Hilassi Ergaano 21:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Iꞌdaasenyi maanti ibeenkeenyo massate ka kahne, orey isohanne. ꞌDooꞌd tuumman la deyyehoticho ichoow nyaakhut khabaayi nah sooraahe, ilkerengeet nah kaleebahe. Bicche aficho ka nah tuumman icho khabnaayi jilbo il kaguꞌdubne, Waakh wahanne.

Hilassi Ergaano 21:5 Referans Kwoze

Hilassi Ergaano 20:36

Chirri Baawulo yeyyeed massiche ka, icho tuumman khabaayi jilbo il kaguꞌdde Waakh wahte.

Hilassi Ergaano 9:40

Beetero la icho tuumman khar ibahche, jilbo il kaguꞌdde Waakh wahte. Makhaabassi bujje iurgiye wihi us iyidah, “Tabiita, sookah!” Iche la indo soobakkaahisse, chiꞌiche Beetero agarte ka soorrommatte.

Hilassi Ergaano 20:38

Wihi weyti icho kooyiche, a chirri us, “Toro yombuu fooleey ma agartaan,” iyidah. ꞌDeerka raaheene, kooban eleelicheen.

Hilassi Ergaano 15:3

Urur Kiriisto icho ergate. Geedda icho ili Foniikiya ichoow ki Saamariya tabaan, saggi yaafohi Yaꞌhuud ieheynan Waakh ikakhuufeen cheekeen. Wora la ꞌdooꞌdi Kiriisto rummeeste tuumman weyti kahamaadiche.

Hilassi Ergaano 17:10

Uus il ibeennowe ka ꞌdooꞌdi Kiriisto rummeeste Baawulo ichoow Siila ilkerengeetti Beeroya ierge. Chirri icho Beeroya geleen ka minki weysiite Yaꞌhuud irteen.

Marko 1:40

Saahka etoo buꞌdatoo uskul sar kasoofoofte Yeesso iyimiy. Ortiis ka jilbo il kaguꞌdde, hawwaaste, wihi us yidah, “Chirri at ꞌdoonto, at biꞌdir ibihin a tabuuꞌd.”

Mattaayo 14:21

Mejeli golossate tiriis, deyyeho ichoow nyaakhut la liiekkaan, a geeddi alif chan.

Luuka 22:41

Abattitiis kelee kaseehe, geeddoor daakki laseyo eleelo ileeirte, jilbo il kaguꞌdde Waakh wahte, wihi us yidah,