Biblia Todo Logo
Bib sou entènèt

- Piblisite -




Hilassi Ergaano 20:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

6 Nah la inkoo Daawti Makaateti Liikhasin kutte ka kooban ka ilkerengeetti Fiiliffi kakahne. Ibeen chan sohanne ꞌdooꞌd ilkerengeetti Tuurowa ka toro ikhayne. Teebatoo intaas fiddiine.

Gade chapit la Kopi




Hilassi Ergaano 20:6
18 Referans Kwoze  

ꞌHerood la chirri us saggi ꞌdooꞌdi Yaꞌhuud waha ikahamaado arge ka, Beetero laka sookhabte jeela gesse. Wahaas la maanti Daawti Makaateti Liikhasin iche yitaaheen.


Intaas ka kahne, ilkerengeetti Fiiliffi gelle. Fiiliffi la a ilkerengeetti oraate ili Makedooniya. Makedooniya la ꞌdooꞌdi ili Roomeenye anta. Ilkerengeettaas geeddoo fiddiine.


Maanti at tamiit kabuuꞌdeeyki ilkerengeetti Tuurowa ka an min Kaarbu kasootabe sookhaat. Khadaabbeteeyti layuubo ikeen, kach ka la wihi uktohi hoolaat lakahaaggiche ikeen.


Geeddi goorat nah atin ikiimaatan, saggi ilkerengeetti Fiiliffi ka sina nah liikawaariche ichoow saggi ꞌdooꞌdi wewween nah ileeabaarrame a garattaan. Iꞌdaasenyi jeenteti Waakh uur nah imiigooche u, Wori Haaggane Waakh a atin icheekne chirri ꞌdooꞌdi nah ꞌdiiꞌddan jire laka.


Khadaaba eti atin isoochiiro a ani Baawulo. Timooti laka a iskhabna. Nah la a falfa Yeesso Kiriisto. ꞌDooꞌdi an khadaaba isoochiiro a ꞌdooꞌdi Waakhe ilkerengeetti Fiiliffi yaalle icho ichoow Yeesso Kiriisto ba wohoo kalday yahiin, ichoow ꞌdooꞌdi urur Kiriisto yaakhicho ichoow ꞌdooꞌdi urur Kiriisto gargaaro.


Intaas ka ꞌdooꞌdoo Kiriisto rummeeste ꞌhelle, icho la nah waheene teebatoo a leefiddiino. ꞌDeerka intaas kakahne luhlo ka ilkerengeetti Rooma nimiy.


Ibeenki kaas sooraaho ka, kahne ilkerengeetti Kaaysareya iranne, kooban kasooyegne. Intaas ka minki eti Wori Haaggan taaꞌhicho Fiilif layadeeh fiddiine. Fiilif la a etoo ꞌdooꞌdi goorat teebeenye Yeerusaleem ka lasoobahsate golol ꞌdooꞌd gise.


Intaas ka abatti ꞌhelle, teebatoo leefiddiine. Icho la miigti Rubeyti Munyee ka Baawulo hawwaasteen uus ilkerengeetti weene Yeerusaleem iran.


ꞌDeerka ilkerengeetti Miisiya dah kagoocheene ichoowka ilkerengeetti Tuurowa ikhubteen.


Inkoo Baawulo fooltabcho arge ka, chirraas on tannabanne, anki Makedooniya miinsanne. Wihi nah goonne Waakh a nah wahe, ꞌdee icho Wori Haaggan icheekna.


Icho la kooban ka orey isohteene, ilkerengeetti Tuurowa ka nah sugeen.


Baawulo la usuhi kooban ka ilkerengeetti Efeesso ikuto iche gooche. Usuhi ibeennetoo boroofenhi Aassiya fiddiyo ma ꞌdoonin. A mehe usuhi dowwa ilkerengeetti weene Yeerusaleem chirri iche tateeh ibeenki daawti Beentekos ka eleelo ꞌdoona.


Swiv nou:

Piblisite


Piblisite