Hilassi Ergaano 22:28 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁸ Eti iskar tuumman itoollo la wihi us yidah, “An chilimmeti buurenye sirgaal igute, eti ilaas itah.” Baawulo wihi us ilaabe, “Ani delmaattaaya eti ilaas ikayeesse.”

Hilassi Ergaano 22:28 Referans Kwoze

Hilassi Ergaano 22:27

Eti iskar tuumman itoollo la Baawulo iyimiyye, “Rum isoocheek, at a eti ili Rooma liiekkaache?” worsate. Wihi us ilaabe, “Aa.”

Hilassi Ergaano 22:29

ꞌDooꞌdi kootte Baawulo walah worsan leheet chirraas on Baawulo kasoofurfurte. Eti iskar tuumman itoollo laka weyti nahe. Iꞌdi tahe Baawulohi eti ili Roomeenye us biingoyyo gesse ka amurreti ili Rooma a jebche.

Efeesso 2:12

Saggi goorat maantaas atin ichoow Kiriisto yeerar ieheneet kasooꞌhela. Atin yaafohi Issiraayele Waakh soobahsate goya ma kajirin. Ayyinti goorat Waakh yaaftaas igooche atin goya ma kajirin. Harrata uskeel kijiro ka la khajjeeloo rucchul laka ma khabine, Waakh laka ma khabin.

Efeesso 2:19

Jeenteti waha u atinhi yaafohi Yaꞌhuud ieheynan kola ꞌdooꞌdi liigaran ichoow marti mee, iꞌdaasenyi atin ꞌdooꞌdi Waakh goya kijirtaane, toro la a ꞌdooꞌdi minki Waakh.