Hilassi Ergaano 20:24 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁴ Iꞌdaasenyi jiroteey walah iche ileetahe mele. Wihi ileekhumman, a anihi weyti hol dowo, hili Waakhe Yeessohi Kamure dahanoheey soogesse massicho. Hila la a Wori Haaggane an haaggi Waakhe buurenye inno imunneynan enenyet icheeko.

Hilassi Ergaano 20:24 Referans Kwoze

2 Koriinto 4:1

Maantaka jeenteti Waakh uurnugleeliis on u hila usu liihilo nah ikorchuu, rubeye ma nah jebto.

2 Koriinto 12:10

Chaꞌan indigir Kiriistuu ꞌdaranahe, ommos chirri ꞌdooꞌdoo ileeabaarramo, ommos chirri an sina ꞌhelo, ommos chiꞌ sina liiomhicho ommos walahbaaw miigenye an goya leeamiit ka laka, an a hamaada on. Iꞌdi tahe ꞌdarriteey ka, miig a khaba.

Hilassi Ergaano 21:13

Baawulo wihi us ilaabe, “A iꞌdoh iꞌduu iooytaane uur iuskulaassaan? An hiinaanki liihido kalday menye, anihi ilkerengeetti weene Yeerusaleem ka jeente Yeessohi Kamure amuut laka ma ꞌdiiꞌdo!”

1 Koriinto 15:58

Maantaka ꞌdooꞌd Kiriistoki an weyti ꞌdoono, mujjum tolossada, uus wohoo rucchul laka atin sesseehin. Kol dakkhan hili Kamur tuum haaggicha. Iꞌdi tahe saggi atin igarattaan u, hili atin Kamur ihaaggissaan ki ilmarhaatteet mee.

Rooma 11:6

ꞌDooꞌda Waakh soobahsate jeenteti icho wohoo haaggan iyeeleen menye, a jeenteti haaggi Waakhe buure on. A mehe chirri Waakh wihi enenyet yeele yeyo, kootte ꞌdeerka iꞌdaakka haaggaas kola haaggi Waakhe buure mee gon.

Hilassi Ergaano 14:3

Baawulo ichoow Barnaba ꞌdeerka intaas geeddi deer fiddiyeene, roorro laan Kamur iyeyyeedeen. Kamur la runti wori haaggi Waakhe buurenye inno imunneynane icho cheekeen tuse, ꞌdeerka miig siiche dahanohicho ka wahanyeyyohi miigti Waakh tuso ichoow girmo yeeleen.

1 Beetero 5:12

Eti ullaka koo Kiriisteenye Silfaano layadeehe, an eti weyti lakakhuufo iekkaacho, iche khadaaba ileegargaare. Wihi an gaabi ka atin ikasoochiire la uure atin miigoocha, toro a saggi wihi khadaaba kachiiran haaggi Waakhe buure rum iyahe. Haagga akanokhanna giꞌde.

Tiito 1:3

Ulla ibeenki usu rubeytiis gooche ka woriis inno tuse. Wora Haaggan la a ki Waakkhi ꞌDoorribeheene amuriis ka dahanteey soogesse, cheek iyidah.

Galaatiya 1:1

Khadaaba eti atin isoochiiro, a ani Baawulohi ergaanee. Weel enenyete hila ergaano ikorche mele, ommos weel enenyete isooergate mele. Iꞌdaasenyi Yeesso Kiriisto ichoow Waakkhi Aabbaheenenye, Yeessó omoot kasookahche ka a liisooergate.

2 Koriinto 5:8

Nah roorro ma khabno, nahi sarta nah lakabahcho iranni Kamur leefiddiino ꞌdoonna.

Hilassi Ergaano 20:32

“Toollaka dahanti Waakh ichoow wori haaggiiski buure miinsane atin gessa. Waakh wora ka atin miigoon a yabuuꞌde, toro la wihi atin muꞌdan ꞌdooꞌdi Waakh munyaache tuumman a leeꞌhessaan.

Hilassi Ergaano 11:23

Maanti us intaas sooeleele us saggi icho haaggi Waakhe buurenye icho imunneynan iꞌheleen arge ka, weyti hamaade, ulla icho uur miigoocha ꞌdee rumanka uurassicho tuumman ka Kamur raahaan.

Fiiliffi 2:17

Chirri liiyagiis laka, diiggeey a iꞌdi sadakhati soorriyotiin lakakhube, an weyti atin leehamaada, toro la hamaadeey atin leegisma. A mehe hiliin a iꞌdi soorriyoti atin Waakh ibihissaane, kakhuufnaanki atin Waakh kakhuuftaan kayamiit.

Hilassi Ergaano 9:15

Iꞌdaasenyi Kamur wihi us Anaaniya iyidah, “Nyaam iiro, iꞌdi tahe an usu a soobahsade, ꞌdee ulla yaafohi Yaꞌhuud ieheynan ichoow karnatteticho ichoow ꞌdooꞌdi Issiraayele woreey igeechaa.

Hilassi Ergaano 1:17

Us a keenyokoowe hila Waakh a nah kaleejire.”

Yoohana 17:4

Hili goorat at dahanoheey soogelisse an massiche ka, harrata ka an a kiweynaache.

Bakkaahit 12:11

ꞌDooꞌd Kiriisto diiggi Heleem ka ichoow wori rummaate icho cheekeen ka Seytaan a sooricheen. Toro la chirri icho layagiis laka, icho omoot ma karoorin.

1 Yoohana 3:16

Saggane wihi ꞌdoonine tahe igaranna. Yeesso Kiriisto jirotiis a inno isoobahche. Inno laka innohi ꞌdooꞌdeenki Kiriisto rummeeste jiroteen ibihinno laꞌdoona.

2 Timooti 1:12

Jeentetase toolla ani sina ikawaarta. Iꞌdaasenyi ma kalakhaanyeysadi. A mehe eti an rummeesde a garda. Anna waha a tissiba, miigti us wihi an dahantiis gesse us kayaakhicho ichoowka ibeenki ꞌdaꞌddaboot yateeh a khaba.

Kolossaay 1:24

Toolla sinayyohi an iroonotiin u ꞌhelo ka a hamaada, toro sarteey ka wihi sinayyo Kiriisto kaankhan indigirti sartiis u a buuhicha. Sarta la a urur Kiriisto.

Efeesso 3:13

Maantaka a atin hawwaasdee, taba chirri jeentetiin u sina itaham laka, rubey iiche atin jebin. Wahaas inkaanyite atin ikeenaan.

2 Koriinto 7:4

An weyti roorro laan atin leeyyeeda, toro la jeentetiin u a eylaja. Weyti uur liimiigooche. Sinayyohi buurenye inno khabno ka laka, hamaadeey weyti buuryahe.

Ibiraaniya 10:34

Iꞌdi tahe ꞌdooꞌdi jeelayyo kajiro a inahteen. Chirri wihi atin khabtaan tuumman atin lasare laka, atin hamaad on khabteen, jeenteti atin wihi deefo yombuu imassanne Waakh ayyiche ikhabtaan igarattaan u.

Tiito 2:11

A mehe haaggi Waakhe buurenye inno imunneynane ribnaan keeno, weeli enenyet tuumman a liisoobabbakkaahiche.

2 Timooti 4:17

Iꞌdaasenyi Kamur a ileejire, miig isiiche, ꞌdee anna farniin tuum cheeka, ꞌdee yaafohi Waakh igaran tuumman daagaan. Ulla kootiinki Rooma ka omoot a ikaribe.

Hilassi Ergaano 22:21

“Kamur la wihi us ani iyidah, ‘Nyaam, ani yaafohi Yaꞌhuud ieheynane fogaate kiergada.’ ”

1 'Dessaloonika 3:3

Iꞌdane yeella uus ꞌdee etiinkoo kalday laka, jeenteti sinayyohi kajo ka Kiriistohi us kakhuufo ka lasesseehin. Rumanka saggi atin igarattaan u, sinayyoha a wihi Waakh inno igooche.

1 'Dessaloonika 2:2

Geeddi goorat nah atin ikiimaatan, saggi ilkerengeetti Fiiliffi ka sina nah liikawaariche ichoow saggi ꞌdooꞌdi wewween nah ileeabaarrame a garattaan. Iꞌdaasenyi jeenteti Waakh uur nah imiigooche u, Wori Haaggane Waakh a atin icheekne chirri ꞌdooꞌdi nah ꞌdiiꞌddan jire laka.

Hilassi Ergaano 20:21

Wihi an ꞌdooꞌdi Yaꞌhuud ichoow ki Yaꞌhuud ieheynan icheeke a ichohi uskeel kasoonokhti ꞌdee Waakh urgiyicho toro Yeessohi Kamureene kakhuufo.

Efeesso 1:6

Maantaka Waakh koolinno jeenteti haaggiiski buurenye us inno siiche u. Weeliiski us weyti ꞌdoono ka haagga iꞌdaanu a inno siiche.

2 Timooti 3:11

sina a lakoomhiche bolokh goya tabte. At sinayyohi ilkerengeetti Antiyookhiya ichoow Ikooniyo ichoow Luussira ka liiomhiche an garrahsade a garatta. Iꞌdaasenyi Waakh sinayyohaas tuumman a ikaribe.

Rooma 4:4

Wihi inno garanni, eti hil haaggicho a laguta. Toro la wihi laguto wihi liisoomure menye, a wihi usu muꞌdan.

Yoohana 15:27

Atin laka woraaya cheektaan. A mehe uuꞌ goorat maanti an hila sookhabde, a ileejirteen.

Luuka 16:28

A mehe an walaal chane khaba. Icho a tootoocho uus ꞌdee icho laka maanti icho tuumeen inta bolokkhi uskul ꞌdooꞌd kayaham imaatane.’

Hilassi Ergaano 13:25

Chirra Yoohana hiliis soomassicho ka wihi us yidah, ‘Kamalda bal, atin ayyo ikoogtahiin? An ki atin sugtaan mee. Yeya, eti ꞌdubeey ka yamiit, an falfihi kobtiissa an jalkhicho ma muꞌdan.’

Hilassi Ergaano 15:7

Inkoo icho geeddi deer hawwoocheen ka, Beetero tolossate, wihi us iyidah, “ꞌDooꞌd Kiriistokaaw, atin saggi goorat goytiin ka Waakh isoobahsate, yaafohi Yaꞌhuud ieheynan ani Wori Haaggan ikadaagaane ꞌdee icho Kiriisto irummeestaan a garattaan.

Hilassi Ergaano 18:5

Maanti Siila ichoow Timooti ili Makedooniya kayimaateen ka, Baawulo Yeedi Waakhe us cheeko kalday miinsate, ꞌdooꞌdi Yaꞌhuud saggi Yeesso rumanka Ki Lasubhe iyahe icheeke.

Hilassi Ergaano 20:23

Wihi kaldaye an gardi, Rubeyti Munyee a itootoossa, ilkerengeetti ween tuumman ka sina ichoow hiinaan a isugaan.

Fiiliffi 2:30

Iꞌdi tahe jeenteti us Kiriisto hil ikahaaggicho on u, a umaatan leheet. Ulla jirotiis adahe gate, ꞌdee gargaari atin ani igargaarin iubaaꞌdan igargaare.

Bakkaahit 6:11

Kooba ꞌdeerka kabuuꞌdoo dakhan lasiiche, iꞌdaaru nasa ichoowka tiri ilbooyyeti wahalhicheenye toro Kiriisto rummeysatte iꞌdichuu lasoobakkicho a labuuhicho liidah.

2 Koriinto 4:12

ꞌDeerka omoote a nah maranta iꞌdaasenyi atin jiro a khabtaan.