Hilassi Ergaano 21:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ Urur goyaka ꞌdooꞌd gaasoo riirit ka wohoo essa, koo la riirit ka wohoo addane essa. Eti iskar tuumman itoollo jeenteti kowduu sag us rum iabti mele. Amuri Baawulo lakhaato uranti iskareet lakageecho bahche.

Hilassi Ergaano 21:34 Referans Kwoze

Hilassi Ergaano 23:10

Iriire weyti uskulaatte ichoowka eti iskar tuumman itoollo ichohi Baawulo seley goocho karoore. Amur bahche iskartiis ergate a iratti Baawulo ꞌdooꞌd a soosarto, a sookhaatto uranti iskareet a keento.

Hilassi Ergaano 19:32

Geeddaas ka la meel tuumman a riirit kalday on. ꞌDooꞌdoo riirit ka wohoo essa, koo la riirit ka wohoo addane essa. ꞌDooꞌd buurtiis la wihi icho intaas ka isikeene laka ma garti.

Hilassi Ergaano 23:16

Iꞌdaasenyi Baawulo eysinkiis waha daage, irte, Baawulo minki latoorribo ka icheeke.

Hilassi Ergaano 22:24

Eti iskar tuumman itoollo amur bahche ꞌdee Baawulo a lakhaato, minki iskare fiddiito goya a lageecho, laajja ka a ladoocho, walah a laworsati, ꞌdee riirita geeddeenye ꞌdooꞌda Yaꞌhuud usu kariiro wihiis a laabti.

Hilassi Ergaano 21:37

Chirra icho Baawulo minki iskare fiddiito gelin leheet ka, Baawulo yeede, eti iskar tuumman itoollo, “Wohoo ma kisoocheeko?” worsate. Wihi us ilaabe, “At afi Giriig a daagta?

Hilassi Ergaano 22:30

Eti iskar tuumman itoollo wihi rumanka ꞌdooꞌdi Yaꞌhuud Baawulo kacheekti iche aban ꞌdoona, ibeenki kaas sooraaho ka Baawulo fure, amur bahche kuhaaniyyohi wewween ichoow Jaldaabti Weene Yaꞌhuud tuumman ba tol iwahe. ꞌDeerka Baawulo sookhaate, orcho toolliche.

Hilassi Ergaano 25:26

Iꞌdaasenyi walah buuho usu miinsane an Kaaysarhi kamure ichiiro an khabo mele. Jeentetaas gon ortiin ikeene, toro kach ka atihi karnate Agiribbaaw iche ortaah keena, ꞌdee chirri walah laawworsate ka, ani laka wihi an Kaaysar ichiiro khaba.

Hilassi Ergaano 23:32

Ibeenki kaas sooraaho ka, iskarti luhlo kasohatti uranti minki iskareet inokhatte, ti faraꞌd fuusso la Baawulo orey ileesohatte.