Hilassi Ergaano 21:37 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁷ Chirra icho Baawulo minki iskare fiddiito gelin leheet ka, Baawulo yeede, eti iskar tuumman itoollo, “Wohoo ma kisoocheeko?” worsate. Wihi us ilaabe, “At afi Giriig a daagta?

Hilassi Ergaano 21:37 Referans Kwoze

Hilassi Ergaano 21:34

Urur goyaka ꞌdooꞌd gaasoo riirit ka wohoo essa, koo la riirit ka wohoo addane essa. Eti iskar tuumman itoollo jeenteti kowduu sag us rum iabti mele. Amuri Baawulo lakhaato uranti iskareet lakageecho bahche.

Hilassi Ergaano 21:19

Baawulo la icho bariitiche toro wihi tuummane Waakh yaafohi Yaꞌhuud ieheynan hiliis ka iyeele ꞌdooꞌd tuum idowdowe.

Hilassi Ergaano 19:30

Baawulo rubeytiis usuhi urur ortiis irti ꞌdoone, iꞌdaasenyi abatti usu tiratte.

Luuka 21:15

A mehe an yeedi atin tadeehiin ichoow khara a atin siicha, ꞌdee chiiytiin tuumman goyaka koo atin tirrimin yabuuꞌd mele ommos et runti atin cheekteen ꞌdiiꞌdo mele.

Hilassi Ergaano 22:24

Eti iskar tuumman itoollo amur bahche ꞌdee Baawulo a lakhaato, minki iskare fiddiito goya a lageecho, laajja ka a ladoocho, walah a laworsati, ꞌdee riirita geeddeenye ꞌdooꞌda Yaꞌhuud usu kariiro wihiis a laabti.

Hilassi Ergaano 23:10

Iriire weyti uskulaatte ichoowka eti iskar tuumman itoollo ichohi Baawulo seley goocho karoore. Amur bahche iskartiis ergate a iratti Baawulo ꞌdooꞌd a soosarto, a sookhaatto uranti iskareet a keento.

Hilassi Ergaano 23:16

Iꞌdaasenyi Baawulo eysinkiis waha daage, irte, Baawulo minki latoorribo ka icheeke.