Hilassi Ergaano 21:40 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁰ Chirri us amuri eti iskar tuumman itoollo ꞌhele ka, Baawulo faaneyyo katolossate dahan ka urur leeyeede. Chirri icho tuumman gammadicheen ka Baawulo afichoki Ibiraaniya ka ꞌdooꞌd leeyeede.

Hilassi Ergaano 21:40 Referans Kwoze

Hilassi Ergaano 12:17

Ulla dahan ka gammadicha iyidahye, saggi Kamur jeela ikasoobahche icheeke. “Waha Yaakoobo ichoow ꞌdooꞌdi Kiriisto rummeeste icheeka,” iyidahye, bahe intoo addan irte.

Hilassi Ergaano 26:14

Nah tuummamba il guꞌdubne, anna hooyi afi Ibiraaniya ka, ‘Saawulo, Saawulo, a iꞌdoh ani sina iomhissa? At a iꞌdi heeri wussi ooyohiis tulcho, bolokh isikeeno,’ idowo daage.”

Hilassi Ergaano 22:2

Icho chirri icho usuhi afi Ibiraaniya icho kaleeyyeedo daageen ka, rukkuy goocheen. Baawulo ꞌdeerka wihi us yidah,

Yoohana 5:2

Ilkerengeetti Yeerusaleem ka, meessi, “Aritti iiyyaat,” layadeeh hagga ka, geꞌdintoo gaayim chan khabto a jirta. Afi Ibiraaniya ka magahiche, “Bessaaꞌda,” iche layadeeh.

Hilassi Ergaano 21:35

Chirri Baawulo faaneyyohi min lakakoro sooeleele ka, iskare jeenteti urur weyti iuskulaatuu, usu siꞌdde.

Hilassi Ergaano 19:33

ꞌDooꞌdi Yaꞌhuud la etoo Alekisaanda layadeeh urur isootakhe, wihi us yayyadeeh la icheeke. Ulla dahan ka ꞌdooꞌd leeyeede, wihi jiro icheekin ꞌdoonáa.

Bakkaahit 16:16

Ginnayyoha ꞌdeerka karnatoha meessi afi Ibiraaniya ka Harmageedo layadeeh ka isikeeneen.

Bakkaahit 9:11

Karnaticho la a herti keleyenye ankhari dahane ieleelin anatti. Magahiche la afi Ibiraaniya ka Abadoon, iche layadeeh. Afi Giriig ka la, Abooliyon, iche layadeeh. Magahenyeta a mehe ya Kheeroocha.

Hilassi Ergaano 13:16

Baawulo tolossate dahanti miigeet okkhiche leeyeede wihi us yidah, “ꞌDooꞌdi Issiraayeloow ichoow atinhi yaafti Issiraayel ieheynane Waakh karoortaane inta kajirtaan, idagansada.

Hilassi Ergaano 6:1

Saahka maanti tiri abatti Kiriisto kasookhayme ka, ꞌdooꞌdi Yaꞌhuude afi Giriig daago yaafohi Yaꞌhuude afi Ibiraaniya daago leeiriire. Wihi tahe muunkhoyyohicho gololi maan dakkhan enenyet lagiso ma ꞌhelaan.

Yoohana 19:20

ꞌDooꞌdi ittaawenye Yaꞌhuud la chiirnaannetaas soome, iꞌdi tahe meessi Yeesso massalaaba lakakaahe, ilkerengeet ma kadeer. Wihi baawa kachiiran la afi Ibiraaniya ichoow afi ꞌDeylaan ichoow afi Giriige lakachiire.

Yoohana 19:17

Yeesso massalaabatiis siꞌdaayi bahe. Meessoo Meessi Lafohi Matahe Enenyet layadeeh irte. Meessa la afi Ibiraaniya ka a Golgooꞌda.

Yoohana 19:13

Chirri Bilaato yeeda daage ka, Yeesso khaate, khar ibahche, inti ꞌdooꞌd lakahukkumo, “Orotti dagaheet,” layadeeh keene. Magaha afi Ibiraaniya ka la Gabaaꞌda layadeeh.

Luuka 23:38

Matakkiis sartiis la wihi lakachiire a mehe ya, Waha a Karnati Yaꞌhuud.

Hilassi Ergaano 1:19

Enenyeti ilkerengeetti weene Yeerusaleem kijiro tuumman daage, gosaas magah ibahcheene aficho ka Akeldaama yidaaheen. Iꞌdaakka la mehe leessa ya, “Gosi Diig.”