Hilassi Ergaano 21:29 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁹ Wihi icho iꞌdaas kayidaaheen la a jeenteti icho Turofiimohi Yaꞌhuud ieheynane ilkerengeetti Efeesso kayimiyye ilkerengeet goyaka Baawulo rarraaho iargeen. Kol Baawulo usu sookhaate uranti minki Waakhe buure keene koogyahiin.

Hilassi Ergaano 21:29 Referans Kwoze

Hilassi Ergaano 20:4

ꞌDooꞌdi usu walhiche a inam Birroki ili Beeroya, Soobarro layadeeh ichoow Aristaarkos ichoow Sekundohi ilkerengeetti ꞌDessaloonika ichoow Gaayohi ili Deerbe. ꞌDooꞌdi ili Aassiya Baawulo walhiche la a Tuuchiko ichoow Turofiimo. Timooti laka Baawulo a walhiche.

2 Timooti 4:20

Eraasta ilkerengeetti Koriinto kaꞌhade, Turofiimo la jeenteti us ikhannanyahuu ilkerengeetti Mileeto kasootabe.

Hilassi Ergaano 18:19

Chirri icho ilkerengeetti Efeesso yimaateen ka, Baawulo Birisiila ichoow Akiila intaas katabe. Baawulo minki weysiite Yaꞌhuud irte, ꞌdooꞌdi Yaꞌhuud leehawwooche.

Hilassi Ergaano 18:21

Iꞌdaasenyi chirra us kaho ka, “Chirri Waakh ꞌdoono a atin isoonokhda,” iyidahye, kooban kore ilkerengeetti Efeesso kabahe.

Hilassi Ergaano 19:1

Aboollo ilkerengeetti Koriinto kajiraayi, Baawulo kahe il dah kagooche ilkerengeetti Efeesso gele, intaas ka abattitoo ꞌhele.