Hilassi Ergaano 20:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ Saggi an dahanoheey on ka isiwoywoye, toro an dahanoheey on ka ꞌdooꞌdi an khabe laka iwoywoye, a garattaan.

Hilassi Ergaano 20:34 Referans Kwoze

Hilassi Ergaano 18:3

jeenteti us iꞌdichuu eemayyo itolo khookhaani isikayowtuu la, icho geeddoo leefiddiye toro la hil leehaaggiche.

1 Koriinto 4:12

Dahanohaanya hol isikadowna. Chirri ꞌdooꞌd nah falo laka, nah ꞌdooꞌdaas a iweysanna. Chirri sina nah loomhicho laka, a garrahsanna on.

1 'Dessaloonika 2:9

Rumanka ꞌdooꞌd Kiriistokaaw, atin hili miigenye nah haagginne a kasooꞌhessaan. Ibeen ichoow maalim ba hol a downe uus ꞌdee geedda nah Wori Haaggane Waakh atin icheekno etiinkoo kalday laka hulees korinne.

Hilassi Ergaano 19:22

Baawulo geeddi us ibeennetoo boroofenhi Aassiya fiddiyo reeroo lammeenye kiisenye usu gargaaro ili Makedooniya iergate. Reera a Timooti ichoow Eraasta.

Hilassi Ergaano 19:29

Chirraas on riirit ilkerengeet tuumman kataaꞌhe. Urur Gaayo ichoow Aristaarkoshi Baawulo walhicho ili Makedooniya ka sooraahe khabte. Leeoryeene, inti lakagirꞌdaamo geecheen.

Hilassi Ergaano 20:35

Walah tuumman ka saggi inno hol idowno inno ꞌdooꞌdi ꞌdaꞌddaran igargaarro a atin tuse. Anna wihi goorat Yeessohi Kamure yidah iche kasooꞌhele. Kamur mehe yidah ya, ‘Eti walah diibo weyti hamaad khaba ki khaatti ka.’ ”

Tiito 3:15

ꞌDooꞌd Kiriistoki inta ka ileejiro tuumman a atin soobariitiche. ꞌDooꞌdi Kiriisto kakhuufo inno ꞌdoono bariiti. Waakh ba atin tuumman atin imaala.