Hilassi Ergaano 2:43 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴³ Ergaano girmo ichoow wahanyeyyohi miigti Waakh tuso haaggisse, enenyet tuumman la roorro gesse.

Hilassi Ergaano 2:43 Referans Kwoze

Yoohana 14:12

Rume atin icheeka, eti tuummane ani irummeesti, wihi an yeelo a yeela. Wihi waha kussan laka a yeela, iꞌdi tahe an Aabbahaaya inokhda.

Luuka 8:37

ꞌDooꞌdi ilkerengeetti Geraasa isoodow tuumman Yeesso daahe, icho a katabo, a mehe weyti roorro gesse. Ulla ꞌdeerka kooban kore irte.

Luuka 7:16

Icho tuumman roorro gesse, Waakh saaꞌdeene, “Etoo weene Waákh íyeyyeedo goyteen a yimiy. Waakh a yimiyye ꞌdooꞌdiis gargaara,” yidaaheen.

Marko 16:17

ꞌDooꞌdi rummeesti wahanyeyyoha miigti Waakh tuso a yeela. Antohi magaheey ka ginna enenyet a kabahcha, afi us idaagin laka kayeyyeeda.

Hilassi Ergaano 9:40

Beetero la icho tuumman khar ibahche, jilbo il kaguꞌdde Waakh wahte. Makhaabassi bujje iurgiye wihi us iyidah, “Tabiita, sookah!” Iche la indo soobakkaahisse, chiꞌiche Beetero agarte ka soorrommatte.

Hilassi Ergaano 4:33

Ergaano miigti buurenye Waakh siiche kaayyeedde, saggi Yeessohi Kamure omoot ikasookahe enenyet icheekte. Waakh la icho tuumman haaggiiski buure kaankube.

Hilassi Ergaano 9:34

Beetero la wihi us Ayyenneya iyidah, “Ayyenneya, Yeesso Kiriisto a kisamaacha, kahe ilaalaah khaat!” Ulla chirraas on sookahe.

Hilassi Ergaano 2:22

Beetero toro wihi us yidah, “ꞌDooꞌdi Issiraayeloow, bal yeeda nabah isuda! Waakh Yeessohi Naasaret ka wihi weeli enenyet yeelin iubaaꞌdan ichoow girmo ichoow wahanyeyyohi miigti Waakh tuso a atin tuse. Iꞌdaakka Yeesso rumanka antohi Waakh khabo a atin tuse. Atin la wahaas a garattaan.

Hilassi Ergaano 5:5

Anaaniya chuꞌus yeedaas daage ka, il guꞌdde, yumuy. ꞌDooꞌdi yeedaas daage tuumman weyti roorro gesse.