Hilassi Ergaano 21:39 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁹ Baawulo wihi us ilaabe, “An a Yaꞌhuude, ilkerengeetti Taarso ili Kiliikiya kijirto liikadele. An a eti ilkerengeetti weyti khumman. A kihawwaasdee, alley bal ꞌdooꞌd a leeyyeedo.”

Hilassi Ergaano 21:39 Referans Kwoze

Hilassi Ergaano 22:3

“An a Yaꞌhuude, ilkerengeetti Taarso ili Kiliikiya kijirto liikadele, iꞌdaasenyi ilkerengeetti weene Yeerusaleeme kaweynaade. Ani amurre aacchinyeteen weyti liiabche, eti iabche la a Gamaliyeel. An laka iꞌda maanta atinhuu, Waakkheen a isibahche.

Hilassi Ergaano 9:11

Kamur la wihi us iyidah, “Kahe, ilkerengeet ka min Yuudaki jiti, Jiti Fissan layadeeh kajiro iro, etoo ilkerengeetti Taarso Saawulo layadeeh sooworso, iꞌdi tahe usu Waakhe wahtaa.

Hilassi Ergaano 6:9

Iꞌdaasenyi ꞌdooꞌdoo Isiteefano iriir leegele. ꞌDooꞌda a ayyo ya, a ꞌdooꞌdoo minkichoki weysiit, “ꞌDooꞌdi Lasoofure,” layadeeh ichoow ꞌdooꞌdi Yaꞌhuude ili Kureene kayimiy ichoow ki Alekisaandariya ichoow ki Kiliikiya ichoow ki Aassiya. ꞌDooꞌda Isiteefano iriir leegele,

1 Beetero 3:15

Iꞌdaasenyi uurassiin ka, Kiriisto tuum isisoobahcha iꞌdi Kamur u. Chirri khajjeeli atin Kiriisto kakhabtaan atin laworsate la, tannabda kol dakkhan ayti atin laabtaan khaba. Iꞌdaasenyi waha samacchaar ka ichoow inkaanyit ka yeela.

Hilassi Ergaano 23:34

Gaafana khadaab soome, Baawulo boroofenhi us kayimiy worsate. Chirri us saggi us inti Kiliikiya layadeeh ikayimiy abte ka,

Hilassi Ergaano 23:27

ꞌDooꞌdi Yaꞌhuud eta a khabte igaasan leheet. Iꞌdaasenyi iskar khaadde usu ribe, iꞌdi tahe saggi us eti ili Rooma liiekkaacho iyahe a abde.

Hilassi Ergaano 21:37

Chirra icho Baawulo minki iskare fiddiito gelin leheet ka, Baawulo yeede, eti iskar tuumman itoollo, “Wohoo ma kisoocheeko?” worsate. Wihi us ilaabe, “At afi Giriig a daagta?

Hilassi Ergaano 16:37

Iꞌdaasenyi Baawulo wihi us iskar iyidah, “Chirri ꞌdooꞌdi Rooma nah liiekkaacho laka, icho ꞌdow on ka nah jaheene, toro jeela nah geecheen. Toollaka toro dagsi nah kabahchaan? Mele! Icho rubeycho a yimaateene, a nah bahcheen.”

Hilassi Ergaano 15:41

Siiriya ichoow Kiliikiya tabe ururre Kiriisto uur miigooche.

Hilassi Ergaano 15:23

Khadaaba leergeen. Khadaab la wahane kachiiran. ꞌDooꞌdi khadaaba atin isoochiiro a nahi ergaanee ichoow ewweenki urur Kiriisto woyo iꞌdiin u Kiriisto rummeeste. ꞌDooꞌdi nah isoochiirro la a atinhi yaafohi Yaꞌhuud ieheynane Kiriisto rummeysatteene ilkerengeetohi Antiyookhiya ichoow Siiriya ichoow Kiliikiya taalliin. Nebeeheyte!

Hilassi Ergaano 9:30

Chirri ꞌdooꞌdi Kiriisto rummeeste waha abte ka, Saawulo khaateene ilkerengeetti Kaaysareya geecheene, intaas ka ilkerengeetti Taarso iergeen.