Hilassi Ergaano 20:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Makhaaballeti Yaꞌhuud kajmeti suujenye igelisse, eheetteey laka, an a isnuglaache toro oytim ka Kamur ihile.

Hilassi Ergaano 20:19 Referans Kwoze

Kolossaay 3:24

A mehe saggi atin igarattaan u, Kamur wihi atin muꞌdan iꞌdi kalaꞌdeet u a atin guta. Kiriistohi Kamure ihila.

2 Koriinto 2:4

Maanti an khadaabaas atin isoochiire, a bolkhe, weyti mal igele toro la ilmohi buure khube. Atin bolkhin mee ꞌdoono, ꞌdooninti buurenye an atin ikhabo, iche atinhi garattaan ꞌdoona.

Rooma 12:11

Hiliin ka ꞌdooꞌdi seyꞌhooti iitaahana. Rubeyohiin ka hili Kamur tuum gela.

Hilassi Ergaano 20:3

ilkerengeetti weene Koriinto hay seyyah fiddiye. Ulla kooban ka ili Siiriya ikahin leheet. Iꞌdaasenyi jeenteti ꞌdooꞌdi Yaꞌhuud mal igooche ꞌdee khaban iꞌdoonuu, saggi us ili Makedooniya itabo us inokhti gooche.

2 Koriinto 7:5

A mehe maanti nah boroofenhi Makedooniya nimiy sarteenyo ma nasin. Iꞌdaasenyi ꞌdolloheenyo tuumman sina kijirte. Khareenyo jaakhe kijire goyteenyo la roorro kijirte.

Yaakoobo 1:2

ꞌDooꞌd Kiriistokaaw, maambaaw sinayyohi khar kayamiit atin isoobahaan weyti hamaad iekkaacha.

Fiiliffi 3:18

A mehe iꞌdi an orey kolassi ittaawe atin isoocheekuu, toolla toro oytim ka a atin isoocheekaa, ꞌdooꞌdi ittaawe jiroti icho jiraan ka a chiiyti massalaaba ichoow omoot Kiriisto.

Efeesso 6:7

Hili atin haaggissaan la, hamaad ka haaggicha, saggoo atin weeli enenyet ihissaan menye, saggoo atin Kamur ikahissaan iyeela.

Galaatiya 1:10

An weeli enenyete kahamaadin ꞌdoona? Mele! An Waakhe kahamaadin ꞌdoona. Chaꞌan uliba enenyet kahamaadin ꞌdoono, an toolla bowꞌda Kiriisto mee.

2 Koriinto 3:5

Nah awteenyuu walah nah nabuuꞌd mele, iꞌdaasenyi wihi nah yeelin nabuuꞌd Waakh on kayamiitiin.

Hilassi Ergaano 20:31

ꞌDooꞌdi iꞌdaase yuubsada. Toollaka saggi an guꞌh seyyah tuumman bolokh ka an ebba ibeen ichoow maalim ba iwaaniche kasooꞌhela.

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

1 Beetero 1:6

Wahaas tuumman ka weyti hamaada on. Iꞌdaasenyi toolla geeddoor sinayyohi fil ittaawenye bolokh atin ikeeno kolossoo a atin kawaaraan.

1 'Dessaloonika 1:9

Iꞌdi tahe icho rubeycho saggi atin goorat nah imartisatteen ichoow saggi atin iyookkoyyohi beenaate Waakh lakayeessi atin orey wahatteen ikasoonokhatteene, ꞌdee atin Waakkhi jiro toro rummaat ikafassaan a cheekaan.

Rooma 1:9

Waakkhi an uureey tuumman ka ifalo, an Wori Haaggane Weeliis miinsan an cheeko, garti saggi an ayti rummaat ieldi koli an weesdi tuumman an koloo kalday laka atin ikadabin a laaba.

Rooma 1:1

Khadaaba eti atin isoochiiro a ani, Baawulohi ilbooy Yeesso Kiriisteenye, toro la ergaanoti Waakh soobahsate, ꞌdee Woriiski Haaggan cheekto.

Hilassi Ergaano 27:23

Ibeenkate Waakkhi an kiis ahe toro an ihilo hertiistoo garabaaya tolossatte,

Hilassi Ergaano 17:13

Chirri ꞌdooꞌdi Yaꞌhuude ilkerengeetti ꞌDessaloonika kajiro saggi Baawulo ilkerengeetti Beeroya ka Yeedi Waakh icheeko abte ka, yimaateene, ꞌdooꞌd ururicheene, Baawulo isootukkicheen.

Yoohana 12:26

Eti tuummane falfateey itaahan ꞌdoono, ani isooraaha. Meelbaaw an irdi ka ileejira. Aabbaheey la eti tuummane hileey haaggicho, usú a weynaacha.

Luuka 19:41

Chirri us ilkerengeetti weene Yeerusaleem isoodowwaate ilkerengeet arge ka, kooye,

Bakkaahit 7:15

Maantaka, “icho komborti Waakhe antoote ortiis toollaane, maalim ichoow ibeen minkiiski buure ka usu ihilaan. Waakkhi kombor kafiddiyo la eematiis ka icho a ogooga.

2 Timooti 1:4

Chaꞌan saggi maanti inno seley bahne at iooyte kasooꞌhelo, anihi kaargo ꞌdee hamaadi buure ibuuhicho ꞌdoona.

Hilassi Ergaano 17:5

Iꞌdaasenyi ꞌdooꞌdi Yaꞌhuud inaaf gele, ꞌdeerka ꞌdooꞌdoo sussuuje sokko ka soobaayicheene, ururi suuje yitaaheene ilkerengeet tuumman wereericheen. Minki etoo Yaason layadeeh dihte, kol Baawulo ichoow Siila minkaas kijiraane koogyihiine, ꞌdee reeraas khaatta enenyet igeessa.

Hilassi Ergaano 21:27

Geeddi ibeen teeba kasoomassatti ka, ꞌdooꞌdoo Yaꞌhuude boroofenhi Aassiya kayimiy Baawulo minki Waakhe buure goyaka arge. Urur tuumman sootukkicheene Baawulo khabteene,