Hilassi Ergaano 21:27 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁷ Geeddi ibeen teeba kasoomassatti ka, ꞌdooꞌdoo Yaꞌhuude boroofenhi Aassiya kayimiy Baawulo minki Waakhe buure goyaka arge. Urur tuumman sootukkicheene Baawulo khabteene,

Hilassi Ergaano 21:27 Referans Kwoze

Hilassi Ergaano 26:21

Jeentetaase ꞌdooꞌdi Yaꞌhuud anihi minki Waakhe buure kajiro ikhabte, iigaasan leheet.

Hilassi Ergaano 24:18

Chirra icho anihi wahaas yeelo uranti minki Waakhe buure ka iꞌheleen, an Daawti Dikhaaleet a massiche. Urur ileejire mele, walah uskulaate la mele.

Hilassi Ergaano 13:50

Iꞌdaasenyi ꞌdooꞌdoo Yaꞌhuud deyyehoti Waakh karoorto magah khabto ichoow mejeli ilkerengeet ka weynaan leh sootukkicheen. Baawulo ichoow Barnaba sina omhin sookhabteene ichoowka ilicho kariheen.

Hilassi Ergaano 18:12

Maanti Gaalliyo ili Akhaaya iweynaate ka, ꞌdooꞌdi Yaꞌhuud tuumman yimiyye Baawulo khabte, kootiin ortiis geecheen.

Hilassi Ergaano 17:13

Chirri ꞌdooꞌdi Yaꞌhuude ilkerengeetti ꞌDessaloonika kajiro saggi Baawulo ilkerengeetti Beeroya ka Yeedi Waakh icheeko abte ka, yimaateene, ꞌdooꞌd ururicheene, Baawulo isootukkicheen.

Hilassi Ergaano 14:19

ꞌDooꞌdoo Yaꞌhuude ilkerengeetti Antiyookhiya ichoow Ikooniyo kayimiy la yimiyye ꞌdooꞌd ankicho isoolaabeene, ichoowka Baawulo dagah kachibeen. Kol us yumuyye koogyahiine ꞌdeerka ilkerengeet khariche ijiiteen.

Hilassi Ergaano 14:5

ꞌDooꞌdoo yaafohi Yaꞌhuud ieheynan ichoow ꞌdooꞌdoo yaafohi Yaꞌhuude ichoow weynaanticho ba dagsi ka isleetossateene, mali icho ꞌdee ergaano sina kawaarichaane toro dagah kachibaan goocheen.

Hilassi Ergaano 14:2

Iꞌdaasenyi ꞌdooꞌdi yaafohi Yaꞌhuude Kamur rummeysan ꞌdiiꞌde ꞌdooꞌdi addane yaafohi Yaꞌhuud ieheynan sootukkiche ichoowka ꞌdooꞌdi Kiriisto rummeeste iholloween.

Hilassi Ergaano 6:12

ꞌDeerka ꞌdooꞌd ichoow ewweenki Yaꞌhuud ichoow tagaammeti amurre sootukkicheen. Isiteefano khabteene, khaateene Jaldaabti Weene Yaꞌhuud igeecheen.

Hilassi Ergaano 5:18

Ergaano sookhabatte jeelati ilkerengeeteet ka hidde.

Hilassi Ergaano 4:3

Beetero ichoow Yoohana khabatte, jeela gelisse, saahta leesugte, il a gelebnowe gone.

Luuka 21:12

“Iꞌdaasenyi geeddi waha tuumman iitaahan a atin khabtaane, sina atin omhichaan. Minassi weysiite Yaꞌhuud ka atin lahukkuma toro jeelayyo atin lageecha. Karnatte ichoow gaafanayyo atin liigeecha, waha tuumman la a jeenteti atin abattiteey itahiin.

Hilassi Ergaano 2:9

Bal yaafohi inno nahe yeya, yaafti Baaꞌdiya ichoow ti Meediya ichoow ti Eelam ichoow ti ili Messabotaamiya ichoow ti ili Yaꞌhuudiya ichoow ti ili Kabadookiya ichoow ti ili Boontus ichoow ti boroofenhi Aassiya,

Hilassi Ergaano 6:9

Iꞌdaasenyi ꞌdooꞌdoo Isiteefano iriir leegele. ꞌDooꞌda a ayyo ya, a ꞌdooꞌdoo minkichoki weysiit, “ꞌDooꞌdi Lasoofure,” layadeeh ichoow ꞌdooꞌdi Yaꞌhuude ili Kureene kayimiy ichoow ki Alekisaandariya ichoow ki Kiliikiya ichoow ki Aassiya. ꞌDooꞌda Isiteefano iriir leegele,

Hilassi Ergaano 16:6

Jeenteti Rubeyti Munyee ichohi boroofenhi Aassiya Wori Haaggan kacheeko itirattuu, irteene ili Furiijiya ichoow Galaatiya dah kagoocheen.

Hilassi Ergaano 20:19

Makhaaballeti Yaꞌhuud kajmeti suujenye igelisse, eheetteey laka, an a isnuglaache toro oytim ka Kamur ihile.

Hilassi Ergaano 24:11

An ibeen tomon ichoow lamma kutte on ilkerengeetti weene Yeerusaleem irde Waakhe wahdaa. Chirri at goya yeyte, dowwa on runtiis abatta.

2 Koriinto 11:26

Kolassi ittaawenye sohoti deer kijire, hawohi ꞌdulo ikhaatin leheete, chifta iigaasan leheete ꞌdooꞌdi Yaꞌhuud ichoow ki yaafohi Yaꞌhuud ieheynan ba iigaasan leheet. Ilkerengeetti ween ichoow hidaad ka ichoow beyohi burbuure ka liigaasan leheet. ꞌDooꞌd Kiriistoki beenaat laka iigaasan leheet.

1 'Dessaloonika 2:16

Icho nahi Wori Haaggane yaafohi Yaꞌhuud ieheynan icheekno ꞌdee Waakh icho ribo laka jeyine ꞌdoonaan. Iꞌda ka la, kol dakkhan uskeelichooda on weyti isibuuraachaan. Kola holi Waakh icho a sooeleele.