Hilassi Ergaano 20:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Baawulo la usuhi kooban ka ilkerengeetti Efeesso ikuto iche gooche. Usuhi ibeennetoo boroofenhi Aassiya fiddiyo ma ꞌdoonin. A mehe usuhi dowwa ilkerengeetti weene Yeerusaleem chirri iche tateeh ibeenki daawti Beentekos ka eleelo ꞌdoona.

Hilassi Ergaano 20:16 Referans Kwoze

1 Koriinto 16:8

Iꞌdaasenyi ilkerengeetti Efeesso fiddiya, ichoowka daawti Beentekos tateeh.

Hilassi Ergaano 2:1

Ibeenki daawti Beentekos soomarte ka, ꞌdooꞌd Kiriisto tuumman intoo kalday kasoourure.

Hilassi Ergaano 19:21

Inkoo waha tuumman yitaaheen, Baawulo Rubeyti Munyee woytaayi wihi us gooche, chirri us ilkerengeetti weene Yeerusaleem irti, ili Makedooniya ichoow ki Akhaaya dah kagoocha. Wihi us yidah, “Inkoo an intaas irde, ilkerengeetti weene Rooma laka a sooarga.”

Hilassi Ergaano 24:17

“Inkoo an guꞌhassoo tuumman khar kijire ka ilkerengeetti weene Yeerusaleem isoonokhde, yaafteeyti Yaꞌhuude miskiine chilimme ikeene, sadakha laka bahche.

Hilassi Ergaano 21:4

Intaas ka abatti ꞌhelle, teebatoo leefiddiine. Icho la miigti Rubeyti Munyee ka Baawulo hawwaasteen uus ilkerengeetti weene Yeerusaleem iran.

Hilassi Ergaano 20:22

“Toolla la Rubeyti Munyee iche ilkerengeetti weene Yeerusaleem iwoyta, wihi intaas ka iyateeh la ma gardi.

Hilassi Ergaano 20:13

Intaas ka Baawulo katabne, kooban gelle, orey isohanne ichoowka ilkerengeetti ꞌdee Baawulo kooban kagelo Assos layadeeh iꞌdulle. Usu iꞌdaas gooche, iꞌdi tahe usu luhlo kasohta, il dah kagoocha ichoowka ꞌdee Assos ka isꞌhella.

Hilassi Ergaano 20:6

Nah la inkoo Daawti Makaateti Liikhasin kutte ka kooban ka ilkerengeetti Fiiliffi kakahne. Ibeen chan sohanne ꞌdooꞌd ilkerengeetti Tuurowa ka toro ikhayne. Teebatoo intaas fiddiine.

Hilassi Ergaano 18:21

Iꞌdaasenyi chirra us kaho ka, “Chirri Waakh ꞌdoono a atin isoonokhda,” iyidahye, kooban kore ilkerengeetti Efeesso kabahe.

Hilassi Ergaano 18:19

Chirri icho ilkerengeetti Efeesso yimaateen ka, Baawulo Birisiila ichoow Akiila intaas katabe. Baawulo minki weysiite Yaꞌhuud irte, ꞌdooꞌdi Yaꞌhuud leehawwooche.

Hilassi Ergaano 12:13

Beetero la yimiyye afafhi kharaat gugguꞌdde inanti falfeenye Rooda layadeeh itimiyye leeyeedde.

Hilassi Ergaano 16:6

Jeenteti Rubeyti Munyee ichohi boroofenhi Aassiya Wori Haaggan kacheeko itirattuu, irteene ili Furiijiya ichoow Galaatiya dah kagoocheen.

Hilassi Ergaano 19:1

Aboollo ilkerengeetti Koriinto kajiraayi, Baawulo kahe il dah kagooche ilkerengeetti Efeesso gele, intaas ka abattitoo ꞌhele.

Hilassi Ergaano 20:4

ꞌDooꞌdi usu walhiche a inam Birroki ili Beeroya, Soobarro layadeeh ichoow Aristaarkos ichoow Sekundohi ilkerengeetti ꞌDessaloonika ichoow Gaayohi ili Deerbe. ꞌDooꞌdi ili Aassiya Baawulo walhiche la a Tuuchiko ichoow Turofiimo. Timooti laka Baawulo a walhiche.

Hilassi Ergaano 20:18

Chirri icho sooeleeleen ka wihi us iyidah, “Atin rubeytiin saggi an uus maanti kolooraat an boroofenhi Aassiya soogele an atin ileejire a garattaan.