Biblia Todo Logo
Bib sou entènèt

- Piblisite -




Hilassi Ergaano 20:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

7 Ibeenki oraate teebataas ka isinimiy, ꞌdee gololi Kamure isleenahame, toro omoot Yeesso kasooꞌhellaa. Baawulo ꞌdooꞌd Yeedi Waakh icheeke ichoowka ibeen ekka seley kagowe, iꞌdi tahe usuhi ibeenki kaas sooraaho kaho ꞌdoonaa.

Gade chapit la Kopi




Hilassi Ergaano 20:7
22 Referans Kwoze  

Teeba tuumman ibeenki oraat etiimba chilimme geeddi Waakh siiche, gaasoo meel a gesso, ꞌdee maanti an amiit chilimme addane labaayicho ba mele.


Icho kol tuumman wihi ergaano abisse raaheene toro kulankoo kalday isleekhabeen. Icho ichoow ꞌdooꞌdi Kiriisto rummeeste ba isleegolossateene, toro Waakh isleewahteen.


Gelebti ibeenki oraate teebataas ka, abatti kulante. Minkoo goya iskahidde, iꞌdi tahe weynaanti Yaꞌhuude karoortaa. Iꞌdaasenyi Yeesso goycho tolossate, “Nebeytiin ma furatti,” iyidah.


Baryoti boorane ibeenki oraate teebataas ka, Maariyati ilkerengeetti Magdaala goꞌddi Yeesso lakahawwaale ijedde, saggi daddaab meel afiche liikabahche agarte.


Ibeenki Kamur ka Rubeyti Waakh iwoyte, ꞌdubeey ka hooyoo buurenye iꞌdi arabi laafuufee daage.


Baawulo ꞌdeerka toro minki saraat ikore, makaate isleeyumheen. Inkoo us icho leeyyeede ichoowka orrahe sookorte ka, katabe.


Ibeenki icho Baawulo ꞌhelaan goocheene, toro la ꞌdooꞌdi inti us fiddiyo yimiy weyti buuraate. Ulla uus chirdeer ichoowka geleb wori dakhi Waakh miinsan idowdowe toro icheeke. Chiirnaanneti Amurre ichoow ti ꞌdooꞌdi Waákh íyeyyeedo idowdowe wori Yeesso miinsane icho isoojiitaa.


Geedda Baawulo yeyyeedo la etoo nugule Ewuutukos layadeehe ꞌdohti min kafiddiyo urꞌdumme khaatte. Chirra urꞌdumme khaatte ka, minki seyyahnaatteete saraat kasoodihe ichoowka il guꞌdde. Chirri icho sookkhichaan, a yumuy.


ꞌDooꞌdi kootte lammee laka wihi kootte geeddi icho jit kaꞌdulaan yitah cheeke. Toro la saggi icho chirri Yeesso makaate jebche eti u yahe iabteen ꞌdooꞌd icheekeen.


Iꞌdaasenyi haaggi Waakhe buure ka eti an ahe a ahe. Haaggiis la ki ilmarhaatteet mee. Iꞌdi tahe an ergaanoti addan tuumman ꞌdirihicheeda hol dowe. Waha la ani menye, iꞌdaasenyi Waakh on haaggiiskaas ka hil ikahaagsate.


Chirri inno gololi Kamur ka Waakh koob ka kalaꞌd ilaabno toro danno, inno tuumman gargaari diig Kiriisto isleegisanna menya? Makaateti lajebcho islaleeyaham ka la, gargaari sar Kiriisto isleegisanna menya?


ꞌDooꞌdi iꞌdaase yuubsada. Toollaka saggi an guꞌh seyyah tuumman bolokh ka an ebba ibeen ichoow maalim ba iwaaniche kasooꞌhela.


Orrahti sookorto tuumman, uranti minki Waakhe buurenye isikayamiitiine Waakh wahtaan. Toro goobassicho ka, uuri haaggan ka isleegolossataane, hamaadaane,


Inkoo teebatoo toro kutte ka, abatti toro minkoo goyaka kulante. Toomas laka a leejire. Afaf a hidanyahiine, iꞌdaasenyi Yeesso goycho sootolossate, wihi us iyidah, “Nebeytiin ma furatti.”


Makaate khaate Waakh kalaꞌd ilaabe, jejjebche abatti ididdiibe wihi us yidah, “Waha a sarteeyti atin liisoobahche, amha ꞌdee ikasooꞌhela.”


Tab giꞌde tannabo Yeedi Waakh kolal dakkhan ꞌdooꞌd icheek. ꞌDooꞌd saggi us uskeel iyeele icheeke, leejaakh, toro uur miigooy. Geeddi at waha yeesso la weyti samacchaare, mujjum la enenyet walah abi.


Ibeenki oraate teebataase us omoot kasookahe ka, kolooraat Maariyati ilkerengeetti Magdaala goorat us ginna teeba kabahche isoobahe.


Inkoo Baawulo fooltabcho arge ka, chirraas on tannabanne, anki Makedooniya miinsanne. Wihi nah goonne Waakh a nah wahe, ꞌdee icho Wori Haaggan icheekna.


Icho la kooban ka orey isohteene, ilkerengeetti Tuurowa ka nah sugeen.


Swiv nou:

Piblisite


Piblisite