Hilassi Ergaano 20:28 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁸ Rubeyti Munyee iꞌdi ersimohi hoolaate atin kayeesse. Hoolaha la a ꞌdooꞌdi Waakh. Maantaka isyaakhicha toro la hoolahi Rubeyti Munyee dahantiin gelisse tuumman yaakhicha. Ururi Waakhe goorat Yeesso diiggiis ka Waakh igate, yaakhicha toro toorriba giꞌde.

Hilassi Ergaano 20:28 Referans Kwoze

1 Timooti 4:16

Kol dakkhan jirotaah ichoow wihi at ꞌdooꞌd abisso yaakhiche, weyti la goya yey. Chaꞌat waha yeesso, a isribta ꞌdooꞌdi kidagansati laka ribta.

1 Timooti 3:2

Wihi Waakh gooche, eti urur Kiriisto yaakhicho a eti eloo rucchul laka liikacheekanne, makhaabassoo kalday on khabo, wihi us yeelo tuumman ka isjeycho, inkaanyit khabo, goobiis ka ꞌdooꞌd martiisti, ꞌdooꞌd Kiriisto walah abin yabuuꞌd.

Hilassi Ergaano 13:2

Geedda icho Kamur wahtaane icho af hiitaan, Rubeyti Munyee wihi iche itidah, “Barnaba ichoow Saawulo ba hili an icho iwahe isoobahcha.”

Ibiraaniya 13:17

Weynaantiin wihi iche atin idowto daaga, antohicho la akutina. Iꞌdi tahe ꞌdooꞌda jeenteti us atin iyaakhicho u, koloo kalday laka ma naso. Icho la hila berri saggi icho ihaaggicheene, Waakh worsata. Chaꞌatin wihi icho atin idowaan raahtaan, hilicho hamaade kahaaggichaan. Iꞌdaasenyi chaꞌatin idaagin la, hil a leemiigoossaane, waha la indigir icho atin ibahaan mele.

1 Timooti 5:17

Ewweenki urur Kiriisto woyo urur mujjum dakhti a imasse chiꞌ liinkaanyito kalaꞌd laguto, kach ka la ewweenki Yeedi Waakh cheeko enenyet walah abcho wahaas a liiyeelo.

1 Koriinto 10:32

Fiddihi atin fiddiitaan uus etoo kalday laka tarraantarrin, ꞌdooꞌdi Yaꞌhuud ommos ki Yaꞌhuud ieheynan ommos ururi Waakh eheetteey ka ba.

Fiiliffi 1:1

Khadaaba eti atin isoochiiro a ani Baawulo. Timooti laka a iskhabna. Nah la a falfa Yeesso Kiriisto. ꞌDooꞌdi an khadaaba isoochiiro a ꞌdooꞌdi Waakhe ilkerengeetti Fiiliffi yaalle icho ichoow Yeesso Kiriisto ba wohoo kalday yahiin, ichoow ꞌdooꞌdi urur Kiriisto yaakhicho ichoow ꞌdooꞌdi urur Kiriisto gargaaro.

Efeesso 1:7

Inno ichoow Kiriisto a wohoo kaldaye, diiggiis ka a inno gatte inno soofure, toro la Waakh uskeeleen a inno ikakute. Wahaas ichoow haaggaas Waakhe buurenye inno imunneynane us inno tuste a israahaan.

Luuka 12:32

“Chaꞌatin iꞌdi woyhoo adi rucchul tahiin laka, roorro akhabina. Iꞌdi tahe wihi Aabbahiin gooche, us hamaad ka dakhiis a atin siicha.

1 Timooti 3:5

Iꞌdi tahe eti goobiis dakh igaran, saggoh urur Kiriisto idakhta?

Bakkaahit 5:9

Icho la geeyoo husub doween, “Ati muꞌdane khadaabaas khaatta, hanjayyohaas bukkhissa. Iꞌdi tahe goorat a lakisoorriyooche, diiggaah ka la weeli enenyete yaafo tuummane ichoow afaf tuummane ichoow filal tuummane ichoow ilal tuummamba Waakh a igatte.

1 Timooti 4:14

Siintaahti maanti ewweenki urur Kiriisto woyo dahano kikorche wori Waakhe lakaayyeedo at kaꞌhesse akadabin.

Efeesso 1:14

Rubeyta Munyee la a ayyinti Waakhe wihi inno muꞌdannahe tusso. Waha la a maanti Waakh innohi ꞌdooꞌdiisenye toro hoolahiise ribnaanki ꞌdaꞌddaboot inno ribo. Waakh koolinno jeenteti weynaantiis u.

Galaatiya 1:13

Maanti an hugummeti Yaꞌhuud raahe, saggi an ijire a daagteen. An ururi Waakh sina omhiche toro baabiin ꞌdoone.

Hilassi Ergaano 20:29

A garda, chirri an atin katabe, ꞌdooꞌdi yeedi beenaat ꞌdooꞌd abcho iꞌdi yaayti weyti oore u goytiinna soogela, woy bakkicha.

Hilassi Ergaano 20:17

Baawulo la ilkerengeetti Mileeto ka ewweenki urur Kiriistoki ilkerengeetti Efeesso woyo farniin iꞌdiiche, ꞌdee or a kasoodoween.

Hilassi Ergaano 14:23

Baawulo ichoow Barnaba urur Kiriisto ewweenkoo woyo isoobahcheene, ꞌdooꞌdi Kiriisto rummeeste iweynaacheen. Af hiiteene ꞌdooꞌdaas Kamuri icho kakhuufaan iwaheene, dahantiis gesseen.

1 Beetero 2:25

Iꞌdi tahe atin iꞌdi iiyti baabaa kijirto eheet. Iꞌdaasenyi toolla Ersinki rubeyohiin yaakhicho a isoonokhatteen.

1 Beetero 2:9

Iꞌdaasenyi atin a ꞌdooꞌdi Waakh soobahsate, a kuhaaniyyohi karnat, a yaafti munyee, a ꞌdooꞌdi Waakhe Waakkhi mugꞌdi goya kasoobahche banayhiiski haaggan goya soogesse wihi weyti haaggane us yeele cheeko.

Kolossaay 4:17

Arkiiba la wihi atin itadeehiin, “Tabe hili Kamur dahantaah soogesse, rumanka massi.”

Efeesso 4:11

Usu ꞌdooꞌd gaasoo ergaano kayeele, gaasoo laka ꞌdooꞌdi Waákh íyeyyeedo kayeele, gaasoo laka ꞌdooꞌdi Wori Haaggan taaꞌhicho kayeele, gaasoo la ꞌdooꞌdi urur Kiriisto yaakhicho toro la Yeedi Waakh abcho kayeele.

1 Koriinto 15:9

Ergaano tuumman goyaka ani ꞌdaran. Jeenteti an ururi Waakh weyti sina iomhichuu, anihi kootte ergaano liiyadeeh laka ma imalin.

1 Koriinto 1:2

ꞌDooꞌdi nah khadaaba isoochiirro la, a ururi Waakhe ilkerengeetti weene Koriinto kijiro. Atin a ꞌdooꞌdi Waakh rubeytiis wahe munyaache, atin ichoow Yeesso Kiriisto ba wohoo kalday atin kayeele. Toro la eti tuummane harrata ka Yeesso Kiriistohi Kamureenenye toro la icho laka Kamurichee wahti iche ichiirra.

Luuka 21:34

“Weyti isyuubsada uus meleefu ichoow wahanyeyyohi sussuujenye ꞌdooꞌdi meleefee yeelo ichoow waꞌdwaaꞌdi jirota uurassiin miigoonne ꞌdee ibeenkaas iꞌdi angey u doglaan atin geline.

1 Yoohana 1:7

Iꞌdaasenyi chirri inno banay goya kaassohanni saggi us banay goya ikajiruu, inno tuumman kulankoo kaldaye khabna, diig Yeessohi Weeli Waakhe la uskeeleen tuumman a inno kadikha.

Ibiraaniya 12:15

Taba aw isikhaba, uus ꞌdee etiinkoo kalday laka haaggi Waakhe buurenye us atin tuste waayine. Uus etiinkoo kalday laka iꞌdi hiiyyi hadaado khabo soobaho sina keeno, toro enenyet suujaacho itaahan.

Tiito 1:7

Toro la eti urur Kiriisto yaakhicho, hili Waakhe dahanohiis lagesse gone, a eti wohoo rucchul laka liikacheekan. A eti rannyaat ikhabine, holholo ieheynane, meleefu ieheynane, enenyet ijahine, jiti baabule ka chilim iyowan.

Kolossaay 1:14

Weeliis diiggiis ka a inno gatte inno soofure, uskeeleen tuumman inno ikakute.

1 Koriinto 11:22

Goobassi atin kagolossattaane toro atin biccheyyo katabhuubiine laatahiin? Ommos ururi Waakhe ꞌdarraawtaane toro ꞌdooꞌdi miskiinenye lakhaanyo kadowin ꞌdoontaan? Kamalda bal, mehe atin iidaahe? Wahaase atin kakoolicha? Koloo kalday ma atin kakoolicho!

Marko 13:9

“Atin rubeytiin laka yuubsada. Jaldaabohi Yaꞌhuude atin liidiiba, minassi weysiite Yaꞌhuud ka atin lajaha. Jeenteteey u, gaafanayyo ichoow karnatte atin liigeecha atin liicheekta, atin la garti Wori Haaggan tateehiin.

Mattaayo 16:18

Wihi an kiadeeh la at a Beetero, iꞌdi minki daddaab sartiis lakadisuu, daddaabta sarcheeda urureey tuumman kadisa. Miigti omooteet la ma kahataatto.

Mattaayo 2:6

“‘Iꞌdaasenyi atihi ilkerengeetti Beꞌdeleheemenye boroofenhi Yuuda kijirto, ilkerengeetohi addane Yuuda ma karucchul. A mehe berri karnat intane lakadela, ki ꞌdooꞌdeeyki Issiraayel yaakhicho.’”

Rooma 16:16

Taba ꞌdoonin Kiriisto iskabariiticha. Urur Kiriisto tuumman a atin soobariitiche.

1 Koriinto 6:20

A mehe Waakh wihi buurenye gute atin gatte. Maantaka ebba sartiis ka Waakh a inkaanyito.

1 Timooti 3:1

Chiꞌ etoo weyti urur Kiriisto yaakhin ꞌdoono, eta hili khummane ꞌdoona. Yeeda iꞌda yadeeh a lakakhuufa.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.