Hilassi Ergaano 20:33 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³³ An chilimme ichoow ꞌdahab ichoow gaaddi etoo addan ma maanjeeran.

Hilassi Ergaano 20:33 Referans Kwoze

2 Koriinto 11:9

Maanti an atin leejire, chirri an walah waaye, et an hulees korche mele. Iꞌdi tahe ꞌdooꞌd Kiriistoki boroofenhi Makedooniya kayimiy wihi ikaankhan a isoobuuhiche. An hulees injire ma atin korinne, toro la uliba laka orey on isohda iꞌda yeela.

1 Koriinto 9:12

Chirri ꞌdooꞌdi addan gargaari us atin kaꞌhelo muꞌdanyahe, nah kootte incheenka ꞌdirihicho ma muꞌdan a? Iꞌdaasenyi nah wahaas nah muꞌdan ma khaatin. Nah sina tuummane igarrahsanne, ꞌdee wohoo rucchule Wora Haaggane Kiriisto miinsan jeycho ma jiraan.

1 Koriinto 9:18

ꞌDeerka kalaꞌddeey a mehe? Kalaꞌddeey talla, Wora Haaggane an cheeko et iguto mele, toro la wihi imuꞌdan ka, an wohoo rucchul laka ma khaato.

2 Koriinto 7:2

Saggi atin nah iꞌdoontaan nah tusa giꞌde. Nah et nah ikhufne mele ommos et nah jiti us Waakh kakhuufo ka baabiinne mele ommos et nah kakharaawne mele.

1 'Dessaloonika 2:5

A mehe saggi atin igarattaan u, nah injire fool ma atin haagginne, ommos jeenteti ꞌdamaam u ma atin ekkeysan. Waakh la garteenyo a laaba.

1 Koriinto 9:15

Iꞌdaasenyi an injire waha imuꞌdan golol ma kayowan. Toolla la khadaaba mee soochiiro ꞌdee golol isiissaan. Anihi Wori Haaggane an iꞌdaanu cheeko an keeylajo liikakhaato ka, anihi amuute deefta!

1 Beetero 5:2

Ururi Waakhe iꞌdi woyhi Waakhenye dahantiin lagesse ersinkicho ateeha, yaakhicha. Uus wohoo atin liihosso eheynane, iꞌdaasenyi wihi atin kasoouummame a eheetti. Jeenteti ꞌdamaanki lakhaanyee la menye, jeenteti atin weyti Waakh ikafalin ꞌdoontaan a eheetti giꞌde.

1 Koriinto 9:4

Hili nah kijirro ka, nah golol ma muꞌdan a?

2 Koriinto 11:7

Chirri an isnuglaache ꞌdee atin laweynaacho jeenteti an Wori Haaggane Waakh iꞌdaanu icheekuu, an uskeeloo a yeele?

3 Yoohana 1:7

Iꞌdi tahe ꞌdooꞌda iroono Yeesso Kiriisto ibaha, ꞌdooꞌdi Waakh igaran la gargaar us kaꞌhelo mele.