Hilassi Ergaano 20:35 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁵ Walah tuumman ka saggi inno hol idowno inno ꞌdooꞌdi ꞌdaꞌddaran igargaarro a atin tuse. Anna wihi goorat Yeessohi Kamure yidah iche kasooꞌhele. Kamur mehe yidah ya, ‘Eti walah diibo weyti hamaad khaba ki khaatti ka.’ ”

Hilassi Ergaano 20:35 Referans Kwoze

Ibiraaniya 13:16

Haaggi atin ꞌdooꞌdi addan iyeessaan ichoow gargaari atin ꞌdooꞌdi addan leegisantaan la akadabina. A mehe haagga a iꞌdi soorriyoti Waakh kahamaado.

Mattaayo 10:8

ꞌDooꞌdi khakkhannan samaacha, ki tuume omoot kasookahcha, ki buꞌda sar kakhabo samaacha, ki ginnayyo dakhtaan la, ginnayyo kabahcha. An miigta iꞌdaanu atin siiche, taba waha yeela ꞌdooꞌd la walah akagutanna.

2 Koriinto 8:9

Iꞌdi tahe haaggi buurenye koo Yeesso Kiriistohi Kamureene a garattaan. Chiꞌ kamurroon tuumman kiis yahe laka, jeentetiin u miskiine yitahye, ꞌdee miskiinkiis ka kamurrowtaan.

1 'Dessaloonika 5:14

ꞌDooꞌd Kiriistokaaw, a atin hawwaassanne, ꞌdooꞌdi ollommee tootoocha. Ki roorro khabo uur miigoocha. Ki isuubaaꞌdan gargaara. ꞌDooꞌd tuumman la igarrahsada.

Rooma 15:1

Maantaka innohi kakhuufnaanki inno Waakh kakhuufno ka miige, ꞌdooꞌdi kakhuufnaanki us Waakh kakhuufo ka ꞌdabakhe igarrahsanni, a mehe wihi icho yeelaan ichoow kakhuufnaanki icho Waakh kakhuufaan ma israahaan. Toro la uus inno awteenna on ishamaadin giꞌde.

Hilassi Ergaano 20:27

Iꞌdi tahe wohoo kaldaye Waakh atinhi abattaan ꞌdoono an mujjum atin ikasoocheekin ma jiraan.

Ibiraaniya 13:3

ꞌDooꞌdi jeelayyo kijiro laka kasooꞌhela, ꞌdee aw ikhaba, iꞌdoo atin laka jeelayyohaas kaleejirtaan u. Toro la ꞌdooꞌdi sina lakawaaricho laka aw ikhaba, iꞌdoo atin laka sinataas atin lakawaarichuu.

Efeesso 4:28

Eti goorat hatto kaassohti, hatto a ꞌdiicho, hil a haaggicho, wohoo khumman a yeelo ꞌdee eti intiis gaabantahe wihi us leegismo a khabo.

Hilassi Ergaano 20:20

Maanti an ꞌdow ka ichoow minassiin ka Yeedi Waakh atin icheeke, wihi indigir atin ikhabo tuumman uureey tuumman ka a atin abche. Iꞌdaasenyi saggi an kolba minkoo igele an Yeedi Waakh atin iabche a garattaan.

2 Koriinto 12:13

Haaggi kaldaye ururre Kiriistoti addan liiyeele atin la atin liikayeelin, a huleesi chilimme an atin ikorin. Khufa ikakuta!

2 Koriinto 11:9

Maanti an atin leejire, chirri an walah waaye, et an hulees korche mele. Iꞌdi tahe ꞌdooꞌd Kiriistoki boroofenhi Makedooniya kayimiy wihi ikaankhan a isoobuuhiche. An hulees injire ma atin korinne, toro la uliba laka orey on isohda iꞌda yeela.

1 'Dessaloonika 4:11

Iꞌdi amuri nah atin ibihinnuu, tirriinsada jiroti kowdo laa jira, ebba la wihi usu miinsan on hol a kadowo, toro la ebba dahanohiis ka hil a haaggicho a isgoollicho.

2 Koriinto 11:12

Wihi toolla an yeelo toro oreye ileesohda ꞌdee ꞌdooꞌdi jiti liifuro ꞌdoono ꞌdee eylajo, hilicho ichoow keenyo ba a ekka essi luhlo goocha.

1 Koriinto 9:12

Chirri ꞌdooꞌdi addan gargaari us atin kaꞌhelo muꞌdanyahe, nah kootte incheenka ꞌdirihicho ma muꞌdan a? Iꞌdaasenyi nah wahaas nah muꞌdan ma khaatin. Nah sina tuummane igarrahsanne, ꞌdee wohoo rucchule Wora Haaggane Kiriisto miinsan jeycho ma jiraan.

Hilassi Ergaano 20:34

Saggi an dahanoheey on ka isiwoywoye, toro an dahanoheey on ka ꞌdooꞌdi an khabe laka iwoywoye, a garattaan.

Hilassi Ergaano 20:36

Chirri Baawulo yeyyeed massiche ka, icho tuumman khabaayi jilbo il kaguꞌdde Waakh wahte.

3 Yoohana 1:7

Iꞌdi tahe ꞌdooꞌda iroono Yeesso Kiriisto ibaha, ꞌdooꞌdi Waakh igaran la gargaar us kaꞌhelo mele.