Hilassi Ergaano 20:29 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁹ A garda, chirri an atin katabe, ꞌdooꞌdi yeedi beenaat ꞌdooꞌd abcho iꞌdi yaayti weyti oore u goytiinna soogela, woy bakkicha.

Hilassi Ergaano 20:29 Referans Kwoze

Mattaayo 7:15

“Taba ꞌdooꞌdi ꞌdooꞌdi Waákh íyeyyeedo iskaayyeelo yuubsada, iꞌdi tahe icho uummanki iiyyaate atin ikayamiitiine, ugoka uurassicho ka a yaayti weyti sussuuje.

2 Beetero 2:1

Yaafohi Issiraayel goyaka la, ꞌdooꞌdi beenaate ꞌdooꞌdi Waakh iyeyyeedee a jire. Saggaas on u ꞌdooꞌdi ꞌdooꞌdi Waákh íyeyyeedo iskaayyeelo laka goytiin a soogela dagsi ka yeedassi beenaate jit Kiriisto enenyet buucho enenyet abcha. ꞌDooꞌda la Kamuri gatte laka a ꞌdiiꞌda, baabakki Waakh baabiicho dowwa on isikeenaan.

Hilassi Ergaano 20:28

Rubeyti Munyee iꞌdi ersimohi hoolaate atin kayeesse. Hoolaha la a ꞌdooꞌdi Waakh. Maantaka isyaakhicha toro la hoolahi Rubeyti Munyee dahantiin gelisse tuumman yaakhicha. Ururi Waakhe goorat Yeesso diiggiis ka Waakh igate, yaakhicha toro toorriba giꞌde.

Yoohana 10:12

Eti lakireeste, iiy yaakhime igaranne iiye la tiis ieheynan, chuꞌus yaay arge, iiy a kataba, firda. Yaaye ꞌdeerka iiy goyaka koo tagiise, iiyti addan la seley baabaata.

Luuka 10:3

Nyaama! An saggi makhassi iiyyaate yaay goya liifahe, iche atin ierga.

Mattaayo 10:16

“An iꞌdi iiyti yaay goya liifahe iche atin ierga. Maantaka iꞌdi toof u yuubsada, toro la iꞌdi kutukuurrug u iꞌdi ꞌdooꞌdi eloo rucchul laka ikhabin ateeha.

Luuka 12:32

“Chaꞌatin iꞌdi woyhoo adi rucchul tahiin laka, roorro akhabina. Iꞌdi tahe wihi Aabbahiin gooche, us hamaad ka dakhiis a atin siicha.

Yoohana 21:15

Inkoo icho golossateen ka, Yeesso wihi us Siimonhi Beetero layadeeh iyidah, “Siimon, ínam Yoohana, at geeddi abattita addan iꞌdoonto, ꞌdirihiche weyti a iꞌdoonta?” Ulla, “Aa, Kamur, ati rubeytaah saggi an kiꞌdoono a garatta,” iyidah. Yeesso la wihi us iyidah, “ꞌDooꞌdeeyki iꞌdi makhassi iiyyaate goolli giꞌde.”

1 Beetero 5:2

Ururi Waakhe iꞌdi woyhi Waakhenye dahantiin lagesse ersinkicho ateeha, yaakhicha. Uus wohoo atin liihosso eheynane, iꞌdaasenyi wihi atin kasoouummame a eheetti. Jeenteti ꞌdamaanki lakhaanyee la menye, jeenteti atin weyti Waakh ikafalin ꞌdoontaan a eheetti giꞌde.

Yuuda 1:18

Wihi iche atin itidah kallaayo, “Ibeenneti ꞌdaꞌddaboot ꞌdooꞌdi ꞌdooꞌdi addan kachaarti, wahanyeyyohi wihi Waakh ieheynane uurassicho imoonaan on yeelo a soobaha.”