Hilassi Ergaano 20:31 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³¹ ꞌDooꞌdi iꞌdaase yuubsada. Toollaka saggi an guꞌh seyyah tuumman bolokh ka an ebba ibeen ichoow maalim ba iwaaniche kasooꞌhela.

Hilassi Ergaano 20:31 Referans Kwoze

Hilassi Ergaano 20:19

Makhaaballeti Yaꞌhuud kajmeti suujenye igelisse, eheetteey laka, an a isnuglaache toro oytim ka Kamur ihile.

Hilassi Ergaano 19:10

Guꞌh lamma tuumman ba saggaas on isohte ichoowka ꞌdooꞌdi boroofenhi Aassiya kajiro tuumman ki Yaꞌhuud ichoow ki Yaꞌhuud ieheynan ba Yeedi Kamur daage.

Hilassi Ergaano 19:8

Baawulo minki weysiite Yaꞌhuud gele, intaas ka hay seyyah roorro laan icho hawwaaste, wori dakhi Waakh miinsane isoojijjiitaa.

Ibiraaniya 13:17

Weynaantiin wihi iche atin idowto daaga, antohicho la akutina. Iꞌdi tahe ꞌdooꞌda jeenteti us atin iyaakhicho u, koloo kalday laka ma naso. Icho la hila berri saggi icho ihaaggicheene, Waakh worsata. Chaꞌatin wihi icho atin idowaan raahtaan, hilicho hamaade kahaaggichaan. Iꞌdaasenyi chaꞌatin idaagin la, hil a leemiigoossaane, waha la indigir icho atin ibahaan mele.

Kolossaay 1:28

Nah wori Kiriisto miinsane cheekna, ebba la kharateenyo tuumman ka tootoonna, walah abinna, ꞌdee ichohi icho ichoow Kiriisto wohoo kalday yitahye iiꞌdowe Waakh ikeenna.

2 Timooti 4:5

Iꞌdaasenyi at tabe walah tuumman ka isjeyiche, sinabaaw kisoobahte ka la garrahso. Hili eti Wori Haaggan taaꞌhicho haaggiche, hili Waakh kikorche tuumman buuhi.

Luuka 21:36

Kol dakkhan isyaakhicha. Weesda la ꞌdee Waakh waha tuummane dowwanoha ka sooyateeh a atin kakhaduudicho, miigti atin Ínam Aadam ortiis katolossattaan a atin siicho.”

Mattaayo 13:25

Iꞌdaasenyi ibeenkoo ka geeddi enenyet tuumman urꞌdo, chiiytaankiiskoo yimiyye ilmohi haraameet, gosaas ꞌdargaayye goya kachibe, katabe.

Bakkaahit 16:15

Yeessohi Kamure wihi us essi kallaayo, “Nabah suda! An saggi eti walah hato iamiit. Eti iurꞌdine, gaaddiis marte, ꞌdee murukh isohanne, lakhaanyotiis ꞌdow liikasoobihin a liimaala.”

2 'Dessaloonika 3:8

Ommos et iꞌdaanu nah goolliche mele, maalim ichoow ibeen ba hile haaggine, hol downe, saggoo ꞌdee nah etiinkoo kalday laka huleesoo addan ikorin yeelle.

1 'Dessaloonika 5:14

ꞌDooꞌd Kiriistokaaw, a atin hawwaassanne, ꞌdooꞌdi ollommee tootoocha. Ki roorro khabo uur miigoocha. Ki isuubaaꞌdan gargaara. ꞌDooꞌd tuumman la igarrahsada.

1 Koriinto 4:14

An khadaaba an soochiire ka, lakhaanyoti an atin kadowo menye, iꞌdi nyaakhuteeyki an weyti ꞌdoonuu, a atin tootoocha.

Hilassi Ergaano 24:17

“Inkoo an guꞌhassoo tuumman khar kijire ka ilkerengeetti weene Yeerusaleem isoonokhde, yaafteeyti Yaꞌhuude miskiine chilimme ikeene, sadakha laka bahche.

Hilassi Ergaano 20:11

Baawulo ꞌdeerka toro minki saraat ikore, makaate isleeyumheen. Inkoo us icho leeyyeede ichoowka orrahe sookorte ka, katabe.

Hilassi Ergaano 20:7

Ibeenki oraate teebataas ka isinimiy, ꞌdee gololi Kamure isleenahame, toro omoot Yeesso kasooꞌhellaa. Baawulo ꞌdooꞌd Yeedi Waakh icheeke ichoowka ibeen ekka seley kagowe, iꞌdi tahe usuhi ibeenki kaas sooraaho kaho ꞌdoonaa.

Mattaayo 3:7

Iꞌdaasenyi Yoohana maanti us rabitti Farissaayo ichoow ti Sadukaayo ittaawenye iche laka baattissiyo timiy arge ka, wihi us iyidah, “Dessi toof! Ayyo atin tootooche ꞌdee holi Waakh dowwanoha ka keeno kafiriddaan?

Fiiliffi 3:18

A mehe iꞌdi an orey kolassi ittaawe atin isoocheekuu, toolla toro oytim ka a atin isoocheekaa, ꞌdooꞌdi ittaawe jiroti icho jiraan ka a chiiyti massalaaba ichoow omoot Kiriisto.

2 'Dessaloonika 2:5

Maanti an atin leejire, an waha a atin isoocheeke. Ma kasooꞌhessaan a?