Hilassi Ergaano 20:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Geedda Baawulo yeyyeedo la etoo nugule Ewuutukos layadeehe ꞌdohti min kafiddiyo urꞌdumme khaatte. Chirra urꞌdumme khaatte ka, minki seyyahnaatteete saraat kasoodihe ichoowka il guꞌdde. Chirri icho sookkhichaan, a yumuy.

Hilassi Ergaano 20:9 Referans Kwoze

Marko 13:36

Chuꞌus dog laan yamiit, uus atinhi uꞌdurtaan atin ꞌhelin.

Hilassi Ergaano 14:19

ꞌDooꞌdoo Yaꞌhuude ilkerengeetti Antiyookhiya ichoow Ikooniyo kayimiy la yimiyye ꞌdooꞌd ankicho isoolaabeene, ichoowka Baawulo dagah kachibeen. Kol us yumuyye koogyahiine ꞌdeerka ilkerengeet khariche ijiiteen.

Marko 9:26

Ginna riirit guꞌdubte, ínam korkokisse kabahte, inam iꞌdi eti yumuy yitahye, ꞌdooꞌdi buure, “A yumuy,” yidah.

Hilassi Ergaano 20:7

Ibeenki oraate teebataas ka isinimiy, ꞌdee gololi Kamure isleenahame, toro omoot Yeesso kasooꞌhellaa. Baawulo ꞌdooꞌd Yeedi Waakh icheeke ichoowka ibeen ekka seley kagowe, iꞌdi tahe usuhi ibeenki kaas sooraaho kaho ꞌdoonaa.

Hilassi Ergaano 20:8

Goonankaas saraate islakaꞌhelo ka taassi ittaawenye jira.

Hilassi Ergaano 20:10

Baawulo la il ikhubte et isiꞌdiiche, dahano kayuubte, “Anahina, et a noolyahee,” yidah.