Hilassi Ergaano 2:46 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁶ Orrahti sookorto tuumman, uranti minki Waakhe buurenye isikayamiitiine Waakh wahtaan. Toro goobassicho ka, uuri haaggan ka isleegolossataane, hamaadaane,

Hilassi Ergaano 2:46 Referans Kwoze

Hilassi Ergaano 5:42

Maan dakkhan uranti minki Waakhe buure ka ichoow minan ka Wori Haaggane saggi Yeesso rumanka Ki Lasubhe iyahe iche enenyet abisso toro cheekto ma ꞌdiin.

Hilassi Ergaano 2:42

Icho kol tuumman wihi ergaano abisse raaheene toro kulankoo kalday isleekhabeen. Icho ichoow ꞌdooꞌdi Kiriisto rummeeste ba isleegolossateene, toro Waakh isleewahteen.

Hilassi Ergaano 20:7

Ibeenki oraate teebataas ka isinimiy, ꞌdee gololi Kamure isleenahame, toro omoot Yeesso kasooꞌhellaa. Baawulo ꞌdooꞌd Yeedi Waakh icheeke ichoowka ibeen ekka seley kagowe, iꞌdi tahe usuhi ibeenki kaas sooraaho kaho ꞌdoonaa.

2 Koriinto 1:12

Maantaka wihi nah keeylajno a waha, wihi rubeyoheenyoki haag ichoow suujoon seley saaho rumanka cheekaan, a saggi nah munyati Waakh ka jiroti fissan harrata ka ijirre, kach ka la a saggi nah ortiin ka ijirre. Waha la kharati weeli enenyete harrata ka menye, haaggi Waakhe buure on kayeelle.

Hilassi Ergaano 16:34

Eti jeela iween icho minkiis geeche, gololoo icho yamhiin siiche. Usu ichoow minkiis jeenteti icho Waakh irummeesteen u weyti hamaadeen.

Kolossaay 3:22

Ilbooyye, taba wihi kamurretiinti harrata atin idowto tuumman raaha. Jeenteti atin Kamur ikaroortaan u, chirri icho atin ꞌdeyꞌdoochaan kaldach on menye, kol tuumman uuri haaggan ka icho kahamaadicha.

Rooma 12:8

Chirri siintaah ti enenyet uur lamiigoocho tahe, tab enenyet uur miigooy. Chirri siintaah ti enenyet walah lasiicho tahe, tab uuri haaggan ka enenyet walah sii. Chirri siintaah ti enenyet lawoyo tahe, tab enenyet mujjum woy. Chirri siintaah ti enenyet uur liinugleesti tahe, tab hamaad ka enenyet uur inugleyso.

Luuka 24:53

Kol dakkhan minki Waakhe buure fiddiyeene, Waakh saaꞌdeen.

2 Koriinto 11:3

Iꞌdaasenyi wihi an karooro a mehe ya, saggi goorat toof kharatiis ka Haawwo iekkeestuu a geeddi maliin labaabulo ꞌdee raahnaanki el ikhabine atin tuum Kiriisto raahtaan ka jit atin labuucho.

Hilassi Ergaano 5:21

Ergaano la yeedaas liiyidah raahte, baryo ka, minki Waakhe buure gesse iꞌdi liiyidah u enenyet walah abisse. Kuhaanihi weyti ween ichoow ꞌdooꞌdiis ba Jaldaabti Weene Yaꞌhuud tuummamba tol iwaheen, iskar ergeene ergaano jeela ka a lasookhaato yidaaheen.

Hilassi Ergaano 3:1

Maantoo, geeddi sahaꞌd saagaassi maalimeete lakaweesti ka, Beetero ichoow Yoohana minki Waakhe buurenye iꞌdulaan.

Luuka 24:30

Chirra us komborti ballaaddane lakagolossati ka meessiis koorronte ka, makaate khaate Waakh kalaꞌd ilaabe, jejjebche, icho gisin sookhabte.

Mattaayo 6:22

“Ile iꞌdi taa u sar banaye ikeenta. Chirri indohaah haagganyahiin sartaah tuumman banaye buuha.

Efeesso 6:5

Bowꞌdayyo, taba kamurretiinti harrata walah tuumman ka yeedicho raaha. Inkaanyit ka ichoow roorro ka wihi icho ꞌdoonaan tuumman yeela, uuri haaggan ka la yeela. Saggi atin Kiriisto ikihissaan on icho laka ihila.

Luuka 11:41

Iꞌdaasenyi gololi baakhuul goya kijiro miskiin siicha ꞌdee walah tuumman ka biꞌdir a bahtaanee.

1 Koriinto 10:16

Chirri inno gololi Kamur ka Waakh koob ka kalaꞌd ilaabno toro danno, inno tuumman gargaari diig Kiriisto isleegisanna menya? Makaateti lajebcho islaleeyaham ka la, gargaari sar Kiriisto isleegisanna menya?