Hilassi Ergaano 20:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Wihi kaldaye an gardi, Rubeyti Munyee a itootoossa, ilkerengeetti ween tuumman ka sina ichoow hiinaan a isugaan.

Hilassi Ergaano 20:23 Referans Kwoze

Hilassi Ergaano 9:16

Anna sinati usu latuso jeenteti us keey iyahuu iche tusa.”

1 'Dessaloonika 3:3

Iꞌdane yeella uus ꞌdee etiinkoo kalday laka, jeenteti sinayyohi kajo ka Kiriistohi us kakhuufo ka lasesseehin. Rumanka saggi atin igarattaan u, sinayyoha a wihi Waakh inno igooche.

Hilassi Ergaano 21:4

Intaas ka abatti ꞌhelle, teebatoo leefiddiine. Icho la miigti Rubeyti Munyee ka Baawulo hawwaasteen uus ilkerengeetti weene Yeerusaleem iran.

Hilassi Ergaano 21:33

Eti iskar tuumman itoollo irte Baawulo khabte, amuri biingo lamma lakahido bahche. ꞌDeerka eti us yahe ichoow wihi us yeele ꞌdooꞌd worsate.

Hilassi Ergaano 21:11

Ulla nah iyimiyye, saab Baawuloki dabar khaate, luhlohiis ichoow dahanohiis iskahide, wihi us yidah, “Rubeyti Munyee wahane elatta. ‘Eti saaba leh saggane ilkerengeetti weene Yeerusaleem ka ꞌdooꞌdi Yaꞌhuud ihida, dahanohi ꞌdooꞌdi Waakh igaran igessa.’ ”

Hilassi Ergaano 14:22

Ilkerengeetohaas ka abatti uur miigoocheene ꞌdee kakhuufnaanki icho Kiriisto kakhuufaan mujjum khucchaan. Wihi icho iyidaaheen, “Wihi massan, sinayyohi buurenye inno isoobaha dakhi Waakh kagella.”

2 Timooti 2:12

Chiꞌinno garrahsanni, usu walah a leedakhanna. Chiꞌinno usu ꞌdiiꞌdne, ullaka a inno ꞌdiiꞌda.

Hilassi Ergaano 8:29

Rubeyti Munyee la wihi iche Fiilif itidah, “Nyaame, garruhaas faraꞌde jiitto haggahiis fiddi.”

Yoohana 16:33

Waha la a atin icheeke, ꞌdee ani ka nebey ꞌhessaan. ꞌDooꞌdi harrata goyaka sina a atin taham. Iꞌdaasenyi roorro akhabina, an harrata a soorichee.”

Luuka 16:28

A mehe an walaal chane khaba. Icho a tootoocho uus ꞌdee icho laka maanti icho tuumeen inta bolokkhi uskul ꞌdooꞌd kayaham imaatane.’

Hilassi Ergaano 18:5

Maanti Siila ichoow Timooti ili Makedooniya kayimaateen ka, Baawulo Yeedi Waakhe us cheeko kalday miinsate, ꞌdooꞌdi Yaꞌhuud saggi Yeesso rumanka Ki Lasubhe iyahe icheeke.

Hilassi Ergaano 20:21

Wihi an ꞌdooꞌdi Yaꞌhuud ichoow ki Yaꞌhuud ieheynan icheeke a ichohi uskeel kasoonokhti ꞌdee Waakh urgiyicho toro Yeessohi Kamureene kakhuufo.

Hilassi Ergaano 20:24

Iꞌdaasenyi jiroteey walah iche ileetahe mele. Wihi ileekhumman, a anihi weyti hol dowo, hili Waakhe Yeessohi Kamure dahanoheey soogesse massicho. Hila la a Wori Haaggane an haaggi Waakhe buurenye inno imunneynan enenyet icheeko.

1 Timooti 4:1

Rubeyti Munyee saggi ibeenneta ꞌdaꞌddaboot ka ꞌdooꞌd gaasoo Kiriistohi us kakhuufo ikatabo a cheekta. Toro ꞌdooꞌdi rubeyohoo woyaane enenyet ekkeesti iche yeedicho raahaane toro la wihi ginnayyo enenyet abchaan laka raahaan.