Hilassi Ergaano 20:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ ꞌDooꞌdi usu walhiche a inam Birroki ili Beeroya, Soobarro layadeeh ichoow Aristaarkos ichoow Sekundohi ilkerengeetti ꞌDessaloonika ichoow Gaayohi ili Deerbe. ꞌDooꞌdi ili Aassiya Baawulo walhiche la a Tuuchiko ichoow Turofiimo. Timooti laka Baawulo a walhiche.

Hilassi Ergaano 20:4 Referans Kwoze

Hilassi Ergaano 19:29

Chirraas on riirit ilkerengeet tuumman kataaꞌhe. Urur Gaayo ichoow Aristaarkoshi Baawulo walhicho ili Makedooniya ka sooraahe khabte. Leeoryeene, inti lakagirꞌdaamo geecheen.

2 Timooti 4:20

Eraasta ilkerengeetti Koriinto kaꞌhade, Turofiimo la jeenteti us ikhannanyahuu ilkerengeetti Mileeto kasootabe.

Efeesso 6:21

Tuuchikohi koo Kiriisteenye an weyti ꞌdoono, toro hili Kamur ka falfeenye lakakhuufo, woreey tuumman a atin isoocheeka, ꞌdee saggi an ijiro ichoow wihi an yeelo abattaan.

Tiito 3:12

Uus an Arteema ommos Tuuchiko kisooergo, dowwa ilkerengeetti Nikaboolis ka iamiit. Iꞌdi tahe ꞌdee maanti hayohi roffo yitaaheen, ilkerengeettaase anihi fiddiyo gooche.

2 Timooti 4:12

Tuuchiko la ilkerengeetti Efeesso a ierge.

Kolossaay 4:7

Tuuchiko woreey tuumman a atin siicha. Us a eteenki koo Kiriisteenye inno weyti ꞌdoonno, hili Kamur ka lakakhuufo toro la a ilbooyi wahalheenyee.

Hilassi Ergaano 21:29

Wihi icho iꞌdaas kayidaaheen la a jeenteti icho Turofiimohi Yaꞌhuud ieheynane ilkerengeetti Efeesso kayimiyye ilkerengeet goyaka Baawulo rarraaho iargeen. Kol Baawulo usu sookhaate uranti minki Waakhe buure keene koogyahiin.

Hilassi Ergaano 16:1

Baawulo ichoow Siila koloo ilkerengeetti Deerbe tabeene, saahka ilkerengeetti Luussira irteen. Etoo abatti Kiriisteenye Timooti layadeehe abartiis Kiriisto rummeysatte la intaas a kajire. Abartiis a inanti Yaꞌhuude, iꞌdaasenyi aabbahiis a yaaftoo Yaꞌhuud ieheynan.

Hilassi Ergaano 14:6

Iꞌdaasenyi Baawulo ichoow Barnaba yeedaas kaseene ilkerengeetti Deerbe ichoow ti Luussira distriighi Lukahooniya kajirto ichoow ili tuummane isoodow ifirdeen.

Kolossaay 4:10

Aristaarkohi jeela ikaleejiro laka a atin soobariitiche. Markohi Barnaba abaayyahiis yahe laka a atin soobariitiche. Amuri usu miinsan a ꞌhesseene, chiꞌ Marko atin iyimiy, mujjum martiisda.

3 Yoohana 1:1

Khadaaba eti soochiiro a anihi ewweenenye urur Kiriisto woyo. Eti an isoochiiro a ati, Gaayohi aaleeyenye an weyti rum ka ꞌdoono.

Fiilemon 1:24

Toro la Marko ichoow Aristaarko ichoow Deema ichoow Luuka laka a kisoobariiticheen. Icho a ꞌdooꞌdi hil Kiriisto ikaleejiro.

2 Timooti 1:2

Eti an isoochiiro la a ati Timooti. At la a iꞌdi weeleeyki an weyti ꞌdoono. Waakkhi Aabbaheene ichoow Yeesso Kiriistohi Kamureene ba kimaalaane, uur kisoonugleestaane, toro la nebey kaakaalaan.

1 Timooti 1:1

Eti khadaaba kisoochiiro a ani Baawulohi ergaano Yeesso Kiriistee. Ani la Waakkheenki ꞌDoorribeheene ichoow Yeesso Kiriistohi inno khajjeello iche amuricho ka ergaano ikayeele.

Fiiliffi 2:19

Chirri Yeessohi Kamure ꞌdoono, wihi an khajjeelo a Timootihi maanassa dow an atin isooergo, ꞌdee chirri an woriin abde ka uur imiigoocha.

2 Koriinto 1:19

A mehe Yeesso Kiriistohi Weeli Waakhenye ani ichoow Silfaano ichoow Timooti woriis atin icheekne, koloo kalday laka, “Aa,” ichoow, “Mele,” ma isleeyadeeh. Iꞌdaasenyi usu ka a, “Aa,” kalday on.

2 Koriinto 1:1

Khadaaba ꞌdooꞌdi atin isoochiiro a ani, Baawulohi jeenteti Waakh isoobahsatuu ergaano Yeesso Kiriistee ichoow eteenki ullaka koo Kiriisteenye Timooti layadeeh. ꞌDooꞌdi nah khadaaba ichiirro la, a ururi Waakhe ilkerengeetti weene Koriinto kijiro, ichoow ꞌdooꞌdi Waakhe boroofenhi Akhaaya kajiro tuumman.

Rooma 16:23

Gaayohi an leefiddiye urur Kiriisto minkiis ka kulmo a atin soobariitiche. Eraastahi chilimmeti ilkerengeeteet khuccho ichoow eteenki koo Kiriisteenye Kuwaarto layadeeh a atin soobariiticheen.

Rooma 16:21

Timootihi ullaka hil Kiriisto ka iwalhicho a atin soobariitiche. Luukiyo ichoow Yaason ichoow Soosibatiro laka a atin soobariiticheen. Icho a yaaftaaya.

Hilassi Ergaano 27:2

Koobanhoo ilkerengeetti Adaramaadiya kayimiy korre. Koobanha dowwanoha ka a kahaane ꞌdee boroofenhi Aassiya ka ilkerengeetohi bey afiche kijiro tottolossata. Etoo Aristaarkos layadeehe ilkerengeetti ꞌDessaloonika kayimiy laka a nah leejire. ꞌDessaloonika la boroofenhi Makedooniya kajirta.

Hilassi Ergaano 17:1

Baawulo ichoow Siila orey isohteene, ilkerengeetohi Amfifooli ichoow Aboolloniya dah kagoocheene, ilkerengeetti ꞌDessaloonika minki weysiite Yaꞌhuud kajiro geleen.

Hilassi Ergaano 14:20

Iꞌdaasenyi inkoo abatti Baawulo kakhaaratte ka, Baawulo sookahe icho raahe ilkerengeet leegele. Saahka usu ichoow Barnaba ba ilkerengeetti Deerbe ikaheen.

Hilassi Ergaano 2:9

Bal yaafohi inno nahe yeya, yaafti Baaꞌdiya ichoow ti Meediya ichoow ti Eelam ichoow ti ili Messabotaamiya ichoow ti ili Yaꞌhuudiya ichoow ti ili Kabadookiya ichoow ti ili Boontus ichoow ti boroofenhi Aassiya,

Hilassi Ergaano 16:6

Jeenteti Rubeyti Munyee ichohi boroofenhi Aassiya Wori Haaggan kacheeko itirattuu, irteene ili Furiijiya ichoow Galaatiya dah kagoocheen.

Hilassi Ergaano 17:13

Chirri ꞌdooꞌdi Yaꞌhuude ilkerengeetti ꞌDessaloonika kajiro saggi Baawulo ilkerengeetti Beeroya ka Yeedi Waakh icheeko abte ka, yimaateene, ꞌdooꞌd ururicheene, Baawulo isootukkicheen.

Hilassi Ergaano 20:16

Baawulo la usuhi kooban ka ilkerengeetti Efeesso ikuto iche gooche. Usuhi ibeennetoo boroofenhi Aassiya fiddiyo ma ꞌdoonin. A mehe usuhi dowwa ilkerengeetti weene Yeerusaleem chirri iche tateeh ibeenki daawti Beentekos ka eleelo ꞌdoona.

Hilassi Ergaano 20:18

Chirri icho sooeleeleen ka wihi us iyidah, “Atin rubeytiin saggi an uus maanti kolooraat an boroofenhi Aassiya soogele an atin ileejire a garattaan.