Hilassi Ergaano 21:33 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³³ Eti iskar tuumman itoollo irte Baawulo khabte, amuri biingo lamma lakahido bahche. ꞌDeerka eti us yahe ichoow wihi us yeele ꞌdooꞌd worsate.

Hilassi Ergaano 21:33 Referans Kwoze

Efeesso 6:20

Jeenteti Wora Haaggan u, anihi meel Kiriisto kijiro jeela kijira. Waakh wahda, ꞌdee wora roorro laan saggi imale a icheeko.

Hilassi Ergaano 21:11

Ulla nah iyimiyye, saab Baawuloki dabar khaate, luhlohiis ichoow dahanohiis iskahide, wihi us yidah, “Rubeyti Munyee wahane elatta. ‘Eti saaba leh saggane ilkerengeetti weene Yeerusaleem ka ꞌdooꞌdi Yaꞌhuud ihida, dahanohi ꞌdooꞌdi Waakh igaran igessa.’ ”

Hilassi Ergaano 20:23

Wihi kaldaye an gardi, Rubeyti Munyee a itootoossa, ilkerengeetti ween tuumman ka sina ichoow hiinaan a isugaan.

Hilassi Ergaano 12:6

Ibeenki ꞌdee saahka ꞌHerood Beetero soohukkumo ka, Beetero et lamma iskareete dahcho urꞌda, biingo lamma lakahide, tooba etoo iskareete lakahide, iskarti lammeenye aritti jeela toorribto la a jirta.

Hilassi Ergaano 28:20

Wihi an atin iwahe a wahaas. Innohi isabanni toro isleehawwoonno ꞌdoona. An toolla biingoyyoha ikahidan a jeenteti khajjeeli innohi ꞌdooꞌdi Issiraayele tuumman khajjeello.”

Hilassi Ergaano 22:29

ꞌDooꞌdi kootte Baawulo walah worsan leheet chirraas on Baawulo kasoofurfurte. Eti iskar tuumman itoollo laka weyti nahe. Iꞌdi tahe Baawulohi eti ili Roomeenye us biingoyyo gesse ka amurreti ili Rooma a jebche.

2 Timooti 2:9

Jeenteti an icheekuu la sina a ikawaarta, iꞌdi eti wohoo uskul yeeluu a hidanahe. Iꞌdaasenyi Yeedi Waakh ma hidan.

2 Timooti 1:16

Kamur ba goob Oneesiferas uur isoonugleesta. A mehe us geeddi buure a ikahamaadiche. Maanti an jeela kijire laka, us uur a imiigooche toro ma ikalakhaanyeysan.

Hilassi Ergaano 26:29

Baawulo la wihi us ilaabe, “Geeddoo rucchul ommos geeddoo deer eheetteey ka ba, Waakhe daaha ati kalday la menye, ꞌdee ꞌdooꞌdi maalinka idagansati tuumman iꞌdeey u Yeesso kakhuufa, hiinaanka an hidanahe on liihidin menye.”

Hilassi Ergaano 25:16

“Anna wihi an ilaabe, amurreti Rooma ka, eti wohoo lakacheekti tuumman sammata usu ichoow ꞌdooꞌdi walah kacheekti isiꞌheline us isikayeyyeedin, walah layeelo mele.

Hilassi Ergaano 22:30

Eti iskar tuumman itoollo wihi rumanka ꞌdooꞌdi Yaꞌhuud Baawulo kacheekti iche aban ꞌdoona, ibeenki kaas sooraaho ka Baawulo fure, amur bahche kuhaaniyyohi wewween ichoow Jaldaabti Weene Yaꞌhuud tuumman ba tol iwahe. ꞌDeerka Baawulo sookhaate, orcho toolliche.

Fiiliffi 1:7

Ani uure atin kakhaba gone, a mujjum chirri an iꞌdaasu atin tuumman atin kamaldi. A mehe chaꞌan hidanahe ommos kootiin ka saggi Wori Haaggan rum iyahe ꞌdooꞌd icheeko, atin tuumman hila haaggi Waakhe buure a ileegisantaan.