌhuud raahe, saggi an ijire a daagteen. An ururi Waakh sina omhiche toro baabiin ꞌdoone.

Fiiliffi 3:6

Toro jeenteti an weyti Waakh ikafalin iꞌdoone, urur Kiriisto sina omhiche. Chirri amurreti laraaho enenyet eti Waakh ortiis ka fissan kayeesso ani wohoo rucchul laka ma liikacheekti.