Hilassi Ergaano 20:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² ꞌDooꞌd eta nugul usuhi nool khaate goob geecheen. Icho la weyti uur lakhobooche.

Hilassi Ergaano 20:12 Referans Kwoze

2 'Dessaloonika 2:16

Yeesso Kiriistohi Kamureene rubeytiis ichoow Waakkhi Aabbaheenenye inno ꞌdoone, haaggiiski buurenye inno imunneynan ka armaanjireen tuumman uur inno miigooche toro la khajjeeli haaggan inno siiche ba,

1 'Dessaloonika 5:14

ꞌDooꞌd Kiriistokaaw, a atin hawwaassanne, ꞌdooꞌdi ollommee tootoocha. Ki roorro khabo uur miigoocha. Ki isuubaaꞌdan gargaara. ꞌDooꞌd tuumman la igarrahsada.

2 Koriinto 1:4

Us sinayyo tuumman ka uur a nah khoboocha, ꞌdee nah laka ꞌdooꞌdi addan sinabaaw icho khabaan ka uur miigoonna. Khoboonnaanki Waakh uur nah khoboocho ka, nah laka ꞌdooꞌd uur khoboon a nabuuꞌd.

1 'Dessaloonika 5:11

Toollaka uur ismiigoocha, toro isgargaara iꞌdi toolla atin yeessaan u.

1 'Dessaloonika 4:18

Taba giꞌde, yeedassa ka uur ismiigoocha.

1 'Dessaloonika 3:2

Toro la Timooti atin isooeregne. Us a eteenki koo Kiriisteenye, hili Waakh ka a wahalhaanya, Wori Haaggane Kiriisto miinsane ꞌdooꞌd icheeka. Usu a sooeregne, ꞌdee kakhuufnaanki atin Yeesso Kiriisto kakhuuftaan ka atin miigoocha toro la atin faajjiya.

Efeesso 6:22

Jeentetaase usu atin ikasooerga, ꞌdee saggi nah ijirro abattaane toro la uur atin miigoocha.

Hilassi Ergaano 20:11

Baawulo ꞌdeerka toro minki saraat ikore, makaate isleeyumheen. Inkoo us icho leeyyeede ichoowka orrahe sookorte ka, katabe.

Hilassi Ergaano 20:13

Intaas ka Baawulo katabne, kooban gelle, orey isohanne ichoowka ilkerengeetti ꞌdee Baawulo kooban kagelo Assos layadeeh iꞌdulle. Usu iꞌdaas gooche, iꞌdi tahe usu luhlo kasohta, il dah kagoocha ichoowka ꞌdee Assos ka isꞌhella.