Hilassi Ergaano 20:20 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁰ Maanti an ꞌdow ka ichoow minassiin ka Yeedi Waakh atin icheeke, wihi indigir atin ikhabo tuumman uureey tuumman ka a atin abche. Iꞌdaasenyi saggi an kolba minkoo igele an Yeedi Waakh atin iabche a garattaan.

Hilassi Ergaano 20:20 Referans Kwoze

Hilassi Ergaano 20:27

Iꞌdi tahe wohoo kaldaye Waakh atinhi abattaan ꞌdoono an mujjum atin ikasoocheekin ma jiraan.

2 Timooti 4:2

Tab giꞌde tannabo Yeedi Waakh kolal dakkhan ꞌdooꞌd icheek. ꞌDooꞌd saggi us uskeel iyeele icheeke, leejaakh, toro uur miigooy. Geeddi at waha yeesso la weyti samacchaare, mujjum la enenyet walah abi.

Hilassi Ergaano 5:42

Maan dakkhan uranti minki Waakhe buure ka ichoow minan ka Wori Haaggane saggi Yeesso rumanka Ki Lasubhe iyahe iche enenyet abisso toro cheekto ma ꞌdiin.

Kolossaay 1:28

Nah wori Kiriisto miinsane cheekna, ebba la kharateenyo tuumman ka tootoonna, walah abinna, ꞌdee ichohi icho ichoow Kiriisto wohoo kalday yitahye iiꞌdowe Waakh ikeenna.

Hilassi Ergaano 20:31

ꞌDooꞌdi iꞌdaase yuubsada. Toollaka saggi an guꞌh seyyah tuumman bolokh ka an ebba ibeen ichoow maalim ba iwaaniche kasooꞌhela.

1 Koriinto 15:3

Iꞌdi tahe an wihi weyti khummane an ꞌhele iche atin isookucche. Kiriisto jeenteti uskeeleenna iyumuy saggi Chiirnaanneti Waakh liikachiiruu.

1 Koriinto 14:6

Toolla ꞌdooꞌd Kiriistokaaw saggoh atin igargaaro chirri an amiite, an afi Rubeyti Munyee kaayyeedo? Sag ba! Sammata an wihi Waakh isoobabbakkaahiche ommos runti an gardi ommos farniinki eti Waákh íyeyyeedo an atin ikasoochekin, ommos an walah atin iabin, an walah an atin kagargaaro mele gon.

1 Koriinto 12:7

Iꞌdaasenyi Waakh ebba jitoo yeerenye Rubeyti Munyee goyteen kafiddiito lakaargo a siiche, waha la a indigirti ꞌdooꞌd Kiriisto tuumman on.

Hilassi Ergaano 2:46

Orrahti sookorto tuumman, uranti minki Waakhe buurenye isikayamiitiine Waakh wahtaan. Toro goobassicho ka, uuri haaggan ka isleegolossataane, hamaadaane,

Marko 4:34

Enenyet mammah on menye, wohoo addan walah ma kaabin. Iꞌdaasenyi maanti icho keley yahiin, abattitiis mammahohaas wihi icho yahiin a icheeke.

Fiiliffi 3:1

ꞌDooꞌd Kiriistokaaw, wihi ꞌdaꞌddaboot, atin ichoow Kamur ba a wohoo kalday gone, taba weyti hamaada. Wihi goorat an atin icheeke iche toro atin isoochiira, iꞌdaasenyi ma ikurmichaane toro la a atin toorribaan.

Hilassi Ergaano 5:2

Chilimme gaasoo laabte, iꞌdaasenyi wihi addan ergaano ikeene. Arantiis laka a leeogtahe.