Hilassi Ergaano 22:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² “Etoo Anaaniya layadeeh ani iargin yimiy. Us weyti Waákh karoora toro amurre Muusa mujjum raaha, ꞌdooꞌdi Yaꞌhuude Damaasko kajiro tuumman la weyti usu inkaanyita.

Hilassi Ergaano 22:12 Referans Kwoze

Hilassi Ergaano 10:22

Reer wihi us ilaabe, “Etoo Korneeliyo layadeehe koobbintoo iskareet itoollo kanimiy. Ulla a etoo fissane Waákh karooro, yaafti Yaꞌhuud tuumman la weyti inkaanyitto. Hertoo Waakhe munyeenye usu minkiis a kiwaho ꞌdee wora a daago itidah.”

Hilassi Ergaano 6:3

Walaalinyeey, et teeba goytiin ka magah khabto, Rubeyti Munyee laka rubeyohicho buuhto toro la kharee soobahcha, hila a gelinno.

3 Yoohana 1:12

Enenyet tuumman haag Demmediroos a cheeka. Us runti Waakhe raaha, waha la saggi us eti haaggan iyahe iche tusaan. Nah laka saggi us eti haaggan iyahe a atin isoocheekna. Atin la saggi wihi nah cheekno tuumman rum iyahiin a garattaan.

Ibiraaniya 11:2

Iꞌdi tahe kakhuufnaanki ꞌdooꞌdi goorat archiiy Waakh kakhuufe on ka, iche Waakh saggi us icho ikahamaade icheeke.

1 Timooti 3:7

Toro la a eti ꞌdooꞌdi kharaate Yeesso irummeysan ka laka magahi haaggan khabo. Uus ꞌdee lakhaanyo keenine, angeyi Seytaan geline.

2 Koriinto 6:8

Toro la enenyet nah kooliyyeey ommos nah ꞌdarraawyeey ka ba, nah lahamayyeey ommos nah lasaayyeey ka ba, nah Waakhe ihilla. ꞌDooꞌdi ekkeysi lehe nah liiekkaacha, iꞌdaasenyi rum kalday on cheekna.

Hilassi Ergaano 17:4

ꞌDooꞌdoo Yaꞌhuud la yeedaas rummeeste, Baawulo ichoow Siila ikhayeen. ꞌDooꞌdoo ittaawenye Yaꞌhuud ieheynane Waakh karooro ichoow deyyehoti ittaawenye magah khabto laka Kamur rummeeste.

Hilassi Ergaano 8:2

ꞌDooꞌdoo Waakh karooro Isiteefano khaate hawwaale, toro weyti kooyeen.

Luuka 2:25

Maantaas la makhaabaloo Siimiyon layadeeh ilkerengeetti weene Yeerusaleem a kijira. Ulla a eti fissane Waakh karooro. Ulla yaafohi Issiraayele uur lakhoboocho iche suga. Rubeyti Munyee la usu a leejirte.