Hilassi Ergaano 20:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² “Toolla la Rubeyti Munyee iche ilkerengeetti weene Yeerusaleem iwoyta, wihi intaas ka iyateeh la ma gardi.

Hilassi Ergaano 20:22 Referans Kwoze

Yaakoobo 4:14

Ya? Wihi saahta yateeh laka ma garattaan! Jirotiin a mehe? Atin a iꞌdi ꞌduubathi geeddoo rucchul on laargo, toro baabo.

2 Koriinto 5:14

Saggi Yeesso Kiriisto meessi enenyet tuumman ikayumuy a tissibna. Jeentetuu ꞌdoonin Kiriisto inno dakhatta. Inno tuumman a iꞌdoo inno tuunne, jiroti oraat ma inno dakhatti.

2 Beetero 1:14

A mehe a garda omootteey a soodowwaatte, saggi Yeesso Kiriistohi Kamureene itusuu.

Hilassi Ergaano 20:16

Baawulo la usuhi kooban ka ilkerengeetti Efeesso ikuto iche gooche. Usuhi ibeennetoo boroofenhi Aassiya fiddiyo ma ꞌdoonin. A mehe usuhi dowwa ilkerengeetti weene Yeerusaleem chirri iche tateeh ibeenki daawti Beentekos ka eleelo ꞌdoona.

Hilassi Ergaano 19:21

Inkoo waha tuumman yitaaheen, Baawulo Rubeyti Munyee woytaayi wihi us gooche, chirri us ilkerengeetti weene Yeerusaleem irti, ili Makedooniya ichoow ki Akhaaya dah kagoocha. Wihi us yidah, “Inkoo an intaas irde, ilkerengeetti weene Rooma laka a sooarga.”

Hilassi Ergaano 17:16

Baawulo la ilkerengeetti Aaꞌden ka Siila ichoow Timooti sugaayi, weyti uur suujowe jeenteti ilkerengeettaas iyookkoyyohi waakkhakh lakayeessi ibuuhaan u.

Yoohana 18:4

Yeesso wihi tuummane usu rubeytiis iyateeh a garta gone, orcho yimiyye wihi us worsate, “Ayyo yowattaan?”

Yoohana 13:1

Geeddi ibeenki daawti Baasakka iitaahan, Yeesso saggi ibeenki us harrata katabo, us Aabbahiis iirti kola iyitah garte. Yeesso la ichoowka maanti jirotiisti harrata soomassatti laka, ꞌdooꞌdiis a ꞌdoone.

Luuka 12:50

Iꞌdaasenyi koloo sina liikawaaricha, amuut. Anna jeenteti wahaas u a bolkha ichoowka wahaas kutaan.

Luuka 9:51

Inkoo ibeenki Yeesso goobi Waakh lageecho soodowwaate ka, Yeesso saggi us ilkerengeetti weene Yeerusaleem iirti gooche, kahe irte.