Hilassi Ergaano 2:42 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴² Icho kol tuumman wihi ergaano abisse raaheene toro kulankoo kalday isleekhabeen. Icho ichoow ꞌdooꞌdi Kiriisto rummeeste ba isleegolossateene, toro Waakh isleewahteen.

Hilassi Ergaano 2:42 Referans Kwoze

Ibiraaniya 10:25

Uus inno kulanki inno kulanno ꞌdiin, iꞌdi ꞌdooꞌdoo yeeluu. Iꞌdaasenyi tabno uur a ismiigoonno, toro Ibeenki Kamur soonokhti a soodowwaatee gone, weyti iꞌdaas yeello giꞌde.

Hilassi Ergaano 1:14

Ichohaas tuumman, ichoow oboorrihoo addan ichoow Maariyati abar Yeessee, ichoow walaalinye Yeesso ba kol tuumman a sooururaane Waakh isleewahtaan.

1 Yoohana 1:3

Wihi nah agarre toro nah daagne, iche atin isoocheekna, ꞌdee atin ichoow nah ba kulankoo kalday khabna. Toro la Waakkhi Aabbaheene ichoow Yeesso Kiriistohi Weeliise kulankoo kaldaye leekhabna.

1 Yoohana 1:7

Iꞌdaasenyi chirri inno banay goya kaassohanni saggi us banay goya ikajiruu, inno tuumman kulankoo kaldaye khabna, diig Yeessohi Weeli Waakhe la uskeeleen tuumman a inno kadikha.

Hilassi Ergaano 2:46

Orrahti sookorto tuumman, uranti minki Waakhe buurenye isikayamiitiine Waakh wahtaan. Toro goobassicho ka, uuri haaggan ka isleegolossataane, hamaadaane,

Hilassi Ergaano 20:7

Ibeenki oraate teebataas ka isinimiy, ꞌdee gololi Kamure isleenahame, toro omoot Yeesso kasooꞌhellaa. Baawulo ꞌdooꞌd Yeedi Waakh icheeke ichoowka ibeen ekka seley kagowe, iꞌdi tahe usuhi ibeenki kaas sooraaho kaho ꞌdoonaa.

Efeesso 6:18

Taba kol tuumman saggi Rubeyti Munyee atin iwoytuu weysi ichoow daahti fil tuummane ka Waakh wahda. Iꞌda yeessaani toorribda, toro kol dakkhan garrahsada ꞌdooꞌdi Waakh tuumman Waakh iwaha.

Yuuda 1:20

Iꞌdaasenyi atinhi aalasseeyki an weyti ꞌdoonee, taba kakhuufnaanki weyti lagane atin Kiriisto kakhuuftaan ka ismiigoocha. Chaꞌatin Waakh wahattaan la Rubeyti Munyee a atin woyto.

Kolossaay 4:2

Taba, weysi ka orey isohda, geeddaas tuumman isyaakhicha, Waakh la kalaꞌd ilaaba.

Kolossaay 1:23

Iꞌdaasenyi, taba wori rummaat kakhuufa, iꞌdi wihi isesseehin u jurkhicha. Khajjeeli Wori Waakhe Haaggan akaguurina. Wora atin daagteen a ki ꞌdooꞌdi harra tuumman liicheeke. Anna a Baawulo, a falfati Wora Haaggan cheekto.

2 Timooti 3:14

Iꞌdaasenyi at orey on isoho, wihi goorat lakaabche at rummeysatti mujjum jurkhi. A mehe ꞌdooꞌdi at runta kaabatte a garatta,

Efeesso 2:20

Atin a iꞌdi daddaabohi ilaate minki ergaano ichoow ꞌdooꞌdi Waákh íyeyyeedo kadisanyahiin. Tirrinki dagaheete minka la, a Yeesso Kiriisto rubeytiissa.

Hilassi Ergaano 14:22

Ilkerengeetohaas ka abatti uur miigoocheene ꞌdee kakhuufnaanki icho Kiriisto kakhuufaan mujjum khucchaan. Wihi icho iyidaaheen, “Wihi massan, sinayyohi buurenye inno isoobaha dakhi Waakh kagella.”

Hilassi Ergaano 6:4

Nah la ꞌdee awteenyuu, weysi ichoow hili Waakhe Yeedi Waakh lacheeko a gello.”

Hilassi Ergaano 4:31

Inkoo icho weesteen ka, meessi kootte icho kijiraan sesseehte. Rubeyti Munyee la icho tuumman buuhisse, Yeedi Waakh roorro laan cheekeen.

1 Koriinto 10:21

Koobi Kamur ichoow koobi ginnayyoot ma isleedantaan. Ommos gololi komborti Kamur ichoow gololi komborti ginnayyoot ma isleetamhiin.

Rooma 12:12

Jeenteti atin khajjeel ikhabtaan u, hamaada. Sinati atin loomhicho ka garrahsada, kol dakkhan la Waakh wahda.

Ibiraaniya 10:39

Iꞌdaasenyi inno ꞌdooꞌdi Waakh adah kakhabti labaabiicho goya ma kijirro, ꞌdooꞌdi Waakh kakhuufo, Waakh ribo goya kijirra.

Hilassi Ergaano 11:23

Maanti us intaas sooeleele us saggi icho haaggi Waakhe buurenye icho imunneynan iꞌheleen arge ka, weyti hamaade, ulla icho uur miigoocha ꞌdee rumanka uurassicho tuumman ka Kamur raahaan.

1 Koriinto 11:2

An weyti atin koolicha iꞌdi tahe walah tuumman ka a ikasooꞌhessaane toro la hugunki goorat an ꞌhele toro an atin isookucche, mujjume khucchissaan.

Hilassi Ergaano 20:11

Baawulo ꞌdeerka toro minki saraat ikore, makaate isleeyumheen. Inkoo us icho leeyyeede ichoowka orrahe sookorte ka, katabe.

1 Yoohana 2:19

ꞌDooꞌda goyteenna kabahe iꞌdaasenyi rumanka keen ma eheynan. A mehe chiꞌ rumanka goorat icho keen yahiin, a inno leefiddiyaan. Iꞌdaasenyi katabinti icho inno katabeen, saggi koo kalday laka keen ieheynane tusa.

Galaatiya 1:6

Ani a atin kagirmeesda! Atin saggoh Waakkhi haag Kiriistoki buurenye inno imunneynan ka atin wahe dowwa on ikaguurteene, woroo addane haaggane atin laabche iraahteen?

Hilassi Ergaano 4:23

Beetero ichoow Yoohana uus lasooꞌdiiche, ꞌdooꞌdichoki addan iirteene wihi kuhaaniyyohi wewween ichoow ewweenki Yaꞌhuud kaleeyyeedde ꞌdooꞌd icheekte.

Luuka 24:35

ꞌDooꞌdi kootte lammee laka wihi kootte geeddi icho jit kaꞌdulaan yitah cheeke. Toro la saggi icho chirri Yeesso makaate jebche eti u yahe iabteen ꞌdooꞌd icheekeen.

Luuka 24:30

Chirra us komborti ballaaddane lakagolossati ka meessiis koorronte ka, makaate khaate Waakh kalaꞌd ilaabe, jejjebche, icho gisin sookhabte.

1 Koriinto 14:6

Toolla ꞌdooꞌd Kiriistokaaw saggoh atin igargaaro chirri an amiite, an afi Rubeyti Munyee kaayyeedo? Sag ba! Sammata an wihi Waakh isoobabbakkaahiche ommos runti an gardi ommos farniinki eti Waákh íyeyyeedo an atin ikasoochekin, ommos an walah atin iabin, an walah an atin kagargaaro mele gon.

Fiiliffi 1:5

A mehe atin uus maanti kolooraate atin Wora Haaggane Kiriisto miinsan daagteen ichoow uliba a iwalhisseene woraas ileecheekteen.