Hilassi Ergaano 21:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Ulla inám affar idisneynane wori Waakh kaayyeeddo iche khaba.

Hilassi Ergaano 21:9 Referans Kwoze

Hilassi Ergaano 2:17

“ ‘Ibeenneti ꞌdaꞌddaboot, iche Waakh essa, Rubeyteey weeli enenyet tuumman a kakhuba. Yeeletiin ichoow albehiin wori Waakh a kaayyeedaan. Mejeliinki nunnugul fooltabcho a arga. Mejeliinki araarrinyee issilloyyo issilloota.

Bakkaahit 2:20

Iꞌdaasenyi wihi an atin kakhabo kallaayo, atin aranta Yeesebel layadeehe eti Waákh íyeyyeedo istadeeh a isisooꞌdiissaan. Wihi iche abisso ka falfayyoheey jite bujissa, ꞌdee ꞌdooꞌdi isidisan isleeurꞌda toro gololi iyookkoyyohi waakkhakh lakayeessi liisoorriyooche yamhiin.

Luuka 2:36

Maantaas la toro makhaabassoo Waákh íyeyyeeddo magahiche Aanna layadeeh laka a jirta. Iche la a inanti makhaabaloo Faanuwel layadeehe yaafticho la Aacha layadeeh. Iche la weyti araarrowte. Aanna la inkoo ladise, guꞌh teeba on makhaabal leejirte,

Hilassi Ergaano 13:1

Urur Kiriistoki ilkerengeetti Antiyookhiya kijiro ꞌdooꞌdoo Waákh íyeyyeedo ichoow ꞌdooꞌdoo Yeedi Waakh ꞌdooꞌd abcho goya a kijire. Icho la a Barnaba ichoow Siimiyonhi Nigeer layadeeh ichoow Luukiyohi ili Kureene kayimiy ichoow Manaayenhi gaafanahi ꞌHerood Antiiba layadeeh weyneeste ichoow Saawulo.

1 Koriinto 7:38

Maantaka eti min diste a haaggiche, iꞌdaasenyi ki min idisan jiti weyti deefo tabe.